Hiburuduma 11:16 - ZE'ELEGO PAALEGA

¹⁶ Gee nananawa lan de se'em la dela, ba suure kɛ̃ mɛ la tinsɛka en gani bala, tinsɛka en ze'eti saazuo na la. Bala zuo, Yinɛ ka tari vi la ba yi'ira en ba Yinɛ. Yelemɛŋerɛ, a sirum maahum la tiŋa biŋe ba.

Farefare Ninkaré

¹⁶ Lan de se'em na, ba yʋʋn eerɩ la tẽn-sɛka n ãn sõŋa gãnna. Tẽn-ẽŋa de la Nawẽnnɛ yire. Bɛla n soe tɩ Nawẽnnɛ ka zoe yãnnɛ tɩ ba wi'ira ẽ tɩ ba Nawẽnnɛ, la de la ẽŋa n mãasʋm tẽŋa bɔ ba.

Hiburuduma 11:16 ပူးပေါင်းရင်းမြစ်များ

Amatie 25:34

Ti naba la nyaa wan yele sɛba n boi a zuɔ nu'o bɔba la yeti, ‘Wa'am ya na, yamam sɛba ti mam Sɔ iŋɛ sum bo' ya wa, la ya sooe sɔ'ɔlum la ti ba maahum biŋe ya tiŋa wa pi'ileŋo puan ha sɔna.

Amarkɩ 12:26

La han le dɛna la kum vo'ore la yele ya ka kãalɛ sɛla en boi Moose nɔze'elego gɔŋɔ la puan, doohe tuntuo la n yuum taaɛ bugum la. Yinɛ yuum yele Moose yeti, ‘Mam en de Aberaham Yinɛ, Aziki Yinɛ, la Yakɔbe Yinɛ.’

Amarkɩ 8:38

Sɛba en zoti valum la mam la n yelehum wa, yaalegɔ la be'em buuri saŋa wa puan, mam Asaala Dayua wa wan ta tara valum la ba, n han ta lɛbera na la n Sɔ suŋa la ti n Sɔ fa'a suŋereba la dɔla mam la.

Aluki 12:32

“Da zoti ya dabeem n pebibehi wa, la dela Sɔ la pupeelum ti a dikɛ sɔ'ɔlum la bo' ya.

Aluki 20:37

Han le dɛna ihegere la puan, Moose mɛŋa pun pa'alɛ mɛ ti la boi mɛ. Se'ere en sɔi la tuntuo la n wa taaɛ dita bugum la, zi'an ti Moose tɔgɛ a Daana la yele yeti, a dela Aberaham Yinɛ, Aziki Yinɛ la Yakɔbe Yinɛ la.

Azã 14:2

Mam Sɔ yire la ha, deto zo'e mɛ. La han dagi ni bala, mam wan yele ni ya ti n ye' ti n ta maalɛ la bɔŋa zi'an biŋe ya’?

Tõoma 7:32

‘Mam n de fum yaabeduma Yinɛ la. Aberaham Yinɛ, Aziki la Yakɔbe Yinɛ la.’ Ti Moose iŋa pɔhɛ gbɛ'ɛra, gee ti a ka le sakɛ ti a le bihɛ.

Filipi 3:20

Gee tumam timbiine la boi la saazuo ha. Bilam ti tu gura ti tu faara la wan ze'ele na, tu Daana Yezu Kiresta la.

2 Timoti 4:18

Daana la wan faaɛ mam be'em zaberɛ woo puan bahɛ, gee tara mam kɛ̃ a saazuo sɔ'ɔlum la puan. Eŋa en sɔi na'ahegɔ wuuha wuuha. Taari.

Hiburuduma 10:34

Se'ere en sɔi la, ya tari nimbu'ɔ mɛ bɔ'ɔra sɛba en boi paka deto puan, gee sakɛ la nyɛɛma ba han fãara ya lɔgerɔ, gee mina ti yamam mɛhi tari la sɛla en ani suŋa gee bɔna wuuha gana bala.

Hiburuduma 11:10

Se'ere en sɔi la, Aberaham yuum guri la tinkãtɛ en tari ɛ̃berɛ, ti ka gula, la ka mɛta dɛna Yinɛ.

Hiburuduma 11:14

Nɛresɛba en tɔgeri ŋwana la, la niiɛ mɛ ti ba eere la ba mɛŋa tiŋa ti ba zi'ire.

Hiburuduma 11:40

se'ere en sɔi la, Yinɛ maahum la sɛla en gani bala biŋe, ti tumam la bamam lagum taaba bi'ɛ kahegɛ.

Hiburuduma 12:22

Gee yamam paaɛ la zoore se'ere yu'urɛ en yi'iri Zaayɔn la puan na, tinsɛka en de Yinɛ vua wa tiŋa la puan, tinsɛka en de Yerusalɛm sɛka en boi saazuo ha la, ya paaɛ la suŋereba en zo'e kan ta'am kãalɛ la lageŋɔ kãtɛ en boi kuyima,

Hiburuduma 13:14

Tiŋa wa zuo, tu ka tari tinsɛka n wan bɔna wuuha, gee tu biheri la tiŋa sɛka n ye' na la.

Hiburuduma 2:11

Beni zuo, se'em en peere la, la sɛba be'em ti a pee la, za'a ze'ele la zi'an kayina na. Beni zuo, a ka tari valum, ti a yi' ba a suurɔ,

Lilegere 21:2

Ti mam nyɛ tuulum tiŋa la, Yerusalɛm paalega, ti ka ze'ele saazuo ha, Yinɛ zi'an, sigera na, ti Yinɛ maahum ka wuu pɔka en nɔm yɛ'a sire-ele la.