Hiburuduma 5:9 - ZE'ELEGO PAALEGA

⁹ Ti en doohe ŋwana woo puan tole la, a nyaa bi'ɛ kahegɛ mɛ, a nyaa dela se'em puan ti vomkan ba'ahɛ faarɛ bɔna bo' sɛba woo en nane en la.

Farefare Ninkaré

⁹ La ẽn daan tõm Nawẽnnɛ n boorɩ se'em wuu ba'asɛ la, a lebge la sɛka tɩ nẽr-sɛba wuu n sakrɩ a nõorɛ la yẽtɩ fãarɛ n ka tarɩ ba'asgɔ a zẽ'am.

Hiburuduma 5:9 ပူးပေါင်းရင်းမြစ်များ

Amatie 17:5

En boi bini tɔgera la, ti sagbanɛ en nyagere n bala wa'am na pi' ba. Ti kua ze'ele sagbanɛ la puan tɔgɛ bahɛ na yeti, “Mam dayua n ŋwana, se'em ti mam nɔŋɛ paaɛ paaɛ. Mam nini n tigɛ la se'em n bala, kɛleha ya en.”

Aluki 13:32

Ti Yezu yele ba yeti, “Kiŋɛ ya ta yele piihɔ wa bo' mam yeti, ‘A Kɛleha, mam sa'ahɛ la kulekpa'bɛ'ɛhi, gee tibera bã'ahi zina la beere, dabeha atã daarɛ ti n wan ba'ahɛ n tuuma.

Azã 19:30

Lan ta kalum Yezu nuurɛ la, ti Yezu yeti, “La ba'ahɛ ya.” Gee nyaa suure a zuo, vo'ohe a vo'ohum za'a.

Tõoma 3:15

ya tugum ku la vom daana la se'em ti Yinɛ vo'e en kum puan la. Yele dina wa ti tumam dɛna aze' nyɛ duma.

Tõoma 4:12

Faarɛ ka boi se'em puan, se'ere n sɔi la, yu'se'ere ka boi sagbanɛ wa tiŋa bo' nɛresaaleba ti ba wan yi' de nyɛ faarɛ.”

Tõoma 5:32

Ti tumam n dɛna aze' nyɛ duma bo' yele ana wa, la Fa'a Sia ti Yinɛ dikɛ bo' sɛba n nane en la.”

Aromduma 1:5

Se'em puan ti tumam to'e zu'uhegɔ, la tuntuneba yɔ'ɔ, ti tu bahɛ ti timpaberɛ wa nɛreba za'a me nam, gee tara sakerɛ a yu'urɛ la puan.

Aromduma 10:16

Gee dagi nɛra woo en nam bo' faarɛ yelehum la. Se'ere en sɔi la, Azaaya yeti, “Daana, ani en nam tu yelehum wa?”

Aromduma 15:18

Se'ere en sɔi la, mam kan makɛ ti n tɔgɛ sɛla, han dagena Kiresta en ba'ahɛ tuunsɛ'a doohe mam puan, nyaŋɛ sɛba en dagi Yuda buuri ti ba nam Yinɛ, doohe mam tugum bii tuunse'ere woo puan,

Aromduma 2:8

Sɛba me en eere ba mɛhi en boti se'em la, ka nana yelemɛŋerɛ la, gee nana la tuunfi'iha la, Yinɛ sunsunyiim, la sunsunyiim tuulɛ en de ba dinɛ.

Aromduma 6:17

Gee pɛka dɛna Yinɛ dinɛ, ti yamam sɛba en tabelɛ dɛna be'em da'aberɛ wa, nyaa dela sɛba en nane ya suya puan ha, doohe la pa'alegɔ seko taaba en dikɛ bo' ya la,

2 Korẽntɩ 10:5

Tu sageni nɔkpɛ'ɛma mɛ la pirega lɔgeseko woo n zaberɛ la Yinɛ mi'ilum la, gee nyɔgera putɛ'sɛ'a woo n boi ti ba nana Kiresta.

Filipi 2:12

Ŋwana zuo, n sunɔŋerɛ duma wa, wuu yamam en nane mam saŋa woo se'em la, ti la dagena la mam ni bɔna la ya la ma'a, gee nam ya mam gana bala nananawa, ti n ka bɔna la ya wa. Tuni ya mɛ la ninmu'urɛ pa'alɛ ti ya nyɛ faarɛ, la dabeem la gbi'a.

2 Tesaloniki 1:8

Kina na la bugum en diti zigi zigi, lɛregera sɛba en ka mi' Yinɛ, la sɛba en ka nam Daana Yezu faarɛ yelehum la.

