Galatɩ 6:1 - ZE'ELEGO PAALEGA

¹ N suurɔ wa, ya han ta baŋɛ ti be'em sebo en nyɔkɛ ya se'em, yamam sɛba en boi Fa'a Sia la paŋa puan la, malum sɛ en ze'ele, gee iŋɛ ya dɛ la sigehe n mɛŋa. Gee bihɛ ya mɛhi suŋa ti yamam me da ta lu pa'ahegɔ be'o puan.

Farefare Ninkaré

¹ M sɔbiisi, ya sãn yẽ nẽra tɩ a tõnnɩ tõon-be'ero, yãma sɛba tɩ Nawẽnnɛ Sɩa boe la ya lɛ la, pa'alɛ-ya ẽ la sũ-bʋgsʋm tarɩ ẽ leme so-sõŋɔ la zuo. La guuse fʋ mẽŋa, tɩ fʋ mẽ da po tõm a tõon-be'ero la.

Galatɩ 6:1 ပူးပေါင်းရင်းမြစ်များ

Amatie 11:29

Dikɛ ya mam yɔka la yɔgɛ ya mɛhi, gee zamehɛ mam zi'an, Se'ere en sɔi la, mam dela nɛre ma'ma', gee sigehe n mɛŋa n suure puan. Ya wan nyɛ vo'ohego bo' ya sɛɛhi.

Amatie 26:69

Sankana puan la, ti Pita zi' la yiŋa zinzakan la puan, ti pugebila n de da'aberɛ wa'am a zi'an na yele en yeti, “Fum me ni dɔla mɛ la Yezu Galiliiŋa la.”

Amatie 26:75

Bilam ti Pita tiɛ Yezu n yele ni yeti. “Gee ti nɔdɔɔ wan kaahɛ la, fum wan ta ki'ihɛ mam butã la.” Bilam ti a yehe ta kele nintam ma'aha.

Amatie 9:13

Gee kiŋɛ ya ta zamehɛ yele dina wa vuurɛ. ‘Mam nini tigɛ mɛ la nimbɔ'zɔrɛ dagi kaabegɔ.’ Mam ka wa'am na ti n yi' la tuuntɔɔ duma, gee be'em duma.”

Aromduma 14:1

To'ohe ya sɛba en ka kpe'em ba sakerɛ puan la, gee dagi ya ŋmɛ'ɛra nɔkɛ'ɛma la ba, yɛla zuo.

Aromduma 15:1

Tumam sɛba n kpe'em tu sakerɛ puan la dela tu ŋmibera la sɛba en tari tɔregɔ ba sakerɛ puan la, gee dagi tu kɔ'ɔm biha tu mɛhi nini tika ma'a.

Aromduma 8:6

Fum dikɛ fu puti'irɛ delum inganɛ wa la dela kum, gee fum dikɛ fum puti'irɛ delum Fa'a Sia la dela vom, la suma'ahum.

1 Korẽntɩ 10:12

Bala, fum se'em en ti'ihɛ fum ze' mɛ, bihɛ suŋa la fum da lu.

1 Korẽntɩ 14:37

Se'em en yeti a dela nɔtɔgeha bii a tari Sia pahi, dela a mina ti mam en guleheri sɛla bɔ'ɔra ya wa dela Daana la nuurɛ.

1 Korẽntɩ 2:15

Sɛba ti Sia la bɔna la ba la bɔkeri sɛla woo mɛ, ba ka boi nɛra nu'uhi ti a bihera ba.

1 Korẽntɩ 3:1

Bala la, n suurɔ, mam ka ta'am ni tɔgɛ bo' ya wuu sɛba ti Fa'a Sia la bɔna la ba, gee en tugum tɔgɛ bo' ya wuu sɛba ti Sia la ka bɔna ba puan la. Wuu ya dela kɔma Kiresta puan la.

