Galatɩ 5:1 - ZE'ELEGO PAALEGA

¹ Han dɛna fai, Kiresta en faaɛ tu bahɛ fai. Ze' ya kankaŋi bala zuo la, gee da le dikɛ ya mɛhi bo' da'aberɛ yɔgehega la.

Farefare Ninkaré

¹ Krisi fãagɛ tɩ basɛ tɩ tɩ sɔna la tɩ mẽŋa. Bɛla, zɛ-ya kãŋkãŋɛ, da sakɛ-ya le kẽ'esɛ ya mẽŋa yamnɛ pʋam.

Galatɩ 5:1 ပူးပေါင်းရင်းမြစ်များ

Amatie 23:4

Ba ni bobe la zeero en tibegɛ ka tana ziira dikɛ pagelɛ nɛreba bɔgerɔ zuo, gee bamam mɛhi ka maahum ti ba pun tiɛ ba nu'dibila lagum te'ele la fii me.

Aluki 5:38

Gee daam n nan kele, dela bu su' daam laŋa paalega puan.

Tõoma 15:10

Bala zuo la, ŋwani ti ya makera Yinɛ bihera, doohe la yan le dikera yɔgehega yɔgera a zahereba wa, yɔgelehi, yɔgehega sɛka ti tumam yaabeduma bii tumam mɛhi kan ta'am zi wa?

Aromduma 6:14

Se'ere en sɔi la, be'em kan le sɔna ya, yan ka boi ze'elego la puan, gee bɔna zu'uhegɔ puan la.

Aromduma 6:18

la yan nyɛ faarɛ be'em puan la, ya nyaa dela tuuntɔɔ vom da'aberɛ.

Aromduma 7:3

Lan de se'em dela, ba wan yi' pɔka kabohi daana dela, ka han naaɛ la buraa kayima, gee ti ka sira la nan vɔna. Gee ka sira la han ki, ba yeheri en ze'elego kuŋɔ puan mɛ, ti ka han ele buraa kayima, la dagi kabohi ti ka tum.

Aromduma 7:6

Gee nananawa, ba yehe tumam ze'elego la puan mɛ. Tumam ka le vɔna sɛla en yuum tari tumam ti tu dɛna yamehi la puan, ti tu da dɛna yamehi bo' diimen diimen gulehegɔ la, gee vom paalum la en de Sia puan vom la.

Aromduma 8:15

Ŋwana zuo la Ya ka to'e la Sia sɛka en bahɛ ti ya dɛna da'aba, le lu dabeem puan, gee ya to'e la Sia sɛka en bahɛ ti ya dɛna sɛba ti ba to'e ya bihera. Bala n bahɛ ti tu ni kaahɛ yeti “Aba” “Tu Sɔ suŋɔ.”

Aromduma 8:2

Beni zuo, ze'elego seko en boi Fa'a Sia la en de vom Kiresta Yezu puan la, faaɛ ya bahɛ la fai, ze'elego seko en tari be'em la kum la nu'uhen.

1 Korẽntɩ 15:58

Bala, n sunɔŋerɛ duma wa, ze' ya kankaŋi, da bikeri ya, kɔ'ɔm boni ya Daana la tuuma puan saŋa woo malum pa'ahera, se'ere en sɔi la, ya mi' ti Daana la puan ya tuunkãra la kan bahɛ yoo.

1 Korẽntɩ 16:13

Biheri ya suŋa, ze' ya kankaŋi ya sakerɛ la puan, kpemehe ya ya mɛhi, gee kpe'em.

1 Korẽntɩ 7:22

Se'ere en sɔi la, se'em ti ba yi' en ti a dɛna da'aberɛ Daana la puan, dela se'em en boi fai, dɛna Daana la dinɛ, wuu se'em en daa boi fai gee ti Yinɛ yi' fum ti fum dɛna da'aberɛ se'em bo' Kiresta la.

2 Korẽntɩ 11:20

Ya ŋmiberi mɛ la se'em woo en dikɛ ya lɛbegera a da'aberɛ, bii se'em n yeti a obe ya, bii a bihɛ ya yoo, bii zɛkera a mɛŋa, bii lɔbera ya pɛgehi.

2 Korẽntɩ 3:17

Lan de se'em dela, Daana la n de Fa'a Sia la, ti zi'an ti Daana la Sia bɔna, fai n boi bini.

Galatɩ 2:4

Gee doohe la pumpɔreŋɔ sakereba ti nɛreba li'ihɛ tari ba na la, sɛba en iŋɛ bããlam kɛ̃ ti ba bihɛ fai sɛka ti tumam tara Kiresta Yezu puan, la ba ta'am bahɛ ti tu lebege yamehi la,

Galatɩ 3:25

Gee nananawa ti sakerɛ wa'am na la, tu ka le bɔna se'em en ni guri tu la nu'uhen,

Galatɩ 4:26

Gee pɔka kayima la me ze'ele bo' la Yerusalɛm sɛka en boi saazuo ha la. A dagi da'aberɛ gee me dɛna tu ma.

