Hiburuduma 3:1 - ZE'ELEGO PAALEGA

¹ Bala zuo n suurɔ, n tuulum nɛre tadaanduma Yinɛ saazuo yi'a wa puan wa, bihɛ ya suŋa suŋa Yezu en de tuntuna, gee dɛna malema kiima bo' tumam sakerɛ yelehum la wa la,

Farefare Ninkaré

¹ Bɛla m sɔbiisi, yãma tɩ Nawẽnnɛ wi tɩ ya welge to'ore dɛna a nẽrba la, bɩsra-ya Azezi, ẽŋa n de sɛka tɩ Nawẽnnɛ tõm, la ẽŋa n de tõma kãabgɔ kẽma nẽŋadãana Nawẽnnɛ sore doosgo la pʋam.

Hiburuduma 3:1 ပူးပေါင်းရင်းမြစ်များ

Azã 17:3

Ŋwana n de vomkanba'ahɛ la, ti saaleba baŋɛ fum, fum se'em n de yelemɛŋerɛ Yinɛ wa ma'a, gee me baŋɛ Yezu Kiresta, se'em ti fum tum na la.

Azã 20:21

Ti Yezu yele ba yeti, “Suma'ahum bɔna la ya. Wuu sɔ la n tum mam na se'em la, bala mɛa ti mam me tuna ya.”

Azã 20:27

Gee nyaa yele Tɔmasi yeti, “Dikɛ fum nu'dibila doohe n nu'o wa puan bihɛ, gee tiɛ fum nu'o doohe n lugerɛ wa. Da bu'ura, gee nam.”

Tõoma 1:15

Dabeha aŋa mɛa puan ti Pita ihege ze'ele sɛba n nam bo' Yezu la n lagehɛ (wuu nɛrekɔbega la pihiyi') la tiŋasuka yele ba yeti,

Aromduma 11:17

Gee yila la a sɛ'a daa han kɔ' mɛ, ti ba dikɛ yamam en de olive tiyɛɛhɛ tubera na wa wa'am na toŋe yila la zi'ihi la, ti ya lagum nyuura olive nyɛga la ko'sumɔ la,

Aromduma 15:27

Ba puurɛ pee mɛ ti ba tum dina wa. Yelemɛŋerɛ bamam mɛhi la tari la ba sanɛ. Se'ere en sɔi la, Yuuduma la han tɔrɛ ba sia puan maalegɔ bo' sɛba en dagi Yuda buuri la, bamam me dela ba tum inganɛ puan lɔgerɔ maalegɔ tuunɛ me bo' ba.

Aromduma 15:8

N yeti ya mɛ wa, ti Kiresta lebege la yameŋa bo' ya sɛba en ŋma la, Yinɛ yelemɛŋerɛ la zuo, ti a bahɛ ti Yinɛ en biŋe nɔse'ere bo' yaabeduma la tum,

Aromduma 9:24

ta' la tumam sɛba ti a yi tu, dagi la Yuu buuri puan ma'a, gee sɛba en dagi Yuu buuri la me la?

1 Korẽntɩ 1:2

en gulehɛ bɔ'ɔra Yinɛ Lageŋɔ la en boi Korinti tiŋa, la sɛba ti ba soke ba, Yezu Kiresta puan, gee yi ba ti ba dɛna nɛresunduma, ta pa'ahɛ la sɛba woo en boi ze'sɛka woo yi'ira Yezu Kiresta yu'urɛ la, ti a dɛna bamam la tumam Daana la.

1 Korẽntɩ 10:17

Boroboro la en de deyina la zuo, tumam en zo'e se'em la dela inganɛ deyina, se'ere n sɔi la, tu lagum obe la boroboro deyina la.

1 Korẽntɩ 9:23

Mam iti ŋwana za'a la faarɛ yelehum la zuo, ti n ta ta'am tara tɔtɛ bu sum la puan.

2 Korẽntɩ 1:7

Tumam n tari beere putɛ'se'ere la ya ka miini. Se'ere en sɔi la, tumam mi' ti, yamam n nameheri la tɔ wa, bala mɛa ti ya wan nyɛ tumam sumbugehum la tɔ.

2 Korẽntɩ 9:13

Doohe la tumam en makɛ ya bihɛ la tuun-dina wa taaba la, ya bo' Yinɛ yu'urɛ pɛka mɛ la yan nam gee sakɛ bo' Yezu faarɛ yelehum la se'em la, la ya pupeelum tɔrega la ti ya tɔrɛ la ba, la basɛba me se'em la.

Efɛɛzɩ 3:6

De vuurɛ dela, sɛba n dagi Yuuduma wa nyaa lagum dɛna la sɛba en tari tɔtɛ, lagum dɛna iŋa kayima la nɛresɛba n wan lagum to'e nɔbiŋere lɔkɔ la Kiresta Yezu puan, faarɛ yelehum la zuo.

