Hiburuduma 13:7 - ZE'ELEGO PAALEGA

⁷ Tɛra ya nɛheduma, sɛba en tɔgɛ Yinɛ yelehum la bo' ya la. Bihɛ ya ban daa vɔi ba vom se'em, la ya tɔgehɛ ba sakerɛ la.

Farefare Ninkaré

⁷ Tẽra-ya ya nẽŋadõma n mõolɛ Nawẽnnɛ yetɔga bɔ ya la yelle. Bɩsɛ-ya ba vɔm n daan ãn se'em ka paagɛ ba kũm, tɩ ya mẽ ɩta bãma n bɔ sɩra ẽŋɛ se'em na.

Hiburuduma 13:7 ပူးပေါင်းရင်းမြစ်များ

Amatie 24:45

“Ani en n bala dɛna da'aberɛ en yelemɛŋerɛ daana tara yɛm. Da'aberɛ'e sɛka ti a daana looe en ti a bihera a yire yɛla, bɔ'ɔra da'aberɛ sina la ba dia hansɛka.

Aluki 12:42

Ti Daana la yeti, “Ani n nyaa de yameŋa n tari yɛm, gee mina tuuma, ti ka kpɛ'ɛma dikɛ Da'aba la woo iŋɛ a nu'uhen, ti a bɔ'ɔra ba dia ligeri de saŋa?

Aluki 5:1

Saŋa kayima ti Yezu zɛ'a lɛm Genesarete ateko la ti nɛrekuuŋɔ mike za'ara en na ti ba wum Yinɛ yelehum la,

Aluki 8:11

Makerɛ la vuurɛ n ŋwana. Bumbuura la dela Yinɛ yelehum la.

Tõoma 13:46

Ti Pɔɔl la Banabase tɔgɛ la buraanɛ yele ba yeti, “La nari mɛ ti ba muulɛ Yinɛ yelehum la bo' yamam yia. Gee yamam n zagehɛ ka nam bu la, gee gakɛ ya ti yamam ka nari vom kamba'ahɛ wa la, tu nyaa ŋmɛregera lɛbera la sɛba n dagi Yuda buuri la zi'an.

Tõoma 14:23

Ban doohe lageŋɔ la woo puan lu' nuurɛ gee pu'uhɛ gee loohe kiinduma bahɛ lageŋɔ woo puan ba'ahɛ la, ba dikɛ ba woo iŋɛ la Daana se'em ti ba sakɛ bo' en la nu'uhen.

Tõoma 4:31

Ban pu'uhɛ la, zi'an la ti ba lagehɛ bɔna la miim mɛ, Ti Fa'a Sia la pirɛ ba za'a ti ba tɔgɛ Yinɛ yelehum la la sukpe'ene.

Aromduma 10:17

Bala zuo, sakerɛ ze'eti la wuŋa puan na, ti sɛla ti ba wum la me ze'eti la Kiresta yelehum la puan na.

1 Korẽntɩ 10:13

Makerɛ ka boi paaɛ ya gee ka tabelɛ paaɛ nɛrese'em. Yinɛ dela yelemɛŋerɛ daana, a kan bahɛ ti makerɛ paaɛ ya gaŋɛ ya paŋa tɛka. Gee makerɛ la puan, a wan pa'alɛ ya sore ti ya ŋmibe de puan.

1 Korẽntɩ 11:1

Tɔgehi ya mam, wuu mam tɔgehɛ Kiresta se'em la.

1 Korẽntɩ 4:16

Ŋwana zuo, mam beleni ya mɛ, ti ya tɔgeha mam.

Filipi 3:17

N suurɔ, naaɛ ya taaba la ya tɔgeha mam, gee la ya bihera sɛba en vɔi dɔla tumam n iŋɛ sɛla pa'alɛ ti yamam nyɛ la.