Galatɩ 4:31

Bala, n suurɔ, tumam dela kɔma, dagena pɔgesɛka n de da'aberɛ la kɔma, gee tu dela pɔgesɛka en dagi da'aberɛ la kɔma.

Galatɩ 4:9

Gee Nananawa, ti ya nyaa wa'am na baŋɛ Yinɛ la, bii n yeti, Yinɛ n baŋɛ ya la, ŋwani ti yamam wan le ŋmɛregɛ dɔla tɔregɔ la, nɔŋɔ sɛɛhi se'ehi en sɔi timpaberɛ wa zuo wa? Ŋwani ti ya le bɔta ti ya dɛna da'aba bo' ba le yɛ'ɛha?

Galatɩ 5:13

Ba yi' ya wa'am la fai puan na, n suurɔ, gee da dikɛ ya fai kana wa galena ya mɛhi. Gee tugum doohe ya nɔŋerɛ puan, tuna bɔ'ɔra taaba suŋa suŋa.

Efɛɛzɩ 6:14

Bala zuo, sɛ ya ze'ele kankaŋɛ. Gee bahɛ ti yelemɛŋerɛ ana wuu sɛganɛ la lu' ya sɛɛhi la, gee me bahɛ ti tuntɔɔnɛ dɛna ya nyu'ɔ tɛ'ɛlega.

Filipi 1:27

Yamam yeen vɔna ya vom, sadɔɔ seko en naaɛ la Kiresta faarɛ yelehum la, ti n han nyaŋɛ wa'am na bihɛ ya, bii n han pun ka bɔna la ya gee wum ya yele, n wan mina ti ya ze' la kankaŋɛ, Sia kayima puan, naaɛ taaba la putɛ'yinɛ, zigera la taaba ti ya tara sakerɛ faarɛ yelehum la puan.

1 Tesaloniki 3:8

Se'ere en sɔi la, tumam wan vɔna, ya han kelum sɛ zɛ'a kankaŋi Daana la puan.

2 Tesaloniki 2:15

Bala zuo, n suurɔ, sɛ ya ze'ele kankaŋi, gee gurɛ ya pa'ali seko ti tu pa'alɛ ya la. La dɛna tu nuurɛ pa'alegɔ, bii tu gulehɛ la gɔŋɔ bo' ya na.

Hiburuduma 10:23

Bahɛ ya ti tu gurɛ suŋa suŋa tu beere puti'irɛ sakerɛ yelehum la gee da miina, se'ere en sɔi la se'em daana en biŋe nuurɛ la dela yelemɛŋerɛ daana.

Hiburuduma 3:14

Se'ere en sɔi la, tumam nyaa dela taaba la Kiresta, tu han gurɛ tu yia sakerɛ la kankaŋi ta paaɛ ba'ahegɔ.

Hiburuduma 3:6

Gee Kiresta en de se'em la, yuum tari la sakerɛ la Yinɛ lageŋɔ la, dɛna dayua, ti tumam dɛna yire la, tu han gurɛ tu inkpeŋere wa la tu nyu'ɔ ŋma'a sɛka en de tu beere puti'irɛ zuo wa kankaŋi.

Hiburuduma 4:14

Lan de ti tu tari la malema kiima kãtɛ en kɛ̃ tinsuŋan la, dɛna Yezu, Yinɛ dayua la, bahɛ ya ti tu gurɛ tu sakerɛ yelehum la kankaŋi.

1 Pita 2:16

Yamam en de Yinɛ yamehi la, vɔni ya fai, gee la bala za'a, da dikɛ ya fai bɔŋa la tuna be'em.

2 Pita 2:19

Ba biŋere ba nɔya, ti fai wan bɔna, gee ba mɛhi dela ŋmɛlema tuuma da'aba. Se'ere en sɔi la, nɛreba dela da'aba bo' sɛla woo en ta' ba.

Azudi 1:3

N sunɔŋerɛ duma wa, wuu mam en ma'ɛ n mɛŋa maahena ti n gulehɛ faarɛ se'ere ti tu tara wa yele bo' ya na la, mam bihɛ ti la nari mɛ ti n gulehɛ yele ya ti, nɛra woo zabɛ a sakerɛ se'ere ti Yinɛ dikɛ bo' tu buyina la zuo.

Lilegere 2:25

yeen gurɛ ya yan tari sɛla la kankaŋi, gura ti n ta lebe na.

Lilegere 3:3

Bala, tɛri ya yan to'e sɛla, la yan wum sɛla la, la ya tara di kankaŋi, gee tee. Ya han ka ihege, n wan wa'am na wuu nageyiga la, ti ya me kan mina sansɛka ti n yɛ'a ya zi'an na.