Hiburuduma 1:14 - ZE'ELEGO PAALEGA

¹⁴ Suŋereba la za'a dagi la sabeeo Sia tuuma la puan, ti Yinɛ tuna ba ti ba tuna bɔ'ɔra sɛba en wan ta sooe vaaɛ faarɛ la?

Farefare Ninkaré

¹⁴ Malɛkadõma de la bẽm? Ba de la sɩɩsɩ n tõnnɩ bɔ'ɔra Nawẽnnɛ, tɩ Nawẽnnɛ tõnna ba, tɩ ba sõŋra nẽr-sɛba n de ba yẽ fãarɛ la.

Hiburuduma 1:14 ပူးပေါင်းရင်းမြစ်များ

Amatie 1:20

Gee en ti'ihɛ ku ti a iŋɛ ŋwana wa la, ti Yinɛ suŋera niiɛ a mɛŋa bo' en zaaheŋɔ puan yi' en yeti, “Yosefe, Deviti dayua, da tara dabeem ti dabeem ti fum to'e Mɛɛri ti a dɛna fum pɔga. Se'ere sɔi la, bisɛka puurɛ ti a tara wa, dela Fa'a Sia la paŋa n bahɛ ti la iŋɛ bala.

Amatie 13:41

Asaala dayua la wan ta tum a suŋereba na, ti ba doohe a sɔ'ɔlum la puan lagehɛ sɛla woo en baheri ti nɛreba tuna be'em, la tuumbe'ero duma la za'a yehe a sɔ'ɔlum la puan,

Amatie 18:10

“Bihɛ ya suŋa la ya da bihɛ bumbibehi wa ayima yoo. Mam yeti ya mɛ wa, ti saazuo ha, ba suŋereba saŋa woo kɔ'ɔm nyɛta mam Sɔ en boi saazuo nɛŋa mɛ saŋa woo.

Amatie 2:13

Baŋereba la n kule la, ti Daana suŋera niiɛ a mɛŋa bo' Yosefe zaaheŋɔ puan yeti, “Ihege tari bia la, la ka ma zɔ loŋe Igipiti ta bɔna bini gura se'em ma'a ti n wan ta yele fum ti fum lebe na. Se'ere n sɔi la, Hɛrɔd maahum mɛ ti a ɛ bia la ku ka.”

Amatie 24:31

Tintanɛ wan ta peebe paŋa paŋa, ti a yi' a suŋereba tum ba ti ba doohe tiŋa wa luga anaahi la za'a lagehɛ sɛba ti a pun looe, ze'ele lugerɛ deyima ta paaɛ lugerɛ deyima.

Amatie 25:34

Ti naba la nyaa wan yele sɛba n boi a zuɔ nu'o bɔba la yeti, ‘Wa'am ya na, yamam sɛba ti mam Sɔ iŋɛ sum bo' ya wa, la ya sooe sɔ'ɔlum la ti ba maahum biŋe ya tiŋa wa pi'ileŋo puan ha sɔna.

Amatie 4:11

Bilam ti Sagena la bahɛ en, ti Yinɛ suŋereba en bala wa'am na kpemehe en.

Amarkɩ 10:17

Yezu bahɛ bilam mɛ, gee bɔna sore zuo yɛ'ɛha, ti buraa zɔ paaɛ en, kpa duma a nɛŋan, soke en yeti, “Pa'alesunkɔ, beni en de n iŋɛ la n ta'am nyɛ vom kamba'ahɛ wa?”

Aluki 1:19

Ti suŋera la lerege en yeti, “Mam dela Gaberɛl.” Mam ze' la Yinɛ nɛŋan, gee ti a tum mam na, ti n tari yelesunɛ wa na bo' fum.

Aluki 1:23

A malema tuuma dabeha la en ta ba'ahɛ la, a lebe kule la a yire.

Aluki 16:22

Ti naha wa ta ki, ti Yinɛ suŋereba wa'am na tari en kiŋɛ Yinɛ yire, ta bɔna Aberaham zi'an. Ti buntata la me ta ki, ti ba pi' en.

Aluki 2:13

Bilam bilam ti suŋereba kekeko en bala en ze'ele saazuo na lagum suŋera ayima la, ti ba pɛgera Yinɛ yeti,

Aluki 2:9

Ti Daana la suŋera en bala zɛ'a ba nɛŋan, ti Daana suŋa niiɛ bilam piim kaaɛ ba bahɛ tiŋasuka, ti ba pabegɛ.

Tõoma 11:22

Ti yele ana wa woo lu Yerusalɛm lageŋɔ la woo tuban, ti ba tum Banabase Antiyoke.

Tõoma 12:23

Ti bilam bilam doohe la Naba wa n ka dikɛ na'ahegɔ wa bo' Yinɛ la zuo, ti Daana Suŋera lobe en la ba'a ti a gã'a ti zunzuya dita en tara tara ti a ta ki.