1 Tesaloniki 1:6

Ti yamam me tɔgehɛ tumam, la tu Daana la, se'ere en sɔi la, la yan pun nyɛta namehegɔ la, ya to'e yelehum la mɛ la nyɛɛma sɛ'a ti Fa'a Sia bo' la mɛ.

1 Tesaloniki 2:13

Tu me kelum bɔ'ɔra Yinɛ fara mɛ saŋa woo yele dina wa zuo. Ti yan to'e Yinɛ yelehum la ti ya wum tu zi'an la, ya nam bu mɛ, ti bu dagi asaala yelehum, gee bu sirum dela Yinɛ yelehum sebo en tuni la yamam sɛba en nam la suŋa suŋa.

2 Tesaloniki 3:7

Se'ere en sɔi la, ya mɛhi mi' yan de ya tɔgehɛ tumam se'em. Tu daa dagi zinyage duma tumam n daa boi la ya la,

2 Tesaloniki 3:9

Ŋwana dagi la tu ka tari la sore ti tu soke ya tumam en boti sɛla, gee tu boti tu iŋɛ biŋe mɛ ti ya tɔgehɛ.

1 Timoti 3:5

Se'ere en sɔi la, se'em han ka ta'am tara a mɛŋa yire suŋa, a wan iŋɛ la ŋwani ta'am tara Yinɛ lageŋɔ la?

Hiburuduma 13:17

Nane ya ya nɛhi duma, gee sigehe ya mɛhi bo' ba, gee bamam en biheri ya vom, gee wan ta yele ban tuni se'em. Bo' ya ba sore ti ba tuna ba tuuma la nyɛɛma gee dagi ba si'ina. La han ana bala, ya kan nyɛ nyuurɔ.

Hiburuduma 13:24

Pu'uhɛ ya nɛheduma, la nɛresunduma la woo bo' tu. Sɛba woo en boi Itali tiŋa pu'uheri ya na.

Hiburuduma 6:12

Bala ti se'em kan bukɛ, gee ya wan tɔgehɛ sɛba woo en doohe sakerɛ, la ŋmibega puan ta to'e Yinɛ en biŋe nuurɛ ti a iŋɛ se'ere la.

1 Pita 4:11

Fum se'em en tɔgeri, dela a tɔgera wuu Yinɛ mɛŋa en tɔgeri la. Fum se'em en tuni bɔ'ɔra, dela a tuna la pansɛka za'a ti Yinɛ bo' en la, bala ti Yinɛ wan nyɛ na'ahegɔ sɛla woo puan, doohe Yezu Kiresta puan. Eŋa en sɔi na'ahegɔ la paŋa, wuuha wuuha. Taari.

Lilegere 1:9

Mam Yɔn, ya suuɔ, se'em la yamam en lagum bɔna Yezu puan, lagum nyɛ namehegɔ, a sɔ'ɔlum la, la a sugeri ŋmibega la, n wa bɔna la tiŋa en boi ko'om tiŋasuka ti ba yi'ira ka Patimose, mam muuli Yinɛ yelehum la, la mam en de Yezu aze'nyɛ daana la zuo.

Lilegere 20:4

Ti mam nyɛ na'am kugehi, ti sɛba en zi' si zuto la, ba bo' ba la paŋa ti ba gakera. Mam me nyɛ sɛɛhi en de sɛba ti ba fige ba zuto, ban nam Yezu, gee muula Yinɛ yelehum la zuo. Bama ka lagum pu'uhɛ bunsilemasio la bii a naanɛ la, bii ba to'e a daalehum la ba gbɛ'ɛran bii ba nu'uhen. Ba vo'e me na, dɛna kiinduma, la Kiresta yuuma tuhere la puan.

Lilegere 6:9

En lorege daalehum bunuu la, mam nyɛ la kaabegɔ bimbine la tiŋa, ti sɛɛhi en de sɛba ti ba kɔrum ba Yinɛ yelehum la zuo la, la ban muulɛ ban nyɛ sɛla la zuo la.