2 Tesaloniki 2:16

Nananawa, tu Daana Yezu Kiresta mɛŋa, la Yinɛ en de tu Sɔ se'em en nɔŋɛ tɔ gee doohe a zu'uhegɔ puan, bo' tu sumbugehum la beere putɛ'sunɛ en ka tari ba'ahegɔ la,

2 Timoti 2:10

Bala zuo, mam ŋmiberi mɛ sɛla woo puan, sɛba ti ba looe la zuo, ti ba me nyɛ faarɛ se'ere en boi Kiresta Yezu puan, la na'ahegɔ seko en ka tari ba'ahegɔ la.

Hiburuduma 1:14

Suŋereba la za'a dagi la sabeeo Sia tuuma la puan, ti Yinɛ tuna ba ti ba tuna bɔ'ɔra sɛba en wan ta sooe vaaɛ faarɛ la?

Hiburuduma 11:40

se'ere en sɔi la, Yinɛ maahum la sɛla en gani bala biŋe, ti tumam la bamam lagum taaba bi'ɛ kahegɛ.

Hiburuduma 11:8

Sakerɛ zuo ti Aberaham nam en yuum yi' en ti a nɔgɛ kiŋɛ zi'an ti a wan ta sooe ti ka dɛna a sɔ'ɔlum la. A yuum sirum ihege yɛ'a mɛ, gee ka mina en ye' zi'an la.

Hiburuduma 12:2

Tu biha suŋa suŋa Yezu en de sakerɛ nɛŋa daana, se'em daana n de sakerɛ la ba'ahegɔ daana la. Se'em ti nyɛɛma sɛ'a en dikɛ biŋe en la zuo, a daa ŋmibe mɛ ta paaɛ pumpuuredɔɔ la zuo, ka fabela dɔɔ zuo kum la nyanɛ la, nyaa wa'am na zi'a a zi'a zi'an Yinɛ na'am kuka la zuo, zuɔ nu'o.

Hiburuduma 2:10

La daa dela ma'a, ti Yinɛ se'em en sɔi, la se'em puan ti sɛla woo bɔna la, en boti a tari nɛreba zo'e zo'e wa'am suŋa puan na la zuo, a bahɛ ti se'em en de ba faarɛ nɛŋa daana la bi'ihɛ a mɛŋa kahegɛ namehegɔ puan.

Hiburuduma 2:3

ŋwani ti tu wan ta'am piiɛ, tu han zagehɛ faarɛ kãtɛ dina wa? Tu wum bu yele yia la Daana la mɛŋa zi'an, ti sɛba en wum bu a mɛŋa nuuren la me yele tu ti bu dela bala,

Hiburuduma 9:12

a kɛ̃ la buyina za'a za'a Fa'a Saraa wa puan, ka tari buuhi la nagebibehi ziim, gee a mɛŋa ziim, n ze'ele bo' faarɛ en ka tari ba'ahegɔ.

Hiburuduma 9:15

Dina wa zuo ti a dɛna nupu'ŋmɛ'ɛra bo' nɔpu'ulepaalɛ la, ti bala ti sɛba ti ba yi' la wan ta'am to'e nɔbiŋere lɔkɔ la en ka tari ba'ahegɔ la. Se'ere en sɔi la, kum n ki to'e ba, ba tuure la en daa boi yia nɔpu'ulegɔ la puan la.

Hiburuduma 9:28

bala mɛa ti Kiresta, en kaabɛ a mɛŋa buyina bo' nɛreba zo'e zo'e be'em la ba'ahɛ, a wan le niiɛ na buyi' puan na, dagi a le zabɛ la be'em, gee a faaɛ sɛba en ani kɛli gura en la.

1 Pita 1:22

Nananawa ti ya pee ya sɛɛhi doohe yan nam yelemɛŋerɛ la, nyaa tara yelemɛŋerɛ nɔŋerɛ la, nɔŋɛ ya taaba paaɛ paaɛ ya suya puan ha.

1 Zã 5:20

Tu me mi' ti, Yinɛ Dayua la wa'am na bo' tu la bɔkerɛ, ti tu mina eŋa se'em en de yelemɛŋerɛ la, tu me boi la eŋa se'em en de yelemɛŋerɛ la puan, Yelemɛŋerɛ dina wa dela Yinɛ Dayua Yezu Kiresta. Eŋa en de Yinɛ de mɛŋa mɛŋa, la Yinɛ vomsumɔ kamba'ahɛ.

Azudi 1:21

Dikɛ ya mɛhi iŋɛ Yinɛ nɔŋerɛ la puan, gee la ya biha tu Daana Yezu Kiresta nimbɔ'zɔrɛ la en dole yɛ'a vom kamba'ahɛ puan la.