Galatɩ 5:21 - ZE'ELEGO PAALEGA

²¹ nintɛrega, buka, punya'anɛ, la yelesɛ'a n ani ŋwana. N yeti ya mɛ la ninmu'urɛ wuu mam pun yele ni ya la ninmu'urɛ yia se'em la, ti sɛba en iti yele ana taaba kan lagum kɛ̃ Yinɛ sɔ'ɔlum la.

Farefare Ninkaré

²¹ La nõŋɛ bõnɔ, la dãam buka, la pʋyã'an-yooro, la bõnɔ basɛba n wõn na bõn-bãma. Mam dẽŋɛ kã'ana ya mɛ, wʋ mam n daan põn yele ya se'em na, tɩ nẽr-sɛka woo n ɩtɩ bõn-bãma kãn yẽ zẽ'am Nawẽnnɛ so'olʋm pʋam.

Galatɩ 5:21 ပူးပေါင်းရင်းမြစ်များ

Amatie 25:34

Ti naba la nyaa wan yele sɛba n boi a zuɔ nu'o bɔba la yeti, ‘Wa'am ya na, yamam sɛba ti mam Sɔ iŋɛ sum bo' ya wa, la ya sooe sɔ'ɔlum la ti ba maahum biŋe ya tiŋa wa pi'ileŋo puan ha sɔna.

Aluki 21:34

“Gurɛ ya ya mɛhi suŋa, han dagena bala ya suya wan tibegɛ la nyɛlumkãra la buka la vom wa puti'ira ti daandina wa la ta wa'am na di'e ya wuu bɛregɔ.

Aromduma 13:13

Bahɛ ya ti tu vɔni ya na'ahegɔ vom, wuu tumam n de niihum kɔma la, gee dagi tu dɛna sɛba en dole dita dikãreyooro la de'em yooro, bugera, tuna dɛgerɔ tuuma, la yetɔgeyooro, dagi zaba la nintɛrega yɛla.

Aromduma 8:13

Ya han vɔna inganɛ la en boti se'em la, ya wan ki. Gee ya han vɔna Fa'a Sia la puan, ku inganɛ tuuma la, ya wan vɔna.

1 Korẽntɩ 15:50

Sɛla ti mam yɛta wa n suurɔ, dela dina wa: Ingɔŋɔ la ziim kan ta'am to'e Yinɛ sɔ'ɔlum. Bii sɛla en pu'uri to'e sɛla en ka pu'uri.

1 Korẽntɩ 5:11

Gee nananawa, mam en gulehɛ yɛta ya se'em dela, ya da dikɛ ya mɛhi naaɛ la se'em en yi'iri a mɛŋa ya suuɔ, gee yaala, nyigera, bii kaabera baga, bii nɛreba tua, dabugere, bii fãara. Da pun naaɛ la ena daana di.

Efɛɛzɩ 5:18

Da lɛɛra ya mɛhi la daam bugera,bala dela yaalegɔ. Gee tugum pirɛ ya mɛhi la Fa'a Sia la,

Kolɔsɩ 3:6

Yele ana wa zuo ti Yinɛ sunsunyiim yɛ'a sɛba en ka nane la zuo na la.

1 Tesaloniki 5:7

Se'ere en sɔi la, sɛba n gihere, gihere la yu'uŋɔ, ti sɛba n bugeri, bugera yu'uŋɔ.

2 Tesaloniki 2:5

Yamam ka tɛri ti mam pun yele ya yele ana wa, mam daa kelum bɔna la ya la?

Hiburuduma 13:4

Bahɛ ya ti pɔgedire la sire-ele tara na'ahegɔ ya za'a zi'an, ti pɔgedire la sire-ele suŋɔ la da galum, se'ere en sɔi la, Yinɛ wan gakɛ yaluntuuma duma, la kabohi duma mɛ.

1 Pita 4:3

Ya pun diŋɛ dikɛ la saŋa zo'e zo'e tuna sɛla ti sɛba en dagi Yuuduma ita la. Zufagehum, kunkɔma'ahum, buka, dikãra, yaalegɔ, la baga kaabegɔ.

Lilegere 21:27

Gee sɛla en de galeŋɔ lɔkɔ kan kɛ̃ ka puan, bii se'em en iti be'em bii pumpɔreŋɔ tuuma. Gee sɛba ma'a yu'ura en gulehɛ bɔna Pebila la Vom gɔŋɔ la puan.

Lilegere 22:15

Yiŋa la ha, baahi, sɔ̃niniduma, yaluntuuma duma, nɛrekuureba, la bage kaabereba, la sɛba woo en nɔŋɛ gee tuna pumpɔreŋɔ tuuma en boi bilam.