Hiburuduma 13:16 - ZE'ELEGO PAALEGA

¹⁶ Da zagehɛ ya ti ya tuna sum, gee tɔta yan tari sɛla la taaba, gee kaabegɔ kuna taaba en tigeri Yinɛ nini.

Farefare Ninkaré

¹⁶ Da basɛ-ya ɩr-sõma ɩrgɔ, la taaba sõŋrɛ, tɩ tõon-bãma n ãn wʋ kãabgɔ n ɩtɩ Nawẽnnɛ sũure yẽlʋm.

Hiburuduma 13:16 ပူးပေါင်းရင်းမြစ်များ

Aluki 18:22

Yezu en wum ŋwana la, a yele en yeti, “Yele deyima n kelum pɔ'ɛ hɔ. Koohe fum tari sɛla woo la, la fum dikɛ ligeri la tɔrɛ naheduma, ti fum tarega la nyaa bɔna saazuo, gee ti fum wa'am na dɔla mam.”

Tõoma 10:38

Yinɛ n bi'ihɛ Yezu en yehe Nazareti na la, la Fa'a Sia, la paŋa se'em, la en yuum eere tuna sum se'em, gee tibera sɛba woo ti Sagena la mugeha ba, se'ere n sɔi Yinɛ en boi la en zuo.

Tõoma 9:36

Yopa puan, Yezu zahera ayima n boi bini ti a yu'urɛ yi'ira Tabita ti de vuurɛ dɛna la Dɔkasi. A pirɛ itesuŋɔ la bu'a.

Aromduma 12:13

Lageheri ya suŋera Yinɛ nɛresunduma la, gee tiɛ ya nu'uhi la itesuŋɔ paara saama.

Galatɩ 6:10

Bala zuo, sansɛka woo puan, bahɛ ya ti tu ita sɛla en ani suŋa bɔ'ɔra nɛra woo, yele yele wuu sɛba en de yire puan, Kiresta sakerɛ la puan.

Galatɩ 6:6

Sɛba ti ba pa'alɛ ya yelehum la dela ya tɔrɛ sɛla woo en ani suŋa la se'em en pa'alɛ ya la.

Efɛɛzɩ 4:28

Nageyigehi bahɛ zua, gee tugum bahɛ ya ba ti ba tuna la ninmu'urɛ, ba tuna yelemɛŋerɛ la ba mɛhi nu'uhi, la ba ta'am tara, gee me suŋera naheduma.

Filipi 4:14

Gee sadɔɔ seko woo puan, ya daa iŋɛ la itesuŋɔ, la yan lagum di mam nimbu'ɔ la.

Filipi 4:18

Ya kɔ'ɔm yɔ mam la za'a za'a, ti n tara gaŋɛ. Ya kɔ'ɔm tigehɛ mam mɛ suŋa suŋa, yele yele wuu mam nyaa to'e ya bo'olum la ti ya dikɛ tum Epafurodituse na la. Bo dela nyuuŋo suŋɔ kaabegɔ bo'olum. Bo dela kaabegɔ n tigeri Yinɛ nini.

1 Tesaloniki 5:15

Bihɛ ya suŋa ti ya se'em da dikɛ be'em yɔ be'em. Gee saŋa woo, eere ya ti ya ita sum bɔ'ɔra taaba, la nɛra woo.

2 Tesaloniki 3:13

N suurɔ, da taregɛ ya la itesuŋɔ.

1 Timoti 6:18

Ba dela ba ita itesuŋɔ, ba dɛna buntateba itesuŋɔ puan, ba bɔ'ɔra, ba dɛna sɛba en maahum ti ba tɔta,

Afilmõ 1:6

Mam pu'uheri mɛ ti fum wan tara fum sakerɛ la tuna, fum han bɔkɛ tuunsuma sɛ'a za'a ti tu tara Kiresta puan la.

Hiburuduma 6:10

Yinɛ dagi se'em n ka bo'ori buurɔ. A kan mum a nini la ya tuuma la, la ya nɔŋerɛ la ti ya pa'alɛ a yu'urɛ zuo la, doohe la yan bihɛ nɛresunduma la se'em, wuu yan kelum ita se'em wa la.

3 Zã 1:11

N sunɔŋerɛ daana wa, da tɔgeha sɛla en de be'em, gee tugum tɔgeha sɛla en ani suŋa. Se'em woo en iti sum ze'ele la Yinɛ zi'an na, se'em woo en tuni be'em nan ka nyɛ Yinɛ.