Galatɩ 6:8 - ZE'ELEGO PAALEGA

⁸ Fum han burɛ la ingɔŋɔ yɛla, fum kɛ̃'ɛ̃ri la ingɔŋɔ sageŋɔ yɛla. Gee fum han burɛ la Sia puan yɛla, fum kɛ̃'ɛ̃ri la vom kamba'ahɛ Sia la puan.

Farefare Ninkaré

⁸ Nẽr-sɛka n ɩtɩ sɛla tɩ a mẽŋa yɛmleego boorɩ, a wʋn yẽ a yɛmleego yõorɔ n de kũm. La sɛka n ɩtɩ sɛla tɩ Nawẽnnɛ Sɩa boorɩ la, a wʋn yẽ Nawẽnnɛ Sɩa n bɔ'ɔrɩ sɛla n de vɔm n ka ba'asrɩ.

Galatɩ 6:8 ပူးပေါင်းရင်းမြစ်များ

Amatie 19:29

Se'em woo n bahɛ yiya, suurɔ, bii tapa, sɔ bii ma, kɔma, bii vatɔ mam yu'urɛ wa zuo, wan lebehe nyɛ ba kɔbehi, gee me wan to'e vom kamba'ahɛ.

Amatie 25:46

Ti bana wa wan kiŋɛ namehegɔ seko n ka tari ba'ahegɔ puan, gee ti tuuntɔɔ duma la me kɛ̃ vom kamba'ahɛ puan.”

Aluki 18:30

gee kan malum nyɛ gaŋɛ bala saŋa kana vom wa puan, la buuri sansɛka en kini na la vom kamba'ahɛ la en kini na la puan.”

Azã 4:14

Gee sɛba woo n nyu ko'sebo ti mam wan bo' ba la, ko'nyuuro kan le malum tara bamam duma. Gee ko'sebo ti mam wan bo' ba la, wan lebege la bulega ba puan bula vom ko'om yɛ'ɛha vom en kamba'ahɛ puan.”

Azã 4:36

Buna la pun pɔhɛ tɔ'ɔha a yɔɔrɛ mɛ, gee ka'aha dia la yɛ'ɛha vom kamba'ahɛ puan, ŋwana ti buta, la buna la wan lagum nyɛɛna la taaba.

Azã 6:27

Da tuni ya ɛɛra disɛka n wan ba'ahɛ, gee tuni ya ɛɛra disɛka n wan bɔna wuuha, bo' ya vom kamba'ahɛ, sebo ti mam Asaala Dayua wa wan bo' ya la. Se'ere en sɔi la, mam ma'a ti Yinɛ n de Sɔ la daalehum bɔna a puan.”

Aromduma 13:14

Gee tugum dikɛ ya Daana Yezu Kiresta yɛ wuu fuo la gee da bo' ya inganɛ wa sore ti de dikɛ tu doohe tu kunkoma'ahum la yɛla la.

Aromduma 6:13

Da le dikɛ ya ingana la ze'sɛka bo' be'em, ti la dɛna be'em lɔkɔ tara tuna be'em tuuma. Gee tugum dikɛ ya mɛhi bo' Yinɛ, wuu nɛreba ti ba tari ya kum puan wa'am vom puan na la. Gee dikɛ ya ihe la bo' Yinɛ, ti si dɛna tuuntɔɔ vom tuuma lɔgerɔ.

Aromduma 6:23

Se'ere en sɔi la, be'em yɔɔrɛ dela kum, gee Yinɛ zaŋa bo'olum la ti a bo' la, dela vom kan ba'ahɛ, Kiresta Yezu tu Daana la puan.

Aromduma 8:11

Se'em daana Sia en vo'e Yezu kum puan la han kɛ̃'ɛ̃ra ya puan, Se'em daana en vo'e Kiresta kum puan mɛa wan bo' ya vom ya ingana wa n wan ki wa puan , doohe a Sia la en kɛ̃'ɛ̃ri la ya la.

Aromduma 8:13

Ya han vɔna inganɛ la en boti se'em la, ya wan ki. Gee ya han vɔna Fa'a Sia la puan, ku inganɛ tuuma la, ya wan vɔna.

Aromduma 8:6

Fum dikɛ fu puti'irɛ delum inganɛ wa la dela kum, gee fum dikɛ fum puti'irɛ delum Fa'a Sia la dela vom, la suma'ahum.

1 Korẽntɩ 15:42

Bala mɛa ti la wan ana la kum en wan ta vo'e la. Sɛla en burɛ pu'uri mɛ, gee sɛla ti ba vo'e ka pu'uri.

Galatɩ 6:7

Da pã'aha ya mɛhi, nɛra kan pim Yinɛ. Nɛra en burɛ sɛla la, bala mɛa ti a kɛ̃'ɛ̃ra.

1 Timoti 1:16

Gee dinɛ zuo ti a zɔ mam nimbu'ɔ, ti mam puan, be'em nɛŋa daana wa puan, ti Yezu Kiresta wan pa'alɛ a sugeri en ka tari makerɛ la, ti mam dɛna makerɛ bɔ'ɔra sɛba n wan wa'am na nam en ti ba nyɛ vom kamba'ahɛ.

Taitusi 3:7

ti, en bo' tu buurɔ a zu'uhegɔ la zuo la, tu beere wan sɔna vom kan ba'ahɛ la ti tu tara bu puti'irɛ la.

Yemesi 3:18

Ba burɛ la tuntɔɔnɛ biili suma'ahum puan, bo' sɛba en boti suma'ahum la.

2 Pita 2:12

Nɛrebana wa ani mɛ wuu duhi gɔɔnɔ la, ba yeen dɛna la bunvɔɔhi en ka tari vuurɛ, ti ba yeen dɔgɛ ba ti ba nyɔgɛ ba ku la. Ba tuurɛ la sɛla ti ba ka bɔkɛ, ti ba han ta sagum bunvɔɔhi sina la ba'ahɛ, ba wan sagum bamam me.

2 Pita 2:19

Ba biŋere ba nɔya, ti fai wan bɔna, gee ba mɛhi dela ŋmɛlema tuuma da'aba. Se'ere en sɔi la, nɛreba dela da'aba bo' sɛla woo en ta' ba.

Azudi 1:21

Dikɛ ya mɛhi iŋɛ Yinɛ nɔŋerɛ la puan, gee la ya biha tu Daana Yezu Kiresta nimbɔ'zɔrɛ la en dole yɛ'a vom kamba'ahɛ puan la.

Lilegere 22:11

Bahɛ ti se'em en tuni be'em, kelum tuna a be'em, ti se'em en tuni a dɛgerɔ tuuma, kelum tuna a dɛgerɔ tuuma, ti se'em en de tuuntɔɔ kelum vɔna tuuntɔɔ, ti se'em en de tuulum nɛra, kelum vɔna a tuulum vom.”