Hiburuduma 2:14 - ZE'ELEGO PAALEGA

¹⁴ Lan yi de ti, kɔma la za'a dela inganɛ la ziim la, eŋa Yezu mɛŋa me wa'am na ana mɛ wuu bamam la, ti a ta'am doohe kum puan sagum se'em en tari kum paŋa la. Sagena la en bala,

Farefare Ninkaré

¹⁴ Kɔma la tɩ a tɔgrɩ la n de nẽrsaalba tara ĩyã la zɩɩm na, bɛla tɩ Azezi mẽ lebge nẽrsaala wʋ bãma la ki, tɩ a kũm na sã'am Asũtãana n de sɛka n basɛ tɩ nẽrba kiira la pãŋa.

Hiburuduma 2:14 ပူးပေါင်းရင်းမြစ်များ

Amatie 16:17

Ti Yezu lerege en yeti, “Sum boi mɛ la hɔ Simɔn, Yona dayua wa. Se'ere en sɔi la, dagi ingɔŋɔ la ziim n lilege dina wa bo' fum, gee mam Sɔ se'em en boi saazuo ha.

Amatie 25:41

Gee nyaa wan yele sɛba n boi a gɔbega nu'o bɔba la yeti, ‘Yamam sɛba ti n nɔpɔrɛ bɔna ya zuo wa, fɔregɛ ya mam zi'an ta kɛ̃ bugum sebo n dita ka kiŋera, ti ba maahum biŋe Sagena la, la a suŋereba la.

Azã 1:14

Ti se'em ti ba yi'ira Yelehum wa, ta lebege asaala, bɔna la tɔ, ti tu nyɛ a suŋa, sunsɛka en pa'ali ti a dela Sɔ dayɔba'arɛ, pirɛ la zu'uhegɔ, la yelemɛŋerɛ.

Azã 12:24

Yelemɛŋerɛ yelemɛŋerɛ ti n yɛta ya wa, ti beeleho han ka lu tintɔnɔ puan pu'ɛ, bu kelum dɛna la beeleho. Gee bu han lu timpaberɛ pu'ɛ yehe na, bu wan wam biili zo'e zo'e.

Aromduma 14:9

Ŋwana zuo ti Kiresta ki, gee le vo'e, ti a dɛna Daana bo' ki'induma la vɔpa.

Aromduma 8:3

Se'ere en sɔi la, Yinɛ tum sɛla en daa kpe'em bo' ze'elego la ti ku ka nyaŋɛ tum, doohe la inganɛ wa en tari tɔregɔ la, a iŋɛ dina doohe la en tum a mɛŋa dayua ti ka tara inganɛ en ani wuu asaala be'em inganɛ wa, ti ka zabɛ be'em, sagum be'em paŋa, la inganɛ wa,

1 Korẽntɩ 1:28

Yinɛ looe la tarema, la sɛla en ka tari zuo tiŋa wa zuo, yelesɛ'a en pun dagena sɛla la, ti a sigehe yelekãra duma la ti ba lebege zaŋa,

1 Korẽntɩ 15:50

Sɛla ti mam yɛta wa n suurɔ, dela dina wa: Ingɔŋɔ la ziim kan ta'am to'e Yinɛ sɔ'ɔlum. Bii sɛla en pu'uri to'e sɛla en ka pu'uri.

Galatɩ 4:4

Gee Yinɛ saŋa la en daa ta pirɛ paaɛ la, Yinɛ tum la a Dayua, ti pɔka dɔgɛ ka, dɔgɛ ka doohe ze'elego la,

Kolɔsɩ 2:15

A yɛɛhɛ pahi duma la kpe'eŋo mɛ, gee diihe ba nyanɛ peelumen, nyaŋɛ ba za'a za'a pumpuuredɔɔ la zuo.

