Galatɩ 3:29 - ZE'ELEGO PAALEGA

²⁹ Ti fum se'em n de Kiresta dinɛ, fum yi dela Aberaham yaaŋa, dɛna asooe sɔna daana wuu nɔbiŋere la en de se'em la.

Farefare Ninkaré

²⁹ Yãma n lagɩm na Krisi la, ya de la Abraham yɩɩsɩ, wʋn to'oge sɛla tɩ Nawẽnnɛ bĩŋe nõorɛ tɩ a bɔ la.

Galatɩ 3:29 ပူးပေါင်းရင်းမြစ်များ

Amatie 3:9

Da kɔ'ɔm kɔ'ɛ ya puti'ira yɛta ya mɛhi yeti, ‘Aberaham en de tumam sɔyaaba la zuo.’ N yeti ya mɛ wa, ti Yinɛ wan ta'am bahɛ ti kuga wa asɛ'a lebege Aberaham kɔma.

Aromduma 8:17

ti tu han dɛna Yinɛ kɔma, tu dela sɛba en wan sooe sɔna, tu dela Yinɛ kɔma wan sooe Yinɛ lɔgerɔ sɔna. Tu naaɛ mɛ la Kiresta sooe sɔna Yinɛ lɔgerɔ, tu han sirum namehɛ la en, tu me wan ta lagum nyɛ suŋa la en.

1 Korẽntɩ 15:23

Gee nɛreba la woo tari la ba sore ba sore ti ba wan vo'e. Kiresta n de walediinɛ la, a lɛbega na, sɛba n de a dinɛ la wan vo'e.

2 Korẽntɩ 10:7

Biheri ya la sɛla n ze' ya nɛŋa wa, yamam han nam ti ya dela la Kiresta dinɛ, yi tiiheri ya ya mɛhi yeledina wa, ti wuu yan n de Kiresta deni la, tumam me dela bala mɛa.

Galatɩ 3:16

Nananawa, Yinɛ yuum biŋe nɔya la bo' la Aberaham la a yaaŋa. La ka yeti, “La a Yaahi” wuu ba zo'e mɛ. Gee la yeti, “La fum yaaŋa,” de vuurɛ dela, nɛra ayima, se'em en de Kiresta la.

Galatɩ 3:18

Se'ere en sɔi la, Yinɛ bo'olum la han ze'eti ni la ze'elego la puan na, la yi' ka le ze'ele nɔbiŋere la puan. Gee Yinɛ dikɛ bu bo' la Aberaham doohe nɔbiŋere la puan.

Galatɩ 3:28

Dinɛ zuo, Yuuduma buuri bii Giriki buuri ka le bɔna, da'aberɛ bii fai daana ka le bɔna, buraa bii pɔka ka le bɔna. Se'ere en sɔi la, ya za'a dela buyina Kiresta Yezu puan.

Galatɩ 3:7

bala ya nyɛ ya, sɛba en nam la en de Aberaham yaahi.

Galatɩ 4:1

Mam n yeti se'ere n ŋwana, asooe sɔna duma la han nan dɛna kɔma, ba ka nyanɛ yamehi, la bamam pun sɔna lɔgerɔ la za'a la.

Galatɩ 4:7

Bala, fum le dagena da'aberɛ, gee Yinɛ mɛŋa bia. Ti fum han dɛna la a bia, fum dela la asooe sɔna daana Yinɛ puan.

Galatɩ 5:24

Sɛba n de Kiresta Yezu deni la, kpa' ba inganɛ la mɛ, la de kunkoma'ahum la de kɔrɛ la.

Galatɩ 6:16

Gee sɛba en wan dɔla pa'ali kuna wa la, suma'ahum, la a nimbɔ'zɔrɛ bɔna la ba, gee bɔna la Yinɛ Izirale paalega la.

Efɛɛzɩ 3:6

De vuurɛ dela, sɛba n dagi Yuuduma wa nyaa lagum dɛna la sɛba en tari tɔtɛ, lagum dɛna iŋa kayima la nɛresɛba n wan lagum to'e nɔbiŋere lɔkɔ la Kiresta Yezu puan, faarɛ yelehum la zuo.

Taitusi 3:7

ti, en bo' tu buurɔ a zu'uhegɔ la zuo la, tu beere wan sɔna vom kan ba'ahɛ la ti tu tara bu puti'irɛ la.

Hiburuduma 1:14

Suŋereba la za'a dagi la sabeeo Sia tuuma la puan, ti Yinɛ tuna ba ti ba tuna bɔ'ɔra sɛba en wan ta sooe vaaɛ faarɛ la?

Hiburuduma 11:18

A dayɔsɛka ti Yinɛ yele en yeti, “Aziki puan ti fum wan nyɛ yaahi ti ba dikɛ sigɛ hɔ la.”

Hiburuduma 11:7

Sakerɛ zuo ti Nowa, Yinɛ kagɛ en doohe yele sɛ'a en wan wa'am na, ti Nowa nam yetɔgum la ninmu'urɛ, gee kpa' daka kãtɛ la ti a faaɛ a yire. Yele dina ti Nowa yuum dikɛ gakɛ timpaberɛ wa, gee nyaa sooe vaaɛ tuntɔɔnɛ en dole sakerɛ puan la.

Hiburuduma 6:17

Bala mɛa ti Yinɛ en daa ta bɔta ti a pa'alɛ ti la niiɛ bo' sɛba en wan ta sooe sɔna a nɔbiŋere la en de a naanɛ se'ere en ka malum tɛɛra la, a pɔ la pɔtɛ ti de dɛna daalehum,

Yemesi 2:5

Kelehe ya, n sunɔŋerɛ duma. Yinɛ ka looe la naheduma timpaberɛ wa zuo ti ba dɛna buntateba sakerɛ puan, la ba ta sɔna sɔ'ɔlum la ti Yinɛ biŋe nuurɛ bo' sɛba en nɔŋɛ en la?

Lilegere 21:7

Se'em en nyaŋɛ la, en wan to'e lɔge tuna, ti n dɛna a Yinɛ, ti a dɛna n bia.