Tõoma 12:7

Ba yeti ba bihɛ ti Daana suŋera n bala paka deo la puan, ti bugum niiɛ bini piim. Ti a paaɛ ŋmɛ' Pita lugerɛ yele en yeti, “Ihege kalam.” En tɔgɛ bala la, ti bãhi la n ba' Pita nu'uhi la zɔgɛ tiŋa.

Tõoma 13:2

Daarɛ deyima ti ba bɔna Daana la na'ahegɔ puan la nɔlurɛ, ti Fa'a Sia la tɔgɛ yeti, “Yehe ya Banabase la Sɔɔl ze'ele bo' tuunse'ere ti mam yi' ba ti ba tum la.”

Tõoma 16:26

Ba yeti ba bihɛ, ti tiŋa la tinmiiŋo kãtɛ n miim, ti paka deo la ɛ̃berɛ la gbiregera, ti bilam bilam ti paka kulehi la za'a yu'uhɛ, ti zɔtɔ la n ba' nɛreba la za'a lorehe.

Tõoma 27:23

Se'ere n sɔi la, zaam yu'uŋɔ, Yinɛ se'ere ti mam dɔla gee na'aha wa suŋera en zaam wa'am na ze'ele mam sakpikɔ,

Tõoma 5:19

Gee yu'uŋɔ, ti Yinɛ suŋera wa'am na yu'ɛ paka deo kulehi la tari ba yehe na, gee yele ba yeti,

Aromduma 11:14

ti daanse'ere n bahɛ ti nyuure kɛ̃ mam mɛŋa nɛreba la, ti n ta'am faaɛ ba basɛba bahɛ.

Aromduma 13:6

Bala mɛa zuo ti fum me yɔɔra kuba la. Se'ere en sɔi la, kpɛ'ɛnduma la dela Yinɛ yamehi, mu'ɛ nini la tuun-ana wa.

Aromduma 15:16

ti n dɛna Kiresta Yezu tuntuna bo' sɛba en dagi Yuda buuri la, malema daana tuuma Yinɛ faarɛ yelehum wa puan, ti sɛba en dagi Yuda buuri wa la, Yinɛ to'e ba kaabegɔ, ti Fa'a Sia la pee ba.

Aromduma 15:27

Ba puurɛ pee mɛ ti ba tum dina wa. Yelemɛŋerɛ bamam mɛhi la tari la ba sanɛ. Se'ere en sɔi la, Yuuduma la han tɔrɛ ba sia puan maalegɔ bo' sɛba en dagi Yuda buuri la, bamam me dela ba tum inganɛ puan lɔgerɔ maalegɔ tuunɛ me bo' ba.

Aromduma 8:17

ti tu han dɛna Yinɛ kɔma, tu dela sɛba en wan sooe sɔna, tu dela Yinɛ kɔma wan sooe Yinɛ lɔgerɔ sɔna. Tu naaɛ mɛ la Kiresta sooe sɔna Yinɛ lɔgerɔ, tu han sirum namehɛ la en, tu me wan ta lagum nyɛ suŋa la en.

1 Korẽntɩ 1:21

Ze'ele Yinɛ yɛm puan na, timpaberɛ wa zuo nɛreba ka mi Yinɛ ba mɛhi yɛm puan, Yinɛ en iŋɛ a puti'irɛ ti a doohe tumam gɔɔnɛ muulegɔ wa puan, la a faaɛ sɛba en nam la.

2 Korẽntɩ 9:12

Se'ere en sɔi la, yamam en tum tuun-dina wa la, dagi la ya bo' la nɛresunduma la ma'a, gee bu ɔlegeri mɛ la fara bu'a zo'e zo'e bɔ'ɔra Yinɛ.

Galatɩ 3:29

Ti fum se'em n de Kiresta dinɛ, fum yi dela Aberaham yaaŋa, dɛna asooe sɔna daana wuu nɔbiŋere la en de se'em la.

Galatɩ 3:7

bala ya nyɛ ya, sɛba en nam la en de Aberaham yaahi.

Galatɩ 3:9

Dina wa zuo, sɛba en nam la nyɛti sum mɛ la Aberaham se'em en daa nam la.

Efɛɛzɩ 3:6

De vuurɛ dela, sɛba n dagi Yuuduma wa nyaa lagum dɛna la sɛba en tari tɔtɛ, lagum dɛna iŋa kayima la nɛresɛba n wan lagum to'e nɔbiŋere lɔkɔ la Kiresta Yezu puan, faarɛ yelehum la zuo.

Filipi 2:17

Gee ba han pun ka'ɛ mam wuu buum kaabegɔ la bahɛ kaabegɔ bo'olum la zuo, yamam sakerɛ zuo, la de mam la pupeelum, ti n nyɛɛni la yamam za'a.

