Hiburuduma 2:10 - ZE'ELEGO PAALEGA

¹⁰ La daa dela ma'a, ti Yinɛ se'em en sɔi, la se'em puan ti sɛla woo bɔna la, en boti a tari nɛreba zo'e zo'e wa'am suŋa puan na la zuo, a bahɛ ti se'em en de ba faarɛ nɛŋa daana la bi'ihɛ a mɛŋa kahegɛ namehegɔ puan.

Farefare Ninkaré

¹⁰ Nawẽnnɛ n de sɛka n basɛ tɩ sɛla woo bɔna, dɛna a bõnɔ na, la masɛ la ẽŋa yɛm n boorɩ se'em tɩ a botɩ Azezi nãmsɛ, ẽŋɛ sɛla woo ba'asɛ, fãagɛ nẽrba, tarɩ a kɔma zozo'e sẽŋɛ a na'am pãŋa zẽ'am.

Hiburuduma 2:10 ပူးပေါင်းရင်းမြစ်များ

Aluki 13:32

Ti Yezu yele ba yeti, “Kiŋɛ ya ta yele piihɔ wa bo' mam yeti, ‘A Kɛleha, mam sa'ahɛ la kulekpa'bɛ'ɛhi, gee tibera bã'ahi zina la beere, dabeha atã daarɛ ti n wan ba'ahɛ n tuuma.

Aluki 2:14

“Pɛka paaɛ Yinɛ, se'em en boi saazuin zuin ha wa, gee ti timpaberɛ wa me zuo, suma'ahum bɔna la saaleba ti a zu'uhɛ ba la!”

Aluki 24:26

La dagi la de sore ti Kiresta la namehɛ yele ana woo puan gee nyaa kɛ̃ a suŋa la puan?”

Aluki 24:46

Ti a le yele ba yeti, “La pun gulehɛ mɛ ti, Kiresta la wan namehɛ gee vo'e a kum la puan dabeha atã,

Azã 11:52

dagi bamam timpaberɛ la ma'a, gee ba lagehɛ sɛba woo n de Yinɛ kɔma, yiregɛ la wa'am bɔbeyinɛ na.

Azã 19:30

Lan ta kalum Yezu nuurɛ la, ti Yezu yeti, “La ba'ahɛ ya.” Gee nyaa suure a zuo, vo'ohe a vo'ohum za'a.

Tõoma 3:15

ya tugum ku la vom daana la se'em ti Yinɛ vo'e en kum puan la. Yele dina wa ti tumam dɛna aze' nyɛ duma.

Tõoma 5:31

Yinɛ zɛkɛ en mɛ ta zi'ire a zuɔ nu'o ti a dɛna Nɛŋa Daana, la Faara, ti a bo' Izirale suteere la yelebe'ero sugeri.

Aromduma 11:36

Se'ere en sɔi la, eŋa puan, la eŋa zi'an ti sɛla woo zɛ'ɛta na, gee dɛna a dinɛ. Eŋa ti na'ahegɔ dɛna a dina saŋa woo. Taari.

Aromduma 9:23

Gee ŋwani, a han le iŋɛ bala ti a pa'alɛ a suŋa bo' sɛba en de a zɔ ba nimbu'ɔ la, sɛba ti a pun maahum biŋe a ti a pa'alɛ ba a suŋa kãtɛ la,

1 Korẽntɩ 2:7

Gee tumam tɔgeri la Yinɛ yɛm en sugɛ, yele sɛ'a ti nɛreba ka mina, ti Yinɛ yuum pun tɔgɛ a yele ti tiŋa wa nam pun ka naam, tumam tibehum zuo.

1 Korẽntɩ 8:6

Gee han dɛna tumam, Yinɛ dela ayima, Sɔ la, se'em zi'an ti sɛla woo ze'ele na la, la se'em zuo ti tu za'a vɔna la, Daana ayima, en de Yezu Kiresta la, se'em puan ti sɛla woo ze'ele na, la se'em zuo ti tu vɔna la.

2 Korẽntɩ 3:18

Gee tumam za'a pilehe tu nɛhi bahɛ mɛ, gee biha Daana la suŋa la, wuu biheŋa puan la, ti la tee tu, ti tu tara Yezu naanɛ, zɛ'ɛta suŋa puan malum paara suŋa puan. Yele dina wa ze'eti la Daana la n de Fa'a Sia la zi'an.

2 Korẽntɩ 4:17

Se'ere en sɔi la, namehegɔ pika wa n kan yuue wa maaheni tu mɛ ti tu ta'am to'e vom kamba'ahɛ sunsɛka n tibegɛ ka tara makerɛ la,

2 Korẽntɩ 5:18

Dina wa za'a ze'ele la Yinɛ zi'an, se'em n dikɛ tu naaɛ la a mɛa doohe Kiresta puan, gee bo' tumam naarɛ tuunɛ wa.

