Galatɩ 5:24 - ZE'ELEGO PAALEGA

²⁴ Sɛba n de Kiresta Yezu deni la, kpa' ba inganɛ la mɛ, la de kunkoma'ahum la de kɔrɛ la.

Farefare Ninkaré

²⁴ Nẽr-sɛba n de Azezi-krisi nẽrba la ka ba mẽŋa n boorɩ se'em n de be'em, la ba yɛmleego la mɛ dɔ-puurŋa zuo, tɩ ba ka le sɔna ba.

Galatɩ 5:24 ပူးပေါင်းရင်းမြစ်များ

Aromduma 13:14

Gee tugum dikɛ ya Daana Yezu Kiresta yɛ wuu fuo la gee da bo' ya inganɛ wa sore ti de dikɛ tu doohe tu kunkoma'ahum la yɛla la.

Aromduma 6:6

Tu mi' ti ba daa kpa' tu naanɛ kɛka la mɛ la Kiresta, ti tu be'em naanɛ la sagum, ti tu da le dɛna da'aba bo' be'em.

Aromduma 8:13

Ya han vɔna inganɛ la en boti se'em la, ya wan ki. Gee ya han vɔna Fa'a Sia la puan, ku inganɛ tuuma la, ya wan vɔna.

Aromduma 8:9

Gee yamam wa la ka boi inganɛ puan. Ya boi la Fa'a Sia la puan, Yinɛ Sia la han sirum bɔna la ya. Gee se'em woo en ka tari Kiresta Sia la a puan, dagi Kiresta dinɛ.

1 Korẽntɩ 15:23

Gee nɛreba la woo tari la ba sore ba sore ti ba wan vo'e. Kiresta n de walediinɛ la, a lɛbega na, sɛba n de a dinɛ la wan vo'e.

1 Korẽntɩ 3:23

ti yamam me dɛna Kiresta dinɛ, ti Kiresta me dɛna Yinɛ dinɛ.

1 Korẽntɩ 6:13

“Dia dela puurɛ dinɛ, ti puurɛ me dɛna dia dinɛ,” gee Yinɛ wan sagum ba za'a. Inganɛ la ka boi la yaluntuuma zuo, gee de boi bo' la Daana la, ti Daana la me bɔna bo' inganɛ la.

2 Korẽntɩ 10:7

Biheri ya la sɛla n ze' ya nɛŋa wa, yamam han nam ti ya dela la Kiresta dinɛ, yi tiiheri ya ya mɛhi yeledina wa, ti wuu yan n de Kiresta deni la, tumam me dela bala mɛa.

Galatɩ 2:20

La le dagena mam mɛŋa en vɔi, gee la dela Kiresta en vɔi mam puan. Ti vom sebo ti n vɔna inganɛ puan nananawa, n vɔi mɛ la sakerɛ Yinɛ Dayua la, se'em en nɔŋɛ mam gee dikɛ a mɛŋa kaabɛ bo' mam la puan.

Galatɩ 3:26

Se'ere en sɔi la, Yezu Kiresta puan, ya za'a dela Yinɛ kɔma doohe sakerɛ puan.

Galatɩ 3:28

Dinɛ zuo, Yuuduma buuri bii Giriki buuri ka le bɔna, da'aberɛ bii fai daana ka le bɔna, buraa bii pɔka ka le bɔna. Se'ere en sɔi la, ya za'a dela buyina Kiresta Yezu puan.

Galatɩ 3:29

Ti fum se'em n de Kiresta dinɛ, fum yi dela Aberaham yaaŋa, dɛna asooe sɔna daana wuu nɔbiŋere la en de se'em la.

Galatɩ 5:20

baga kaabegɔ, sɔ̃nini, diŋo, zaberɛ, nyuure, sunsunyiim, nɔkpe'ene, yelehego, Pa'alebe'ero,

Galatɩ 6:14

Mam da makɛ ŋmɛ' n nyu'ɔ yele se'ere puan, han dagena tu Daana Yezu Kiresta pumpuuredɔɔ la zuo ma'a, yele se'ere zuo ti ba kpa' timpaberɛ wa labelɛ mam, gee kpa' mam labelɛ timpaberɛ wa la.

Efɛɛzɩ 3:1

Ŋwana wa zuo ti mam Pɔɔl bɔna paka deen bo' Kiresta Yezu, yamam sɛba n dagi Yuuduma wa zuo.

Efɛɛzɩ 3:11

Ŋwana wa iŋɛ doohe la a putɛ'se'ere n ka tari ba'ahegɔ, ti a tum dɛ tu Daana Kiresta Yezu puan la,

Efɛɛzɩ 3:6

De vuurɛ dela, sɛba n dagi Yuuduma wa nyaa lagum dɛna la sɛba en tari tɔtɛ, lagum dɛna iŋa kayima la nɛresɛba n wan lagum to'e nɔbiŋere lɔkɔ la Kiresta Yezu puan, faarɛ yelehum la zuo.

Kolɔsɩ 2:11

Eŋa puan ti ba ŋma yamam me sia puan ŋmaa, yan wan ŋmaaɛ ni ya ingɔŋɔ la zi'an bahɛ ni la, ya ŋmaa dɛ la Kiresta ŋmaa la puan.

1 Pita 2:11

N sunɔŋerɛ duma mam ka'ani ya mɛ la ninmu'urɛ, wuu yan de saama, la nɔgereba la, ti ya yehe ya mɛhi ingɔŋɔ wa kɔrehi sɛ'a en zaberɛ la ya sia la puan.