Efɛɛzɩ 4:1

Dinɛ zuo, mam en boi paka deen Daana la tuuma zuo beleni ya mɛ, ti ya vɔna vom sebo en nari la yi'sɛka ti ba yi' ya kɛ̃' ka puan la.

Efɛɛzɩ 4:4

Se'ere en sɔi la, Iŋa kayina, la Fa'a Sia kayima ma'a en boi, wuu ban yi' ya beere putɛ'yinɛ wa puan se'em la.

Filipi 3:14

N tiregeri mɛ ti n di mi'a, la n to'e yɔɔrɛ la en de saazuo yi'a wa yɔɔrɛ, ti Yinɛ yi' mam doohe Kiresta Yezu puan la.

Kolɔsɩ 1:12

la pɛka bɔ'ɔra Sɔ la fara. Sɔ se'em en iŋɛ ya ti ya lagum tara tɔtɛ la nɛre sunduma la en boi niihum puan la.

Kolɔsɩ 1:22

e a nyaa dikɛ ya naaɛ mɛ, doohe amɛŋa saala ingɔŋɔ kum la puan, ti a bahɛ ti tu dɛna tuulum nɛreba, ka tara dɛkɔ bii geere a nɛŋan,

Kolɔsɩ 3:12

Wuu Yinɛ en looe ya la, ti ya dɛna tuulum nɛreba ti a nɔŋɛ la, bagɛ mɛhi la ya nɛreba giile, itesuŋɔ, sigehe mɛa, ma'ma', la sudi'ihego

1 Tesaloniki 2:12

ka'ana, gee kpɛmeha ya, gee me bɛlena ya ti ya vɔna vom sebo taaba n nari bɔ'ɔra Yinɛ, se'em en yi' ya ki'ihɛ a mɛŋa sɔ'ɔlum, la a suŋa puan la.

1 Tesaloniki 5:27

Mam ka'ani ya mɛ Daana la puan, ti ya kãalɛ gɔnkuna wa bo' suurɔ la za'a.

2 Tesaloniki 1:11

Lan paaɛ ŋwana beene la, tu pu'uheri saŋa woo mɛ bɔ'ɔra ya, suhera ti Yinɛ wan bahɛ ti ya nara la a yi'a la ti a yi' la. A wan doohe a paŋa la puan bahɛ ti ya putɛ'suma la ya sakerɛ tum,

2 Tesaloniki 2:14

Dina zuo, ti a yi' ya doohe tumam n muulɛ faarɛ yelehum la bo' ya la, ti ya ta'am tara tu Daana Yezu Kiresta suŋa la.

1 Timoti 6:12

Zabɛ sakerɛ zabesunɛ la, gurɛ vom kamba'ahɛ la, se'ere zuo ti ba yi' fum la, la se'ere ti fum purɛ yelemɛŋerɛ purega la nɛreba zo'e zo'e nɛŋan la.

1 Timoti 6:2

Sɛba kpɛ'ɛnduma en de sakereba la, ba da zɛɛna ba, se'ere zuo, ba dela lageŋɔ la puan nɛreba. Gee ba tugum tuna suŋa suŋa bɔ'ɔra ba, se'ere en sɔi la, sɛba en diti ba tuuma la nyuurɔ dela sakereba, en de ba suurɔ ti ba nɔŋɛ. Pa'ala gee ka'ana ba yele ana wa la ninmu'urɛ.

2 Timoti 1:9

se'em en faaɛ tɔ, gee yi' tu tuulum yi'a, dagi la tu tuuma zuo, gee eŋa mɛŋa en boti se'em, la a zu'uhegɔ zuo. Zu'uhegɔ kuna wa dikɛ bo' tu doohe la Kiresta Yezu puan, diimen diimen ha,

2 Timoti 2:7

Ti'ihɛ mam en yele fum sɛla wa, se'ere en sɔi la, Daana la wan bo' fum bɔkerɛ sɛla woo puan.

Hiburuduma 10:19

Bala zuo n suurɔ, tumam n diŋɛ tari puti'irɛ ti tu wan kɛ̃ Fa'a saraa la puan Yezu ziim la zuo la,

Hiburuduma 10:21

la tumam en tari malema kiima kãtɛ Yinɛ yire la puan la,

Hiburuduma 10:23

Bahɛ ya ti tu gurɛ suŋa suŋa tu beere puti'irɛ sakerɛ yelehum la gee da miina, se'ere en sɔi la se'em daana en biŋe nuurɛ la dela yelemɛŋerɛ daana.

Hiburuduma 13:22

N beleni ya mɛ n suurɔ, ŋmibe ya la n kpemehego yelehum wa, gee n yeen gulehɛ la girega girega bo' ya na.

Hiburuduma 2:11

Beni zuo, se'em en peere la, la sɛba be'em ti a pee la, za'a ze'ele la zi'an kayina na. Beni zuo, a ka tari valum, ti a yi' ba a suurɔ,

Hiburuduma 2:17

Bala zuo,Yezu dela a lebege ana wuu a suurɔ la sɛla woo puan, la a dɛna nimbɔ'zɔta, la sakerɛ malema kiima, Yinɛ tuuma la puan, la a kaabera be'em duuhego kaabegɔ bɔ'ɔra nɛreba la.

