Hiburuduma 9:23 - ZE'ELEGO PAALEGA

²³ Bala ti la daa nara ti saazuo lɔgerɔ la ti ba tɔgehɛ maalɛ la, ba duuha ba la malema ana, gee saazuo lɔgerɔ la mɛŋa nari la kaabegɔ seko en gani ŋwana.

Farefare Ninkaré

²³ Lan yʋʋn masɛ tɩ ba dɩkɛ dũnsi zɩɩm malgɛ bõn-sɛba n mãmsrɩ sɛla n boe Nawẽnnɛ yire la, tɩ ba le ãna sõŋa bɛla la, la sãn dɛna bõnɔ la mẽŋa n boe Nawẽnnɛ yire la, dẽnɩ tɩ la dɛna kãabgɔ n ãn sõŋa gãnna bɛla.

Hiburuduma 9:23 ပူးပေါင်းရင်းမြစ်များ

Aluki 24:26

La dagi la de sore ti Kiresta la namehɛ yele ana woo puan gee nyaa kɛ̃ a suŋa la puan?”

Aluki 24:46

Ti a le yele ba yeti, “La pun gulehɛ mɛ ti, Kiresta la wan namehɛ gee vo'e a kum la puan dabeha atã,

Azã 14:3

N han kiŋɛ ta maalɛ zi'an la biŋe ya ba'ahɛ, n wan le lebe n mɛŋa na, tari ya kiŋɛ, ti zi'an ti mam bɔna la, bilam ti yamam me wan bɔna.

Tõoma 23:15

Bala la, nananawa, yamam la kiinduma la bahɛ ti pɛntiireba kpɛ'ɛma mina ŋwana, la a bahɛ ti ba tari Pɔɔl wa'am ya zi'a na, wuu ya boti ya malum viihɛ la a yele la paaɛ paaɛ la. Gee tumam pun maahum mɛ ti tu wan ba'ahɛ en ti a pun kan paaɛ yamam nɛŋan na.”

Kolɔsɩ 2:17

Bana wa daa dela yele sɛ'a n wan wa'am na la yinyiligo, gee Kiresta en de yelemɛŋerɛ la.

Hiburuduma 10:1

Bala, ze'elego la en yeen dɛna yinyiligo bo' yelesuma la en kini na la, gee dagi yelesuma la yelemɛŋerɛ naanɛ n bala la, kaabegɔ yiŋɔ la en kaaberi yuunɛ woo kan ta'am bahɛ ti sɛba en dole ku la dɛna nɛreba en bi'ɛ kahegɛ.

Hiburuduma 10:4

Se'ere en sɔi la, la kan ta'am iŋɛ ti lɔlehi la buuhi ziim ta'am saalum be'em.

Hiburuduma 8:5

Bama na'aheri Yinɛ la tanɛ deo seko puan ti asaala mɛŋa ti', gee dɛna saazuo pu'uhegɔ yire la yinyiligo la. Se'ere en sɔi la, Moose en yuum ta maahena ti a ti' pu'uhegɔ tanɛ deo wa la, Yinɛ yuum kagɛ en mɛ yeti, “Bihɛ suŋa la fum ti' de sɛla woo wuu mam magehɛ de se'em pa'alɛ hɔ zoore la zuo la.”

Hiburuduma 9:14

Ŋwani ti Kiresta ziim la kan tum gaŋɛ bala zo'e zo'e se'em en doohe Sia sɛka en ka tari ba'ahegɔ la puan, kaabɛ a mɛŋa fa'a kaabegɔ bo' Yinɛ la. Ziim buna wan sirum pee tu puti'ira yehe kum tuuma puan, tari tu lebe ti tu na'aha Yinɛ Vɔa wa!

Hiburuduma 9:24

Se'ere ni sɔi la, Kiresta ka kɛ̃ la pu'uhegɔ deo seko ti saaleba nu'uhi mɛ, yeen dɛna yelemɛŋerɛ deo la ti ba tɔgehɛ, gee a kɛ̃ la tinsuŋan mɛŋa puan ha, ti a bɔna Yinɛ nɛŋan nananawa, tumam zuo.

Lilegere 5:9

Ti ba za'a yuum yuumpaalɛ yeti, “Fum nari mɛ ti fum to'e gɔŋɔ la la fum lorege daalehum se'ere en sɔi la, ba yuum kɔregɛ fum mɛ, ti fum dikɛ fum ziim yɔ to'e nɛre sunduma, buuri woo, tugum woo, nɛreba woo la tihi woo puan bo' Yinɛ.