Hiburuduma 1:3 - ZE'ELEGO PAALEGA

³ A dela Yinɛ suŋa niihum paaɛ paaɛ, dɛna Yinɛ vore vore, bahɛ ti sɛla woo bɔna, doohe a yelehum paŋa puan. Eŋa en duuhe saaleba be'em ba'ahɛ la, a zi'ire la Gani za'a Daana la zuɔ nu'o saazuin ha,

Farefare Ninkaré

³ Ẽŋa n tarɩ Nawẽnnɛ na'am pãŋa wa pa'alɛ tɔ, a ãn wʋ Nawẽnnɛ mẽŋa n ãn se'em na. La a yetɔga la tarɩ pãŋa mɛ botɩ sɛla woo bɔna a zẽ'a. Ẽŋa n yese nẽrsaalba tõon-be'ero tɩ ba lebge sõŋa la poorʋm, a sẽŋɛ ka zẽa la Naba Wẽnnɛ zʋʋgɔ saazuum-zuum.

Hiburuduma 1:3 ပူးပေါင်းရင်းမြစ်များ

Amatie 22:24

“Pa'ala, Moose pa'alegɔ la puan yeti, ‘Nɛra han ki gee ka tara bia la a pɔga, a suuɔ di pokuurɛ la, la a dɔgɛ kɔma purɛ a suuɔ la yu'urɛ.’

Amarkɩ 16:19

Bala Daana Yezu n tɔgɛ bo' ba ba'ahɛ la, a zom la saazuo, ta zi'ire Yinɛ zuɔ nu'o.

Azã 1:14

Ti se'em ti ba yi'ira Yelehum wa, ta lebege asaala, bɔna la tɔ, ti tu nyɛ a suŋa, sunsɛka en pa'ali ti a dela Sɔ dayɔba'arɛ, pirɛ la zu'uhegɔ, la yelemɛŋerɛ.

Azã 1:29

Yiimbeere ti Yɔn nyɛ ti Yezu kini tɔɔra en na, ti a muulɛ yeti, “Bihɛ ya,Yinɛ Pebila la n ŋwana, se'em n to'e timpaberɛ wa zuo be'em la!

Azã 1:4

Eŋa puan ti vom bɔna, vom buna wa en de niihum bo' timpaberɛ wa nɛreba za'a.

Tõoma 2:33

En nyaa paaɛ zi'ire Yinɛ na'am paŋa kuka la zuo la, a to'e Fa'a Sia la ti Yinɛ n de Sɔ biŋe nuurɛ ti a wan bahɛ ti a wa'am na la, bala ti a ka'ɛ ŋwana wa bahɛ tumam zuo, ti ya za'a nini nyɛ ti ya tuba wum

Tõoma 7:56

Ti a yele nɛreba la yeti, “Bihɛ ya, mam nyɛti la saazuo n yu'ɛ, ti Asaala Dayua la zɛ'a Yinɛ zuɔ nu'o.”

Aromduma 1:16

Vi ka tari mam la faarɛ yelehum wa. Beni zuo, bu dela Yinɛ faarɛ paŋa, bo' se'em woo en tari sakerɛ, Yuuduma yia, gee nyaa bɔ'ɔra Girikiduma.

Aromduma 8:34

Ani en wan ta'am sagum tɔ? La dela Kiresta Yezu en ki, ɛ̃ɛ, se'em ti Yinɛ vo'e en la, ti a bɔna Yinɛ zuɔ nu'o la. Eŋa en sirum de nupu'ŋmɛ'ɛra bɔ'ɔra tumam.

2 Korẽntɩ 4:4

Ba yele la dela, tiŋa wa zuo yinɛ la n pi' sɛba n ka nam Yezu la puti'ira, ti a gu ba ti ba da nyɛta faarɛ yelehum niihum la n de Kiresta suŋa la. Kiresta se'em n de Yinɛ mɛŋa naanɛ la.

Kolɔsɩ 3:1

Bala, la han dɛna ti ya vo'e mɛ la Kiresta, ye eere ya yele sɛ'a en boi tinsuŋan ha la, zi'an ti Kiresta zi'a Yinɛ zuɔ nu'o bɔba la.

Taitusi 2:14

Eŋa en kaabɛ a mɛŋa bo' tu, ti a yɔ to'e tu tuure woo puan, gee pee tu bo' a mɛŋa, ti tu dɛna a mɛŋa nɛreba, sɛba en mu'ɛ nini tuna tuunsunɛ.

Hiburuduma 1:13

Gee suŋera kani ti Yinɛ tabelɛ yele en yeti, “Zi'ire n zuɔ nu'o na, gura ti n ta bahɛ ti fum dinduma lebege fum nama dafeere?”