1 Korẽntɩ 4:21

Beni ti ya wan bɔta? N wa'am ya zi'an na la kpa'aherɛ bii, nɔŋerɛ la sigehe mɛŋa?

1 Korẽntɩ 7:5

Da zagehere ya taaba, han dagena ti ya ku la nuurɛ la taaba saŋa ka yima puan, ti ya kaabɛ ya mɛhi bo' pu'uhegɔ. Gee bala han tole, ya lebe naaɛ taaba, ti Sagena la da makɛ ya bihɛ, yan ka ta' ya mɛhi tara la zuo.

2 Korẽntɩ 10:1

Mam mɛŋa Pɔɔl, mam beleni ya mɛ doohe la Kiresta ma'ma' la a uhega la puan, mam se'em n ni sigehe n mɛŋa n han ni zɛ'a ya nɛŋan, gee kpe'em bo' ya n han ni zaaɛ la ya.

2 Korẽntɩ 2:7

Bala nananawa, tugum di ya sugeri bo' en, gee bugelɛ a suure, ti a susageŋɔ la da ba' gaŋɛ en.

2 Korẽntɩ 2:8

Bala, n kɔ'ɔm bɛlena ya mɛ ti ya malum pa'alɛ en ya nɔŋerɛ.

Galatɩ 5:23

zulaam, la nyɔkɛ n mɛŋa. Ze'elego ka boi gana yele ana.

Galatɩ 6:18

Tu Daana Yezu Kiresta zu'uhegɔ bɔna la ya, ya sia puan, n suurɔ wa. Taari.

1 Tesaloniki 4:1

Ba'ahegɔ puan, n suurɔ, tu yeti ya mɛ gee ka'ana ya Daana Yezu puan ti, wuu yan zamehɛ tu zi'an, yan wan vɔna se'em tigɛ Yinɛ nini la, (wuu yelemɛŋerɛ, yan pun ita se'em wa la), malum iŋɛ ya bala paaɛ paaɛ.

2 Tesaloniki 3:15

gee la bala za'a, da bihɛ ya ba wuu ba dela ya dinduma, gee ka'ani ya ba la ninmu'urɛ wuu ya suurɔ la.

2 Timoti 2:25

A pa'ali sɛba en ka sakeri bɔ'ɔra en la, la sigehe mɛŋa. Ani en mi,Yinɛ ta'am bahɛ ti ba tee gee baŋɛ yelemɛŋerɛ la,

Hiburuduma 12:13

maalɛ fum sore la suŋa bo' fum nama, ti sɛla en de wobete da sugehe, gee a tugum naaɛ taaba.

Hiburuduma 13:3

Tɛri ya sɛba en boi paka deen la yele, wuu ya lagum bɔna la paka deen la ba la, sɛba ti ba mɛleha ba la, wuu yamam mɛhi ti ba mɛleha la.

Yemesi 3:13

Ani en tari yɛm, tara bɔkerɛ ya puan? Pa'alɛ bɔ doohe fum vom sumɔ la puan, ti fum tuni fum tuuma la ma'a ma'a la yɛm.

Yemesi 3:2

Se'ere en sɔi la, tu za'a tuure mɛ. Se'em en ka tuure a tugum puan dela tuuntɔɔ, tana a a iŋa za'a tara la gareŋenɛ.

1 Pita 3:15

gee ya suya puan, tugum malum gurɛ ya Kiresta ti a dɛna daana. Saŋa woo, maahum ya ti ya tɔgɛ po'e ya mɛhi, se'em en soke ya ti ya pa'alɛ en ya beere puti'irɛ wa, lerege ya en bããlam la Yinɛ zoolum.

1 Zã 5:16

Fum han nyɛ ti fum suuɔ tuue tuue se'ere en dagi a ki, fum suhɛ Yinɛ bo' en, ti a bo' a daana vom, sɛba tuure en dagi ba ki la. Tuure boi mɛ dɛna fum ki. Mam ka yeti ya suhɛ tuure dinɛ.