2 Korẽntɩ 6:18

N wan dɛna ya Sɔ, ti ya dɛna n kɔma. Daana la en de Gani Za'a Daana la en yele.”

Galatɩ 3:26

Se'ere en sɔi la, Yezu Kiresta puan, ya za'a dela Yinɛ kɔma doohe sakerɛ puan.

Efɛɛzɩ 2:7

Bala ti saŋa la han ta paaɛ, a wan pa'alɛ a zu'uhegɔ la n ka tari makerɛ la, la a sum sebo ti a tara bɔ'ɔra tɔ Kiresta Yezu puan la.

Efɛɛzɩ 3:10

ti la doohe lageŋɔ la puan, ti Yinɛ yɛm la n ka tari ba'ahegɔ la wan nyaa niiɛ bo' timbihereba, la kpɛ'ɛnduma n boi saazuo ha.

Kolɔsɩ 3:4

Kiresta en de ya vom la han ta niiɛ na, yamam me wan lagum niiɛ la en, la na'ahegɔ.

2 Timoti 2:10

Bala zuo, mam ŋmiberi mɛ sɛla woo puan, sɛba ti ba looe la zuo, ti ba me nyɛ faarɛ se'ere en boi Kiresta Yezu puan, la na'ahegɔ seko en ka tari ba'ahegɔ la.

Hiburuduma 12:2

Tu biha suŋa suŋa Yezu en de sakerɛ nɛŋa daana, se'em daana n de sakerɛ la ba'ahegɔ daana la. Se'em ti nyɛɛma sɛ'a en dikɛ biŋe en la zuo, a daa ŋmibe mɛ ta paaɛ pumpuuredɔɔ la zuo, ka fabela dɔɔ zuo kum la nyanɛ la, nyaa wa'am na zi'a a zi'a zi'an Yinɛ na'am kuka la zuo, zuɔ nu'o.

Hiburuduma 6:20

zi'an ti Yezu dɛna nɛŋa daana bini tumam zuo, kɛ̃ bini, dɛna malema kiima kɔ'ɔm yɛ'a ha, doohe Mɛlekizɛdɛki la.

Hiburuduma 7:26

La dela ma'a ti tu tara malema kiima kana taaba, en de fa'a, ka tara gbelegere, ka galum, ti ba yehe en ze'ele a ma'a ti a ka pa'ahɛ be'em duma puan, ti ba zɛkɛ en zom zuin zuin ha gaŋɛ saazuo wa.

Hiburuduma 7:28

Nɔze'elego la daa loohe la sɛba en de tɔregɔ duma la ti ba dɛna malema kiinduma, gee nɔpɔrɛ la en wa'am ze'elego la pooren na la, looe la Dayua sɛka en bi'ɛ kahegɛ, saŋa woo la.

1 Pita 1:12

La yuum niiɛ pa'alɛ ba yeti, ba ka tuni bɔ'ɔra la ba mɛhi, gee tumam, doohe yelesɛ'a en nyaa muulɛ bo' ya nananawa, doohe sɛba en tari faarɛ yelehum wa na bo' ya la, doohe Fa'a Sia la ti Yinɛ tum en saazuo ha bahɛ na la.Yele sɛ'a ti suŋereba mu'ɛ nini ti ba nyɛ la.

1 Pita 5:1

Nananawa, mam mɛŋa en de kiima, gee dɛna aze'nyɛ daana bo' Kiresta namehegɔ la, gee me dɛna se'em en wan ta nyɛ tɔtɛ suŋa la en wan ta niiɛ na la puan. Mam kpemehe kiinduma en boi ya puan la

1 Pita 5:10

Ti ya han namehɛ yuue fii wa, Yinɛ en de zu'uhegɔ za'a daana la, se'em en yi' ya ti ya wa'am na bɔna sunsɛka en ka tari ba'ahegɔ Kiresta puan la, a mɛŋa wan lebehe ze'ele ya, te'ele ya, kpemehe ya, gee sɛ ya ze'ele kankaŋi.

Lilegere 4:11

“Fu nari mɛ, tu Daana la tu Yinɛ, ti fum to'e pɛka la na'ahegɔ la paŋa, se'ere en sɔi la, fum naam sɛla woo , ti fum sumboolum zuo ti ba bɔna, ti fum en naam ba.”

Lilegere 7:9

Ŋwana en tole la, mam nyɛ la nɛrekuuŋɔ ti nɛra kan ta'am kãalɛ ba, en ze'ele tihi woo, buuri woo, nɛreba woo, la tugum woo puan na, zɛ'a na'am kuka kãtɛ la, la Pebila la nɛŋan, yɛ salema lɔge pɛɛla, zãla kunkɔɔreŋɔ vɔtɔ ba nu'uhen.