Hiburuduma 7:25 - ZE'ELEGO PAALEGA

²⁵ Dina zuo la a nyaŋeri mɛ faara, nananawa la saŋa woo sɛba en dole a puan paara Yinɛ la baha, eŋa en vɔi wuuha la zuo, a ŋmɛ'ɛra nupu'ɔ ba zuo la.

Farefare Ninkaré

²⁵ La de la bɛla tɩ a tãna wʋn fãagɛ sɛba wuu n doose la ẽŋa lɛnna Nawẽnnɛ zẽ'am na, wakatɛ wuu ĩyã. Se'ere n soe la, a vɔa mɛ wakatɛ wuu yõkra Nawẽnnɛ sɩa bɔ'ɔra ba.

Hiburuduma 7:25 ပူးပေါင်းရင်းမြစ်များ

Azã 14:13

N wan iŋɛ sɛla woo ti ya soke bɔta mam yu'urɛ puan, ti Sɔ la nyɛ pɛka dayua la puan.

Azã 14:16

Bala ti n wan soke n Sɔ la, ti a wan bo' ya Nu'pu'ŋmɛ'ɛra ayima en kpe'em paaɛ paaɛ ti a bɔna la ya wuuha.

Azã 14:6

Ti Yezu yele en yeti, “Mam n de sore la, la yelemɛŋerɛ la, la nyɔvore la. Se'em kan ta'am paaɛ Sɔ la zi'an, han dagena a doohe la mam puan.

Aromduma 5:10

Se'ere en sɔi la, tumam nyaa daa han tugum dɛna Yinɛ dinduma, gee ti a dikɛ tu naaɛ la a mɛŋa, doohe a dayua kum la puan, sɛla en nyaa gani bala dela, en dikɛ tu naaɛ a mɛŋa la, tu wan nyɛ faarɛ a vom la puan.

Aromduma 5:2

Se'em puan ti tu doohe nyɛ yɔ'ɔ doohe (sakerɛ) puan ti tu tara zu'uhegɔ seko ti tu yaga ku zuo wa, gee me ŋmɛ'ɛra nyu'ɔ la tumam beere wan lagum nyɛ Yinɛ suŋa la.

Aromduma 8:34

Ani en wan ta'am sagum tɔ? La dela Kiresta Yezu en ki, ɛ̃ɛ, se'em ti Yinɛ vo'e en la, ti a bɔna Yinɛ zuɔ nu'o la. Eŋa en sirum de nupu'ŋmɛ'ɛra bɔ'ɔra tumam.

1 Korẽntɩ 1:21

Ze'ele Yinɛ yɛm puan na, timpaberɛ wa zuo nɛreba ka mi Yinɛ ba mɛhi yɛm puan, Yinɛ en iŋɛ a puti'irɛ ti a doohe tumam gɔɔnɛ muulegɔ wa puan, la a faaɛ sɛba en nam la.

Efɛɛzɩ 2:18

Se'ere en sɔi la, eŋa puan, ti tu za'a tara Sia kayima dɔla paara Sɔ la zi'an.

Efɛɛzɩ 3:12

se'em puan ti tu wan paaɛ Yinɛ nɛŋan la sukpe'ene ti dabeem ka bɔna, doohe tumam n sakɛ bo' en se'em.

Efɛɛzɩ 3:20

Nananawa, eŋa se'em paŋa en tuni tu puan wa, wan ta'am tum zo'e zo'e bo' tu gana tumam n soke en bii ti'iha sɛla yele la.

Filipi 3:21

A wan tee tu inganɛ se'ere n nyɛti mugehego wa, ti ka ana wuu eŋa insɛka en tari suŋa wa, doohe la a pansɛka n baheri ti a ta'na bahera ti sɛla woo bɔna a nu'uhen la.

