Hiburuduma 10:36 - ZE'ELEGO PAALEGA

³⁶ Bala zuo, ya boti la ŋmibega, ti ya han ta tum Yinɛ sumboolum la ba'ahɛ, ya wan to'e nɔbiŋere la.

Farefare Ninkaré

³⁶ Yãma de la ya nargɛ pãŋa sẽŋɛ nẽŋa ẽŋɛ Nawẽnnɛ n boorɩ se'em, tɩ ya wʋn to'oge sɛla tɩ a bĩŋe nõorɛ tɩ a bɔ ya la.

Hiburuduma 10:36 ပူးပေါင်းရင်းမြစ်များ

Amatie 10:22

Nɛra woo wan ta yaaɛ ya mam zuo, gee se'em n ŋmibe ze'ele ta paaɛ ba'ahegɔ n wan nyɛ faarɛ.

Amatie 12:50

Se'ere en sɔi la, se'em woo en tuni mam sɔ n boi saazuo ha sumboolum, nɛre eŋa en de mam suuɔ, mam taya, la mam ma.”

Amatie 21:31

Kɔma bayi' wa puan, ba ani n tum ba sɔ la puti'irɛ?” Ti ba yeti, “Yia daana la.” Ti Yezu yele ba yeti, “Yelemɛŋerɛ ti en yɛta ya wa, ti kubetɔ'ɔhereba la yalunduma la pun diŋɛ ya nɛŋa mɛ kɛ̃'ɛ̃ra Yinɛ sɔ'ɔlum la puan.

Amatie 24:13

Gee se'em en ŋmibe ta paaɛ ba'ahegɔ n wan nyɛ faarɛ.

Amatie 7:21

“Dagi se'em woo en yeen yi'ira mam ‘N Daana, N Daana,’ n wan kɛ̃ saazuo sɔ'ɔlum la puan, gee se'em n tuni mam Sɔ n boi saazuo ha la sumboolum.

Amarkɩ 3:35

Se'em woo n tuni Yinɛ sumboolum la, eŋa daana en de mam suuɔ, la mam ma.

Aluki 21:19

Ya ŋmibega puan ti ya sɛɛhi wan nyɛ faarɛ.

Aluki 8:15

Gee han dɛna sɛba n lu pu'uhegɔ zi'an la, bamam dela, sɛba n ni wum yelehum la, gurɛ bu kankaŋi la yelemɛŋerɛ, la susunɛ, tara sugeri la ŋmibega ta wam wala.

Azã 7:17

Se'em woo n maahum ti a tum Yinɛ sumboolum, wan baŋɛ nyaa pa'alegɔ kuna wa ze'ele la Yinɛ zi'an na bii, mam tɔgeri la n mɛŋa puti'irɛ.

Tõoma 13:22

Yinɛ n ta fooe Sɔɔl la, a tee dikɛ la Deviti zi'ire na'am kuka la zuo. Yinɛ n wa yeti a tɔgɛ Naba Deviti yele la, a yeti, ‘Mam nyɛ Yesi dayua Deviti wa ti a dɛna la se'em ti mam suure kɛ̃ paaɛ paaɛ, a wan ta'am tum mam sumboolum n de se'em la.’

Tõoma 13:36

Naba Deviti n daa ta tum a Yinɛ la n boti a tum a mɛŋa saŋa la puan ba'ahɛ la, a ki mɛ, ti ba pi' en lɛm a yaabeduma, ti a pɔ'ɛ.

Aromduma 12:12

Nyɛɛni ya mɛ la beere puti'irɛ, tara ya sugeri ya namehegɔ puan, gee me ŋmibera ya pu'uhegɔ puan.

Aromduma 12:2

Da dikɛ ya mɛhi naaɛ la tiŋa wa zuo yɛla, gee tugum malum sɛ ya mɛhi, ya puti'ira teere puan, la ya viihɛ baŋɛ sɛla en de Yinɛ sumboolum, la sɛla en ani suŋa, nara gee ba'ahɛ za'a.

Aromduma 2:7

Sɛba en ŋmibe tuna sum la, se'ere en sɔi la, ba nini mu'ɛ mɛ ɛɛra suŋa, na'ahegɔ, la sɛla en ka pu'uri. Yinɛ wan bo' ba vom kamba'ahɛ.

Aromduma 8:25

Gee tu beere puti'irɛ han dɛna la sɛla ti tu nan ka nyɛ, tu wan gura dɛ suŋa suŋa la sugeri.

1 Korẽntɩ 13:7

Nɔŋerɛ uheri mɛ sɛla woo, nana sɛla woo, tara beere puti'irɛ sɛla woo puan, ŋmibera sɛla woo puan.

