Galatɩ 6:12 - ZE'ELEGO PAALEGA

¹² La dela sɛba en boti ba ŋmɛ'ɛra nyu'ɔ la ba ingɔŋɔ yɛla la, n zigeri ti ba pɛregɛ ya ti ya ŋma la. Ba iti ŋwana ti ba da nyɛ namehegɔ Kiresta pumpuuredɔɔ la yɛla muulegɔ puan.

Farefare Ninkaré

¹² Sɛba n mõrgrɩ ya bɔɔra tɩ ya wã la, de la nẽrba n boorɩ yʋ'ʋrɛ nẽrsaalba zẽ'am. Ban ka boorɩ tɩ ba yẽ nãmsgɔ Krisi kũm dɔ-puurŋa la ĩyã mã'a yelle tɩ ba ɩta bɛla.

Galatɩ 6:12 ပူးပေါင်းရင်းမြစ်များ

Amatie 23:27

Yele boi ya zuo, yamam gɔnmi'ineba la Farasiiduma wa, birekɔgenduma wa. Ya ani mɛ wuu yɔɔrɔ, ti ba ŋmɛ bɔmbɔrehe peelego iŋɛ tu, ti tu yiŋa ana suŋa, gee ti tu puan pirɛ la ki'in kuba, la dɛgɛ seto woo la.

Amatie 23:28

Bala mɛa ti ya yiŋa vom ani tuuntɔɔ nɛreba nɛŋan, gee ti ya puan la dɛna birekɔgenɛ la ŋmɛleŋɔ.

Amatie 23:5

Ba tuni ba tuuma za'a ti nɛreba n nyɛ ba Se'ere en sɔi la ba pɛ la pa'alegɔ la tiihegɔ funini kãra, gee pɛ sãba wogerɔ yule ba futo la tiŋa.

Amatie 5:10

“Sum boi mɛ la sɛba ti ba mɛleha ba tuuntɔɔ vom zuo. Ba dinɛ dela saazuo sɔ'ɔlum la.

Amatie 6:16

“Ya han luta nuurɛ, da ni zuŋe ya nɛhi wuu birekɔgenduma la, se'ere en sɔi la, ba ni zuŋe ba nɛhi la bala ti ba pa'alɛ la nɛreba ti bamam luti la nuurɛ. Yelemɛŋerɛ ti n yɛta ya wa, ba pun to'e ba yɔɔrɛ mɛ.

Amatie 6:2

“Bala zuo, ya han ni bɔ'ɔra bo'olum, da ŋmɛ' ya luŋa wuu birekɔgenduma la en iti se'em ba zamehegɔ yiya la sadɔtɔ zuto ti nɛreba pɛgɛ ba la. Yelemɛŋerɛ ti n yɛta ya wa, bamam pun to'e ba yɔɔrɛ mɛ.

Amatie 6:5

“Ya ni han yeti ya pu'uhɛ, da ni ani ya wuu birekɔgenduma la. Bama nɔŋɛ la ba ni dooe zɛ'a saazuo zamehegɔ yiya la puan, la sadɔtɔ kãra zi'ihi woo puan, pu'uha ti nɛreba nyɛ ba. N yeti ya la yelemɛŋerɛ wa, ti ba pun to'e ba yɔɔrɛ mɛ.

Aluki 16:15

Ti Yezu yele ba yeti, “Ya dela nɛreba en bo'ori ya mɛhi buurɔ nɛreba nɛŋan, gee Yinɛ mi' ya suya puan en ani se'em mɛ. Sɛla en de tuulum lɔkɔ nɛreba nɛŋan, fi'ɛ mɛ Yinɛ nɛŋan.

Aluki 20:47

Ba saari la pokɔpa yiya. Ban boti nɛreba nyɛta ba la zuo, ba pu'uhi la pu'uhi wogero. Ba wan ta to'e sageŋɔ kãtɛ en gani za'a.”

Azã 7:18

Sɛba n tɔgeri ba mɛhi puti'ira puan la eere la ba mɛhi na'ahegɔ, gee se'em n eere se'em daana n tum en na la na'ahegɔ, dela yelemɛŋerɛ daana, ti sɛla en de ŋmɛlema ka bɔna a puan.

Tõoma 15:1

Ti nɛreba basɛba ta ze'ele Yudiya wa'am na pa'ala sakereba la yeti, “Han dagena fum ŋma mɛ wuu Moose pa'alegɔ la n yele se'em la, fum kan ta'am nyɛ faarɛ.”

Tõoma 15:5

Gee sakereba la basɛba n boi Farasiiduma wele la ihege ze'ele mɛ yeti, “La dela de sore ti ba ŋma ba, gee ti ba me bo' ba nuurɛ ti ba dɔla Moose ze'elego la.”

2 Korẽntɩ 10:12

Tumam ka sakɛ dikɛ tu mɛhi pa'ahɛ bii makɛ la sɛba n pɛgeri ba mɛhi la. Gee bamam han mageha ba mɛhi, tara ba mɛhi giila la taaba, ba ka pa'alɛ ti ba tari yɛm.

2 Korẽntɩ 11:13

Bama sɛba n ŋmɛ'ɛri ba nyu'urɔ bala la dela pumparenduma. Ba dela pa'ahegɔ tuntuneba, ba yeen iŋɛ la ba mɛhi ti bamam dela Kiresta tuntuneba.

Galatɩ 2:14

Gee mam en ta nyɛ ti ba itegɔ la ka dole faarɛ yelehum la yelemɛŋerɛ la, ti n yele Kaifase ba za'a nɛŋan yeti, “La fum en pun dɛna Yuu nɛra wa, han vɔna wuu se'em en dagi Yuu nɛra, gee ka vɔna wuu se'em en de Yuu nɛra, ŋwani ti fum wan ta'am pɛregɛ sɛba en dagi Yuuduma ti ba vɔna wuu Yuu nɛreba?”

Galatɩ 2:3

Gee Taitusi se'em en yuum pun bɔna la mam la, ba ka pɛregɛ en ti a ŋma, la en pun dɛna Giriki la.

Galatɩ 5:11

Gee n suurɔ, wa, ŋwani ti ba kelum nameha mam, mam han kelum muulɛ ni ŋmaa yɛla? La han de ni la bala, Kiresta kum pumpuuredɔɔ zuo la muulegɔ la kan tara ni daaŋɔ.

Galatɩ 6:13

Sɛba en pun ŋma la mɛhi ka dole ze'elego la, gee ba boti ya ŋma mɛ ti ba ta'am ŋmɛ' nyu'ɔ la ya ingɔŋɔ la.

Filipi 1:15

Sɛba muuli Kiresta mɛ, nintɛrega la nyuure zuo, gee sɛba me muulegɔ mɛ la putɛ'sunɛ.

Filipi 2:4

Da bahɛ ya ti ya se'em kɔ'ɔm biha a mɛŋa ma'a sum yele, gee ya biha basɛba sum yele me.

Filipi 3:18

Se'ere en sɔi la, ba zo'e zo'e vom dela dinduma la Kiresta pumpuuredɔɔ la. Mam ni pun yɛta ya ba yele, gee n nyaa yeti ya mɛ la nintam.

Kolɔsɩ 2:23

Ba tari la naanɛ en ani wuu yɛm duma la, ba ta' zɛkera la ba mɛhi en boti se'em, sigehe n mɛŋa, ta'na nameha ba ihe, gee ba ka tari nyuurɔ bo' nɛra, la han wa'am yaalegɔ yɛla puan na.