Galatɩ 3:10 - ZE'ELEGO PAALEGA

¹⁰ Gee sɛba woo en dikɛ ba mɛhi delum ze'elego tuuma la, nɔpɔtɛ en dole ba. Se'ere en sɔi la, la gulehɛ biŋe yeti, “Nɔpɔtɛ en dole se'em woo en ka dole gee ka nana sɛla woo n gulehɛ biŋe ze'elego gɔŋɔ la puan la.”

Farefare Ninkaré

¹⁰ Nẽr-sɛba n te'ege lɔɔ la, kã'a-be'ero boe ba zuto, se'ere n soe la, la gʋlsɛ yetɩ: «Kã'a-be'ego boe nẽr-sɛka woo n ka ɩtɩ wʋ lan gʋlsɛ se'em wuu Nawẽnnɛ lɔɔ gõŋɔ pʋam na zuugo.»

Galatɩ 3:10 ပူးပေါင်းရင်းမြစ်များ

Amatie 25:41

Gee nyaa wan yele sɛba n boi a gɔbega nu'o bɔba la yeti, ‘Yamam sɛba ti n nɔpɔrɛ bɔna ya zuo wa, fɔregɛ ya mam zi'an ta kɛ̃ bugum sebo n dita ka kiŋera, ti ba maahum biŋe Sagena la, la a suŋereba la.

Aromduma 4:15

Se'ere en sɔi la, ze'elego la tari la Yinɛ sunsunyiim kina na. Gee zi'an ti ze'elego ka bɔna, galeŋɔ me pun ka bɔna.

Aromduma 6:23

Se'ere en sɔi la, be'em yɔɔrɛ dela kum, gee Yinɛ zaŋa bo'olum la ti a bo' la, dela vom kan ba'ahɛ, Kiresta Yezu tu Daana la puan.

Aromduma 8:7

Ŋwana zuo, puti'irɛ se'ere woo en dele inganɛ wa, zaberɛ mɛ la Yinɛ. De ka sigehe de mɛŋa la Yinɛ ze'elego la. Yelemɛŋerɛ, de pun kan nyaŋɛ sigehe de mɛŋa la Yinɛ .

2 Korẽntɩ 3:7

Nananawa, kum tuuma yɛla la ba daa kɔrum a iŋɛ labelɛ kugelama puan la, han daa wa'am na na la niihum en kpigeri Iziraleduma la nini ti ba ka tana bihera Moose nɛŋa, kan daa ba' nyagera la zuo, dɛna niihum sebo en nyaa gbe'e biŋe pooren wa, nyaa bihɛ!

Galatɩ 2:16

Gee la bala za'a, tu mi' ti nɛra de ma'a la Yinɛ dagi la en tuni ze'elego la, gee en tari sakerɛ Yezu Kiresta puan. Ti tumam wa'am na nam Yezu Kiresta, ti tu dɛna ma'a la Yinɛ tu sakerɛ Kiresta puan, gee dagi tumam en tuni ze'elego tuuma se'em. Beni zuo, nɛra ka boi n wan ta'am dɛna ma'a la Yinɛ eŋa en tuni ze'elego tuuma la.