Hiburuduma 13:4 - ZE'ELEGO PAALEGA

⁴ Bahɛ ya ti pɔgedire la sire-ele tara na'ahegɔ ya za'a zi'an, ti pɔgedire la sire-ele suŋɔ la da galum, se'ere en sɔi la, Yinɛ wan gakɛ yaluntuuma duma, la kabohi duma mɛ.

Farefare Ninkaré

⁴ Basɛ-ya tɩ pɔgdire tara nã'asgɔ, dee da basɛ tɩ dẽgrɔ tõoma bɔna mĩ, se'ere n soe la, Nawẽnnɛ wʋn di nẽr-sɛba n ɩtɩ yalsɩ, la nẽr-sɛba n tũuli la sarɩya mɛ.

Hiburuduma 13:4 ပူးပေါင်းရင်းမြစ်များ

1 Korẽntɩ 5:13

Yinɛ mɛŋa en wan gakɛ sɛba en ka dole Kiresta la. “Fooe ya be'em daana la ya puan bahɛ.”

1 Korẽntɩ 6:18

Zagehɛ yaluntuuma, se'ere en sɔi la, be'em sebo woo ti nɛra tum ni dɛna la iŋa la yiŋa na. Gee yaluntuuma daana galum la iŋa la za'a.

1 Korẽntɩ 6:9

Yamam ka mi' ti be'emduma kan kɛ̃ Yinɛ sɔ'ɔlum la puan? Da pã'ahɛ ya mɛhi. Yalum duma, bage kaabereba, sɛba en tuni kabohi, pɔgenindɔɔrɔ la buraahi bii pɔgehi en gã' taaba,

1 Korẽntɩ 7:38

Bala la, se'em en di a pɔgesakãherɛ iŋɛ suŋa, gee fum se'em en ka di a pɔgesakãherɛ en gani za'a.

1 Korẽntɩ 9:5

Tu ka tari sore ti tu pɔgeba en de tu sakereba la dɔla tɔ wuu Yezu tuntuneba basɛba la, la Daana suurɔ la, la Sefase en iti se'em la?

2 Korẽntɩ 5:10

Se'ere en sɔi la, tu za'a wan ze'ele Kiresta gakerɛ kuka la nɛŋan, ti nɛra woo to'e a yɔɔrɛ en tum sɛla a inganɛ wa puan. La dɛna sum bii be'em.

Galatɩ 5:19

Ingɔŋɔ tuuma la ka sugɛ. Ba dela, yaalegɔ, dɛgerɔ, inganɛ kɔrɛ,

Galatɩ 5:21

nintɛrega, buka, punya'anɛ, la yelesɛ'a n ani ŋwana. N yeti ya mɛ la ninmu'urɛ wuu mam pun yele ni ya la ninmu'urɛ yia se'em la, ti sɛba en iti yele ana taaba kan lagum kɛ̃ Yinɛ sɔ'ɔlum la.

Efɛɛzɩ 5:5

Mini ya dina suŋa suŋa, ti se'em n tuni yaluntuuma, bii galeŋɔ daana, bii se'em n bɛ' (de vuurɛ dela bagekaambera), kan tara tɔtɛ kɛ̃' Kiresta la Yinɛ sɔ'ɔlum la puan.

1 Tesaloniki 4:6

Ti ya se'em da tuue, bii fã a suuɔ yele ana wa puan, beni zuo, Daana la mɛŋa en wan lerege yele ana woo puan, wuu tumam en pun te'ele yele ya gee ka'am ya la ninmu'urɛ se'em la.

1 Timoti 3:12

Kiimbibehi wa woo dela ba dɛna pɔge yiŋa duma, tana ba kɔma, la ba yiya biha suŋa.

1 Timoti 3:2

Bala, Yinɛ Lageŋɔ nɛŋa daana dela a zɔɛ tuurɛ, a dɛna pɔge yiŋa daana, a ana ma'ma', a tara puti'irɛ, a tara zuo, a tɔ'ɔha nɛreba, a tana pa'ala,

1 Timoti 3:4

A dela a tana tara a mɛŋa yire suŋa, bahɛ ti a kɔma sigehe ba mɛhi suŋa gee na'aha nɛreba sadɔɔ seko woo puan.

1 Timoti 4:3

Ba pa'alegɔ la yeti pɔgedire kihi mɛ, gee pɛregera nɛreba ti ba da dita diihe sise'ehi, ti Yinɛ naam ti sɛba en nam gee mina yelemɛŋerɛ la to'e la pɛka dita la.

1 Timoti 5:14

Bala, mam wan bɔta ti pɔkɔbibehi ele, dɔgɛ kɔma, bihera ba yiya suŋa, la ba da bo' dima la yɔ'ɔ ti a dɛgɛ tɔ.

Taitusi 1:6

Ba dɛna sɛba en ka tari zɛregerɛ ba vom puan, sire-sɛka en di pɔgeyiŋa, sɛba kɔma en nam Yezu, sɛba en dagi kɔm-wureba, bii tube-kpirehi.

Hiburuduma 12:16

Bihɛ ya mɛhi suŋa suŋa ti ya se'em da ana wuu Esɔ, se'em en ka ta' a mɛŋa, ka zɔta Yinɛ la, se'em en yuum koohe a kinɔ dia buyina ma'a zuo la.

Lilegere 22:15

Yiŋa la ha, baahi, sɔ̃niniduma, yaluntuuma duma, nɛrekuureba, la bage kaabereba, la sɛba woo en nɔŋɛ gee tuna pumpɔreŋɔ tuuma en boi bilam.