Galatɩ 6:9

Bala, da bahɛ ya ti tu taregɛ la tu ita sɛla en de ma'a. Se'ere sɔi la, tu wan ta kɛ̃', kɛ̃'a saŋa la han paaɛ, ti tu ka bahɛ tu ita sɛla en de ma'a la.

Efɛɛzɩ 6:6

Da iti ya ŋwana ba nɛŋan ma'a ti ya yeen pee ba suure, gee ya dela Kiresta yamehi, tuna Yinɛ sumboolum la ya suya za'a za'a.

Kolɔsɩ 1:11

Ya kpe'em la paŋa sɛka woo en ze'ele Yinɛ paŋa puan na, ya dɛna sɛba en maahum ti ya ŋmibera sɛla woo puan la sugeri, gee nyɛɛna

Kolɔsɩ 3:24

yan diŋɛ mina ti Daana la puan ya wan ta to'e tɔtɛ ti la dɛna ya yɔɔrɛ la. Ya tuni bɔ'ɔra la Daana Kiresta la.

Kolɔsɩ 4:12

Epafaras, en de ya ayima la, dɛna Kiresta [Yezu] da'aberɛ pu'uhi ya na. A mɛɛrɛ saŋa woo pu'uhegɔ puan ya zuo, ti ya wan ze'ele bi'ɛ suŋa, gee ka bu'ura ya suure puan la Yinɛ sumboolum en de se'em.

1 Tesaloniki 1:3

Tu tɛɛra tu Yinɛ en de tu Sɔ la nɛŋan ya sakerɛ tuuma, la ya nɔŋerɛ tuuma, la yan ze' se'em kankaŋi ya beere puti'irɛ la puan se'em tu Daana Yezu Kiresta puan la.

Hiburuduma 11:39

Gee yele ana za'a la, la ban pun pɛgɛ ba la ba sakerɛ la, ba ka nyaŋɛ to'e sɛla ti Yinɛ biŋe nuurɛ ti a bo' la,

Hiburuduma 12:1

Bala, aze'nyɛ wa en zo'e se'em wuu sagbanɛ wa kaaɛ tu mum wa zuo, bahɛ ya ti tu dikɛ tibehegɔ seko woo, la be'em sebo woo en ba' tabera, gee ana la tɔ kankaŋi la biŋe kinkɛleŋa, gee bahɛ ya ti tu zɔta la ŋmibega, zɔ sɛka en gã' tu nɛŋan wa.

Hiburuduma 13:21

wan bahɛ ti ya bi'ɛ tunsunɛ woo puan, ti ya ta'am tum a sumboolum, doohe la en boi tu puan tuna la tɔ, tuunsɛ'a en tigeri a nini Yezu puan, se'em ti suŋa dɛna a dinɛ saŋa woo. Taari.

Hiburuduma 6:12

Bala ti se'em kan bukɛ, gee ya wan tɔgehɛ sɛba woo en doohe sakerɛ, la ŋmibega puan ta to'e Yinɛ en biŋe nuurɛ ti a iŋɛ se'ere la.

Hiburuduma 6:15

Bala ti Aberaham me yuum tari sugeri ŋmibera la, a yuum sirum ta to'e nɔbiŋere la mɛ.

Hiburuduma 6:17

Bala mɛa ti Yinɛ en daa ta bɔta ti a pa'alɛ ti la niiɛ bo' sɛba en wan ta sooe sɔna a nɔbiŋere la en de a naanɛ se'ere en ka malum tɛɛra la, a pɔ la pɔtɛ ti de dɛna daalehum,

Hiburuduma 9:15

Dina wa zuo ti a dɛna nupu'ŋmɛ'ɛra bo' nɔpu'ulepaalɛ la, ti bala ti sɛba ti ba yi' la wan ta'am to'e nɔbiŋere lɔkɔ la en ka tari ba'ahegɔ la. Se'ere en sɔi la, kum n ki to'e ba, ba tuure la en daa boi yia nɔpu'ulegɔ la puan la.

1 Pita 1:9

Se'ere en sɔi la, ya to'ore la ya sakerɛ yɔɔrɛ en de ya sɛɛhi faarɛ la.

1 Zã 2:17

Tiŋa wa zuo la ka kɔrehi la ye' tɔla mɛ, gee sɛba en tuni Yinɛ suboolum wan bɔna wuuha.

Lilegere 13:10

La han dɛna la ba nyɔgɛ ya, ba nyɔgere ya yɛ'a mɛ, ya han ku mɛ la su'a, su'a en kuuri ya. Ŋwana dela sɛba en de nɛresunduma la, ya ŋmibera, gee sɛ zɛ'a ya sakerɛ la puan.

Lilegere 14:12

Ŋwana yi'iri la nɛresunduma la ti ba ŋmibe, la sɛba woo en tari Yinɛ nuurɛ la, gee gurɛ Yezu sakerɛ la kankaŋi la.