1 Timoti 3:16

Bu'a ka boi, tumam pu'uhegɔ wa puan yele sɛ'a en gani asaala bɔkerɛ la, dela yele kãra, A daa niiɛ a mɛŋa la inganɛ puan, di buurɔ Sia la puan, suŋereba nyɛ en mɛ, ba muulɛ a yele mɛ sɛba en dagi Yuuduma la puan ti tiŋa wa zuo nam en, a zom la zuin zuin ha la na'ahegɔ.

2 Timoti 1:10

gee de nyaa niiɛ mɛ na, doohe tu Faara Kiresta Yezu niirɛ na la puan, se'em en wa'am na sagum kum paŋa, gee tari vom la sɛla en ka kiiri, ti la niiɛ peelumen na, doohe faarɛ yelehum la puan.

Hiburuduma 10:10

Ti la dɛna la Yinɛ mɛŋa sumboolum zuo, ti ba pee tumam doohe Yezu Kiresta inganɛ la en dikɛ kaabɛ buyina za'a za'a bo' nɛra woo la.

Hiburuduma 10:5

Lan vuti fifihe ti Kiresta ta wa'am timpaberɛ wa zuo na la, a yeti, “Kaabegɔ, la bo'olum fum ka boti, gee iŋa ti fum maahum bo' mam.

Hiburuduma 2:17

Bala zuo,Yezu dela a lebege ana wuu a suurɔ la sɛla woo puan, la a dɛna nimbɔ'zɔta, la sakerɛ malema kiima, Yinɛ tuuma la puan, la a kaabera be'em duuhego kaabegɔ bɔ'ɔra nɛreba la.

Hiburuduma 2:18

Beni zuo, eŋa mɛŋa nyɛ la makerɛ, a namehegɔ la puan, a wan ta'am suŋɛ sɛba woo en nyɛti makerɛ la.

Hiburuduma 4:15

Se'ere en sɔi la, tu ka tari la malema kiima sɛka en ka zoti tu tɔregɔ nimbu'ɔ, gee tu tari la se'em en nyɛ mageha sadɔseko woo puan wuu tumam la, gee a ka tum be'em.

Hiburuduma 9:15

Dina wa zuo ti a dɛna nupu'ŋmɛ'ɛra bo' nɔpu'ulepaalɛ la, ti bala ti sɛba ti ba yi' la wan ta'am to'e nɔbiŋere lɔkɔ la en ka tari ba'ahegɔ la. Se'ere en sɔi la, kum n ki to'e ba, ba tuure la en daa boi yia nɔpu'ulegɔ la puan la.

1 Pita 1:20

Yinɛ yuum pun maahum en mɛ gee ti timpaberɛ wa baŋɛ pi'ilum, gee ta niiɛ en ba'ahegɔ saŋa wa puan, yamam zuo.

Lilegere 1:18

Mam de se'em en vɔi la. Mam yuum ki mɛ, gee bihɛ, n vɔi mɛ wuuha wuuha. Mam en tari kum, la ki'intiŋa kparehega la.

Lilegere 12:9

Ti ba lobe bunsɛla kãtɛ wa bahɛ timpaberɛ wa zuo na. Se'em en de diimen diimen zugɔ la ti ba yi'ira Sagena la Sitaani, se'em en pa'aheri tiŋa wa zuo za'a nɛreba la. Ba lobe en bahɛ la timpaberɛ wa zuo na, lagum lobe a suŋereba la, la en bahɛ na.

Lilegere 2:10

Da zoti ya dabeem la yan boi bini ti ya namehɛ namehegɔ seko wa. Mini ya suŋa ti bumbe'o la maahum mɛ ti a bahɛ ti ba pagɛ ya sɛba paka deto puan, ti la dɛna makerɛ bo' ya, dabeha pia ti ba wan dikɛ pɔgelum ya. Gee tari ya sakerɛ ta paaɛ kum, gee ti n bo' ya vom muŋa la.

Lilegere 20:2

Ti a nyɔkɛ bunsɛla la, diimen diimen wɔbekimɔ se'em yu'urɛ en yi'iri Sagena, la Sitaani la, lu' en biŋe yuuma tuhere,