Hiburuduma 3:12

Tara ya mɛhi suŋa n suurɔ, ti ya se'em da tara be'em suure, suse'ere en ka nane, gee ŋmɛregera de mɛŋa yɛha Yinɛ vua wa zi'an.

Hiburuduma 3:14

Se'ere en sɔi la, tumam nyaa dela taaba la Kiresta, tu han gurɛ tu yia sakerɛ la kankaŋi ta paaɛ ba'ahegɔ.

Hiburuduma 6:20

zi'an ti Yezu dɛna nɛŋa daana bini tumam zuo, kɛ̃ bini, dɛna malema kiima kɔ'ɔm yɛ'a ha, doohe Mɛlekizɛdɛki la.

Hiburuduma 7:26

La dela ma'a ti tu tara malema kiima kana taaba, en de fa'a, ka tara gbelegere, ka galum, ti ba yehe en ze'ele a ma'a ti a ka pa'ahɛ be'em duma puan, ti ba zɛkɛ en zom zuin zuin ha gaŋɛ saazuo wa.

Hiburuduma 7:28

Nɔze'elego la daa loohe la sɛba en de tɔregɔ duma la ti ba dɛna malema kiinduma, gee nɔpɔrɛ la en wa'am ze'elego la pooren na la, looe la Dayua sɛka en bi'ɛ kahegɛ, saŋa woo la.

Hiburuduma 9:11

Gee Kiresta en wa'am na la a dela malema kiima bo' yelesuma sɛ'a n wa'am na bɔna doohe tanɛ yire n ka tari makerɛ dɛna yire n ba'ahɛ yire (ti asaala nu'uhi ka maalɛ la, en dagi timpaberɛ wa zuo la),

Hiburuduma 9:15

Dina wa zuo ti a dɛna nupu'ŋmɛ'ɛra bo' nɔpu'ulepaalɛ la, ti bala ti sɛba ti ba yi' la wan ta'am to'e nɔbiŋere lɔkɔ la en ka tari ba'ahegɔ la. Se'ere en sɔi la, kum n ki to'e ba, ba tuure la en daa boi yia nɔpu'ulegɔ la puan la.

1 Pita 2:9

Gee yamam dela buuri se'ere ti Yinɛ looe, ya dela malemaduma nabiihi, dɛna tuulum timpaberɛ, Yinɛ mɛŋa nɛreba, ti ya muulɛ tuunkãra sɛ'a en de se'em daana en yi' ya lika puan yehe niihum kãtɛ puan na la dinɛ.

1 Pita 3:5

Sadɔɔ kuna ti diimen diimen tuulum pɔgeba la en yuum tari beere puti'irɛ Yinɛ puan la, yuum nɔna. Nana ba sireba en tari kpe'eŋo seko woo la.

1 Pita 5:1

Nananawa, mam mɛŋa en de kiima, gee dɛna aze'nyɛ daana bo' Kiresta namehegɔ la, gee me dɛna se'em en wan ta nyɛ tɔtɛ suŋa la en wan ta niiɛ na la puan. Mam kpemehe kiinduma en boi ya puan la

1 Pita 5:10

Ti ya han namehɛ yuue fii wa, Yinɛ en de zu'uhegɔ za'a daana la, se'em en yi' ya ti ya wa'am na bɔna sunsɛka en ka tari ba'ahegɔ Kiresta puan la, a mɛŋa wan lebehe ze'ele ya, te'ele ya, kpemehe ya, gee sɛ ya ze'ele kankaŋi.

1 Zã 1:3

Le yɛ'ɛha tumam muuli la sɛla ti tu nyɛ gee wum bɔ'ɔra ya, ti yamam me bɔna la tɔ kankaŋi, gee yelemɛŋerɛ, tu boi mɛ la Yinɛ en de Sɔ la, la a Dayua Yezu Kiresta la kankaŋi.

Azudi 1:1

Mam Yude en de Yezu Kiresta da'aberɛ la, dɛna Yemesi suuɔ la en gulehɛ bɔ'ɔra yamam sɛba ti Yinɛ yi' la, yamam sɛba ti Yinɛ en de Sɔ la nɔŋɛ, gee dikɛ ya sugɛ biŋe bo' Yezu Kiresta la.

Lilegere 17:14

Ba wan kɔ' zaberɛ la Pebila la, gee Pebila la wan nyaŋɛ ba. Se'ere en sɔi la, Pebila la en de Daanduma Daana, la Naduma naba. Ti sɛba en boi la en la, a yi' ba mɛ, gee loohe ba ti ba dɛna sakereba.”

Lilegere 18:20

Nyɛɛna ya baha a zuo na saazuo duma wa, yamam nɛresunduma, tuntuneba, la nɔtɔgeheba wa, nyɛɛni ya. Se'ere en sɔi la, Yinɛ gakɛ en mɛ ya zuo.”