1 Timoti 2:5

Se'ere en sɔi la, Yinɛ dela deyina, nupu'ŋmɛ'ɛra me dela ayima, Yinɛ la saaleba tiŋasuka Ena daana la Kiresta Yezu, se'em en wa'am na dɛna asaala a mɛŋa la,

2 Timoti 1:12

dina wa zuo ti mam nameha wuu mam en namehɛ se'em wa. Gee vi ka tari mam, se'ere en sɔi la, mam mi' se'em ti mam delum en la mɛ, N me mi' suŋa suŋa ti a wan ta'am gura mam ta paaɛ de daarɛ, la sɛla ti a dikɛ iŋɛ mam puan la.

Hiburuduma 11:6

Bala, sakerɛ han ka bɔna, la kpe'em mɛ ti fum tigɛ Yinɛ nini, se'ere en sɔi la, se'em woo en wa'am a zi'an na, dela a mina ti Yinɛ boi mɛ, gee yɔɔra sɛba woo en eere en la ninmu'urɛ.

Hiburuduma 13:15

Doohe eŋa puan, yi bahɛ ya ti daarɛ woo, tu bɔ'ɔra Yinɛ tu na'ahegɔ kaabegɔ en de tu nɔgbama wala ti tu puta a yu'urɛ la.

Hiburuduma 2:18

Beni zuo, eŋa mɛŋa nyɛ la makerɛ, a namehegɔ la puan, a wan ta'am suŋɛ sɛba woo en nyɛti makerɛ la.

Hiburuduma 2:9

gee tu nyɛ Yezu, se'em ti saŋa fii wa, Yinɛ iŋɛ en ti a bɔna suŋereba la tiŋa, gee nananawa nyaa vuge suŋa la na'ahegɔ muŋa doohe a namehegɔ kum la zuo, ti Yinɛ zu'uhegɔ la zuo,Yezu wan lem kum bo' nɛra woo.

Hiburuduma 5:7

Yezu en yuum boi timpaberɛ wa zuo, a inganɛ puan la, a yuum dikeri la pu'uhegɔ, la suhega la kɔkɛ'ɛŋa la nintam bɔ'ɔra se'em daana en wan ta'am faaɛ en kum puan bahɛ la, ti a ni kelehe en, a Yinɛ zoolum la zuo.

Hiburuduma 7:16

eŋa daana la en lebege malema daana la dagi ze'elego en bu en sore bii saala buuri tuuhum, gee a la doohe la vom sebo n ka sageni la paŋa puan.

Hiburuduma 7:19

(Se'ere en sɔi la, nɔze'elego la daa ka bahɛ ti sɛla bi'ɛ kahegɛ). Zi'an kayima me pa'ali ti, beere putɛ'sunɛ se'ere boi gana ŋwana, ti tu wan dɔla pu'uha Yinɛ.

Hiburuduma 7:24

Gee malema daana ena kɔ'ɔm bɔna a malema tuuma la puan mɛ wuuha wuuha, se'ere en sɔi la a boi la wuuha.

Hiburuduma 7:8

Yele wa zi'an kayima dela, saaleba en kiiri to'ohe pia pia bo'olum, gee zi'an kayima me, se'em ti ba mina ti a pun bɔna mɛ na la me to'ohe pia pia bo'olum la mɛ.

Hiburuduma 9:24

Se'ere ni sɔi la, Kiresta ka kɛ̃ la pu'uhegɔ deo seko ti saaleba nu'uhi mɛ, yeen dɛna yelemɛŋerɛ deo la ti ba tɔgehɛ, gee a kɛ̃ la tinsuŋan mɛŋa puan ha, ti a bɔna Yinɛ nɛŋan nananawa, tumam zuo.

Azudi 1:24

Nananawa, se'em Daana en wan ta'am tara ya ti ya kan lu la, gee me iŋɛ ya ti ya zɛ'a filam ti dɛkɔ ka lama ya ya Daana la suŋa la nɛŋan, la nyɛɛma.