Filipi 2:25

Le pa'ahɛ, mam ti'ihɛ ti la nari ti n tum Epafurodituse ya zi'an na. A dela n suuɔ, la n tuntuna tadaana, la n pɛntiira tadaana en de ya bituneŋa, gee dɛna tuntuna bo' mam en boti sɛla.

2 Tesaloniki 1:7

gee bo' sɛba ti ba pɔgelum la me fai, ta ta' la tumam me, Daana Yezu han ta ze'ele saazuo niiɛ na, la a suŋereba bumpahi la.

Taitusi 3:7

ti, en bo' tu buurɔ a zu'uhegɔ la zuo la, tu beere wan sɔna vom kan ba'ahɛ la ti tu tara bu puti'irɛ la.

Hiburuduma 10:11

Gee malema daana woo ze' mɛ beere en yilegeri beere a tumam la puan, kaabera kaabegɔ yiŋɔ mɛa tulena, kaabegɔ yiŋɔ mɛa en kan malum pee be'em bahɛ la.

Hiburuduma 2:3

ŋwani ti tu wan ta'am piiɛ, tu han zagehɛ faarɛ kãtɛ dina wa? Tu wum bu yele yia la Daana la mɛŋa zi'an, ti sɛba en wum bu a mɛŋa nuuren la me yele tu ti bu dela bala,

Hiburuduma 5:9

Ti en doohe ŋwana woo puan tole la, a nyaa bi'ɛ kahegɛ mɛ, a nyaa dela se'em puan ti vomkan ba'ahɛ faarɛ bɔna bo' sɛba woo en nane en la.

Hiburuduma 6:12

Bala ti se'em kan bukɛ, gee ya wan tɔgehɛ sɛba woo en doohe sakerɛ, la ŋmibega puan ta to'e Yinɛ en biŋe nuurɛ ti a iŋɛ se'ere la.

Hiburuduma 6:17

Bala mɛa ti Yinɛ en daa ta bɔta ti a pa'alɛ ti la niiɛ bo' sɛba en wan ta sooe sɔna a nɔbiŋere la en de a naanɛ se'ere en ka malum tɛɛra la, a pɔ la pɔtɛ ti de dɛna daalehum,

Hiburuduma 8:6

Gee nananawa Yezu to'e la tuunɛ en gani ŋwana, pun nyaa ta dɛna nupu'ŋmɛ'ɛra nɔpu'ulegɔ en gani ŋwana paaɛ paaɛ la puan, nɔpu'ulegɔ en yage nɔbiŋere en gani ŋwana zuo.

Hiburuduma 9:28

bala mɛa ti Kiresta, en kaabɛ a mɛŋa buyina bo' nɛreba zo'e zo'e be'em la ba'ahɛ, a wan le niiɛ na buyi' puan na, dagi a le zabɛ la be'em, gee a faaɛ sɛba en ani kɛli gura en la.

Yemesi 2:5

Kelehe ya, n sunɔŋerɛ duma. Yinɛ ka looe la naheduma timpaberɛ wa zuo ti ba dɛna buntateba sakerɛ puan, la ba ta sɔna sɔ'ɔlum la ti Yinɛ biŋe nuurɛ bo' sɛba en nɔŋɛ en la?

1 Pita 1:12

La yuum niiɛ pa'alɛ ba yeti, ba ka tuni bɔ'ɔra la ba mɛhi, gee tumam, doohe yelesɛ'a en nyaa muulɛ bo' ya nananawa, doohe sɛba en tari faarɛ yelehum wa na bo' ya la, doohe Fa'a Sia la ti Yinɛ tum en saazuo ha bahɛ na la.Yele sɛ'a ti suŋereba mu'ɛ nini ti ba nyɛ la.

1 Pita 1:4

A yi ya mɛ ti ya to'e lɔgerɔ seto en ka sageni, ka galum, ka kuregera, en maahum biŋe saazuo ha gura ya.

1 Pita 3:7

Sireba, bala mɛa, me zu'uhi ya ya pɔgeba, yan boi la taaba la, na'ahera fum pɔga, la eŋa en pun dɛna tɔregɔ lɔkɔ la, se'ere en sɔi la, ba wan ta to'e Yinɛ vom bo'olum la mɛ. Iti ya bala ti sɛla da gu'ura ya pu'uhegɔ.

Azudi 1:14

Bana en bala ti Enɔki en de Adam buuri saŋa buyopɔi puan la yuum purɛ ba yele yeti, “Bihɛ ya, Daana la kini mɛ na la a tuulum nɛreba tuha pia,

Lilegere 5:6

Ti mam nyɛ ti na'am kuka kãtɛ la, la bunvɔɔhi banaahi la, la kiinduma la tiŋasuka, ti Pebila ze', ana wuu ba tabelɛ kɔregɛ ka mɛ la, tara iila ayopɔi la nini iyopɔi en de Yinɛ sɛɛhi siyopɔi la, ti Yinɛ tum si timpaberɛ wa zuo zi'an woo na la.