Hiburuduma 12:22 - ZE'ELEGO PAALEGA

²² Gee yamam paaɛ la zoore se'ere yu'urɛ en yi'iri Zaayɔn la puan na, tinsɛka en de Yinɛ vua wa tiŋa la puan, tinsɛka en de Yerusalɛm sɛka en boi saazuo ha la, ya paaɛ la suŋereba en zo'e kan ta'am kãalɛ la lageŋɔ kãtɛ en boi kuyima,

Farefare Ninkaré

²² La yãma lɛm na tãŋa tɩ ba wi'iri tɩ Siyõ tãŋa n de vɔm dãana Nawẽnnɛ tẽŋa, ẽŋa n de Zerizalɛm mẽŋa mẽŋa n boe Nawẽnnɛ yire, tɩ malɛkadõma tʋsa tʋsa bɔna mĩ.

Hiburuduma 12:22 ပူးပေါင်းရင်းမြစ်များ

Amatie 16:16

Ti Simɔn Pita lerege yeti, “Fum n de Kiresta la, Yinɛ vua la Dayua.”

Amatie 5:35

bii fum pɔ timpaberɛ wa, se'ere sɔi la, Yinɛ nama dafeere n bala, bii fum pɔ Yerusalɛm, se'ere en sɔi la, Yerusalɛm dela na'kãtɛ la tiŋa.

Aromduma 11:26

Bilam ti Izirale za'a nyaa wan nyɛ faarɛ wuu lan gulehɛ yele se'em ti, “Zaayɔn puan, ti Faara la wan yehe na, A wan sagum tuunfi'iha za'a Yakɔbe buuri la puan.”

Aromduma 9:26

“Zɛ'se'ehi ti ba daa yi' ya ti, ‘Ya dagi mam nɛreba la.’ Bilam mɛa ti ba wan yi'ira ya Yinɛ vua la kɔma.”

Galatɩ 4:26

Gee pɔka kayima la me ze'ele bo' la Yerusalɛm sɛka en boi saazuo ha la. A dagi da'aberɛ gee me dɛna tu ma.

Efɛɛzɩ 2:19

Bala zuo, ya ka le dɛna saama bii zanku'uma, gee ya lagum dela tiŋambiihi la nɛresunduma, gee me dɛna Yinɛ mɛŋa yire nɛreba,

Filipi 3:20

Gee tumam timbiine la boi la saazuo ha. Bilam ti tu gura ti tu faara la wan ze'ele na, tu Daana Yezu Kiresta la.

1 Tesaloniki 1:9

Se'ere en sɔi la, nɛre sɛba en boi tihi sina puan la, puti tu yele mɛ yan to'e tu se'em, la yan ŋmɛregɛ baga kaabegɔ puan se'em lebe Yinɛ zi'an na, ti ya tuna bɔ'ɔra Yinɛ vua, la yelemɛŋerɛ Yinɛ wa se'em,

2 Timoti 4:18

Daana la wan faaɛ mam be'em zaberɛ woo puan bahɛ, gee tara mam kɛ̃ a saazuo sɔ'ɔlum la puan. Eŋa en sɔi na'ahegɔ wuuha wuuha. Taari.

Hiburuduma 10:31

La dela dabeem yele ti fum lu Yinɛ vua wa nu'uhen.

Hiburuduma 11:10

Se'ere en sɔi la, Aberaham yuum guri la tinkãtɛ en tari ɛ̃berɛ, ti ka gula, la ka mɛta dɛna Yinɛ.

Hiburuduma 11:16

Gee nananawa lan de se'em la dela, ba suure kɛ̃ mɛ la tinsɛka en gani bala, tinsɛka en ze'eti saazuo na la. Bala zuo, Yinɛ ka tari vi la ba yi'ira en ba Yinɛ. Yelemɛŋerɛ, a sirum maahum la tiŋa biŋe ba.

Hiburuduma 13:14

Tiŋa wa zuo, tu ka tari tinsɛka n wan bɔna wuuha, gee tu biheri la tiŋa sɛka n ye' na la.

Hiburuduma 3:12

Tara ya mɛhi suŋa n suurɔ, ti ya se'em da tara be'em suure, suse'ere en ka nane, gee ŋmɛregera de mɛŋa yɛha Yinɛ vua wa zi'an.

Hiburuduma 9:14

Ŋwani ti Kiresta ziim la kan tum gaŋɛ bala zo'e zo'e se'em en doohe Sia sɛka en ka tari ba'ahegɔ la puan, kaabɛ a mɛŋa fa'a kaabegɔ bo' Yinɛ la. Ziim buna wan sirum pee tu puti'ira yehe kum tuuma puan, tari tu lebe ti tu na'aha Yinɛ Vɔa wa!

Azudi 1:14

Bana en bala ti Enɔki en de Adam buuri saŋa buyopɔi puan la yuum purɛ ba yele yeti, “Bihɛ ya, Daana la kini mɛ na la a tuulum nɛreba tuha pia,

Lilegere 14:1

Ti mam bihɛ, ti pebila la en bala, zɛ'a Zaayɔn Zoore la zuo! Ti sɛba en boi la en la dela, nɛre tuha kɔbega la tuha pinaahi la tuha anaahi la ti ba gulehɛ Pebila la yu'urɛ la a Sɔ yu'urɛ labelɛ ba gbɛ'ɛra.

Lilegere 21:10

Ti a dikɛ mam sia puan, tara mam kiŋɛ zoore kãtɛ, zoore en wugɛ, ta pa'alɛ mam tuulum tiŋa Yerusalɛm, en ze'ele saazuo, ze'ele Yinɛ zi'an sigera na la.

Lilegere 21:2

Ti mam nyɛ tuulum tiŋa la, Yerusalɛm paalega, ti ka ze'ele saazuo ha, Yinɛ zi'an, sigera na, ti Yinɛ maahum ka wuu pɔka en nɔm yɛ'a sire-ele la.

Lilegere 22:19

Se'em me han yehe sɛla gɔŋɔ wa purega wa puan bahɛ, Yinɛ me wan yehe nɛra eŋa daana tɔtɛ en de se'em vom tia la puan, la tuulum tiŋa la ti ba tɔgɛ ba yele gɔŋɔ wa puan la bahɛ.

Lilegere 3:12

Ya han nyaŋɛ, n wan iŋɛ ya ti ya dɛna ziirɛ mam Yinɛ pu'uhegɔ yire la puan, kan malum yehe de puan. N wan gulehɛ n Yinɛ la yu'urɛ labelɛ ya, gee gulehɛ n Yinɛ tiŋa la yu'urɛ labelɛ ya, Yerusalɛm paalega la en ze'ele mam Yinɛ la zi'an saazuo ha na la, la mam mɛŋa yu'paalɛ labelɛ ya.

Lilegere 7:2

Ti mam nyɛ suŋera ayima, ti ka ze'ele dapɔya sigera na tara Yinɛ vua wa daalehum, gee yi' la kɔkɛ'ɛŋa, suŋereba banaahi la ti ba bo' ba paŋa ti ba sagum timpaberɛ wa, la ateko la.