Hiburuduma 10:12

Gee Kiresta kaabɛ la buyina bo' saŋa woo, kaabegɔ kuyina ma'a la bo' be'em ba'ahɛ la, a nyaa zi'ire la Yinɛ zuɔ nu'o,

Hiburuduma 12:2

Tu biha suŋa suŋa Yezu en de sakerɛ nɛŋa daana, se'em daana n de sakerɛ la ba'ahegɔ daana la. Se'em ti nyɛɛma sɛ'a en dikɛ biŋe en la zuo, a daa ŋmibe mɛ ta paaɛ pumpuuredɔɔ la zuo, ka fabela dɔɔ zuo kum la nyanɛ la, nyaa wa'am na zi'a a zi'a zi'an Yinɛ na'am kuka la zuo, zuɔ nu'o.

Hiburuduma 4:14

Lan de ti tu tari la malema kiima kãtɛ en kɛ̃ tinsuŋan la, dɛna Yezu, Yinɛ dayua la, bahɛ ya ti tu gurɛ tu sakerɛ yelehum la kankaŋi.

Hiburuduma 7:27

Eŋa ka ani wuu malema duma bana la, a ka de a ni kaabera daare woo, ni kaabɛ a mɛŋa be'em zuo yia, gee nyaa kaabɛ bo' nɛreba la be'em. A kaabɛ la kaabegɔ buyina za'a, en daa dikɛ a mɛŋa kaabɛ la.

Hiburuduma 8:1

Yeledaa sɛka en boi tumam en yeti sɛla wa puan dela dina wa. Tu tari la malema kiima en boi a tɔka, se'em en zi' Gani za'a Daana la na'am kuka la zuɔ nu'o saazuo ha,

Hiburuduma 9:16

Zi'an ti nɔpu'ulegɔ biŋe, la dela nɔpu'ula la ki gee ti nɔpu'ulegɔ la nyaa tuna.

Hiburuduma 9:26

la ha deni bala, a ye wan nameheri mɛ tulena, pɔhera tiŋa wa pi'ileŋo puan na la. Gee lan de se'em la, a wa'am la buyina za'a za'a ba'ahegɔ saŋa buuri wa puan, ti a fooe be'em bahɛ, doohe a dikɛ a mɛŋa kaabɛ.

1 Pita 1:21

Doohe eŋa puan ti ya wa'am na nam Yinɛ, se'em en ihege en a kum puan la, gee bo' en na'ahegɔ, ti ya sakerɛ, la ya beere puti'irɛ la bɔna Yinɛ zi'an.

1 Pita 3:22

Kiresta, en bala zom saazuo ha, ta bɔna Yinɛ zuɔ nu'o bɔba, la suŋereba, kpɛ'ɛnduma, la pahi se'ehi ti ba dikɛ biŋe a nama timpaberɛ.

2 Pita 1:16

Tumam ka yeen kɔ'ɔm dɔla la pumpɔreŋɔ kãra sɔlema, tumam en bahɛ ti ya baŋɛ tu Daana Yezu Kiresta paŋa, la a lɛbega na la, gee tumam dela aze'nyɛduma bo' a pankãtɛ la.

2 Pita 1:17

Se'ere en sɔi la, a to'e la na'ahegɔ la pɛka Yinɛ en de Sɔ la zi'an. Doohe la kɔsɛka en wa ze'ele Pɛntiireba za'a Daana la zi'an tɔgɛ bo' en na yeti, “Mam Dayua en ŋwana, mam Dayɔba'arɛ, se'em ti mam nini tigɛ.”

1 Zã 1:7

Gee tu han vɔna niihum la kankaŋi, wuu eŋa mɛŋa en boi niihum puan se'em la, tu wan bɔna taaba kankaŋi, ti a Dayua Yezu ziim la pɛɛra tɔ, tuure woo puan bahera.

1 Zã 3:5

Ya mi' ti Kiresta niiɛ na ti a dikɛ la tuure, ti eŋa puan ti tuure ka bɔna.

Azudi 1:25

Yinɛ deyina ma'a wa en de tu faara doohe Yezu Kiresta tu Daana puan la, sɔna na'ahegɔ la kpe'eŋo la paŋa la asɔeza'a, saŋa se'ehi en pun tabelɛ tole la, la nananawa, la wuuha wuuha. Taari.

Lilegere 3:21

Se'em daana woo en nyaŋɛ, n wan bo' a daana zi'an ti a bɔna la mam, n na'am kuka la zuo, wuu mam mɛŋa en nyaŋɛ, gee ta zi'a la n Sɔ a na'am kuka la zuo se'em la.

Lilegere 4:11

“Fu nari mɛ, tu Daana la tu Yinɛ, ti fum to'e pɛka la na'ahegɔ la paŋa, se'ere en sɔi la, fum naam sɛla woo , ti fum sumboolum zuo ti ba bɔna, ti fum en naam ba.”