Galatɩ 1:4 - ZE'ELEGO PAALEGA

⁴ eŋa se'em en dikɛ a mɛŋa bo' tumam be'em zuo, ti a faaɛ tɔ be'em buuri sankana wa puan bahɛ, doohe tu Yinɛ n de tu Sɔ la sumboolum en de se'em la,

Farefare Ninkaré

⁴ Azezi-krisi n dɩkɛ a mẽŋa bɔ tɩ ba kʋ ẽ tõma tõon-be'ero ĩyã, tɩ a fãagɛ tɔ dũnia wã be'em pʋam basɛ, wʋ tɩ Sɔ Nawẽnnɛ n boorɩ se'em na.

Galatɩ 1:4 ပူးပေါင်းရင်းမြစ်များ

Amatie 13:22

Han dɛna sɛba en zɔgɛ gu'uhi puan la, eŋa dela se'em en wum yelefum la, gee ti tiŋa wa zuo yɛla nyɛlum la tarega pa'ahɛ la ni gu' yelefum la ti bu ka ta'am wam sɛla.

Amatie 20:28

Wuu Asaala Dayua la n ka wa'am na ti ba tuna bɔ'ɔra en, gee a tugum tuna bɔ'ɔra, pun ta dikɛ a vom yɔ to'e nɛreba zo'e zo'e se'em la.”

Amatie 26:28

Mam nɔpu'ulegɔ ziim n bala, wan ka'ɛ bo' nɛreba zo'e zo'e yelebe'ero sugeri dia.

Amatie 26:42

Ti a le lebe buyi' puan ta pu'uhɛ yeti, “N Sɔ, wanɛ wa han kan ta'am tole gee bahɛ mam gee dɛna la n nyu de puan, fum sumboolum tum.”

Amatie 6:9

“Bala zuo, ni pu'uheri ya ŋwana: Tu Sɔ en boi saazuo ha, Fum yu'urɛ dɛna tuulum gana sɛla woo.

Amarkɩ 10:45

Gee Asaala Dayua ka wa'am na ti ba tuna bɔ'ɔra en mɛ, gee a tugum tuna bɔ'ɔra nɛreba, pun ta dikɛ a vom kaabɛ faaɛ nɛreba zo'e zo'e bahɛ.”

Aluki 22:19

Gee dikɛ boroboro, en bo' fara ba'ahɛ la, a fike boroboro la mɛ bo' ba gee yeti, “Mam iŋa en ŋwana dikera bɔ'ɔra ya wa. Iti ya ŋwana tɛra n yele.”

Aluki 22:42

“N Sɔ, fum han bɔta, da bahɛ ti n nyu namehegɔ wanɛ dina wa puan. Gee dagi mam suboolum, gee fum suboolum en de se'ere la tum.” [

Azã 10:11

“Mam dela dunkiinsuŋa la. Dunkiinsuŋɔ la dikeri la a vom biŋera bɔ'ɔra a piihi.

Azã 12:31

Tiŋa la gakerɛ paaɛ ya, se'em n sɔi timpaberɛ wa bihera la dika saŋa paaɛ ya.

Azã 5:30

“Mam ka tuni tuunɛ n ma'a. Mam n wum se'em la, mam gakeri dɔla la bala mɛa. Bala zuo, mam gakerɛ la dela tuuntɔɔ se'ere n sɔi la, mam ka tuni n mɛŋa sumboolum, gee se'em n tum mam la sumboolum.

Azã 6:38

Se'ere n en sɔi la, mam ze'ele saazuo sige na dagi la n tuna n mɛŋa sumboolum, gee se'em daana n tum mam na la sumboolum.

Aromduma 1:7

Mam Pɔɔl n gulehɛ bɔ'ɔra la yamam sɛba woo ti Yinɛ nɔŋɛ ya, ti ya bɔna Arome tiŋa puan, ti Yinɛ yi' ya ti ya dɛna nɛresunduma la. Zu'uhegɔ dɛna ya dinɛ, ti suma'ahum en ze'eti Yinɛ en de tu Sɔ, la Daana Yezu Kiresta zi'an la dɛna ya dinɛ.

Aromduma 12:2

Da dikɛ ya mɛhi naaɛ la tiŋa wa zuo yɛla, gee tugum malum sɛ ya mɛhi, ya puti'ira teere puan, la ya viihɛ baŋɛ sɛla en de Yinɛ sumboolum, la sɛla en ani suŋa, nara gee ba'ahɛ za'a.

Aromduma 4:25

Se'em ti Yinɛ dikɛ en tihɛ na ti a ki tumam tuure zuo, gee daa vo'e en tumam buurɔ zuo la.

Aromduma 8:27

Ti Yinɛ en biheri suure puan la, mi' sɛla en boi Fa'a Sia la puti'iren mɛ, se'ere en sɔi la, Fa'a Sia la sooe ŋmɛ'ɛra la nupu'ɔ bɔ'ɔra nɛresunduma la, dɔla Yinɛ sumboolum.

Aromduma 8:3

Se'ere en sɔi la, Yinɛ tum sɛla en daa kpe'em bo' ze'elego la ti ku ka nyaŋɛ tum, doohe la inganɛ wa en tari tɔregɔ la, a iŋɛ dina doohe la en tum a mɛŋa dayua ti ka tara inganɛ en ani wuu asaala be'em inganɛ wa, ti ka zabɛ be'em, sagum be'em paŋa, la inganɛ wa,

Aromduma 8:32

Yinɛ se'ere en daa ka bahɛ a mɛŋa dayua, gee dikɛ ka tihɛ tumam za'a zuo la, a kan doohe a dayua mɛa puan bo' tu sɛla woo ti tu bɔta me yoi?

1 Korẽntɩ 15:3

Se'ere en sɔi la, mam bo' ya la sɛla n de ninmu'urɛ yele yia ti mam to'e de. De dela, Kiresta ki bo' la tumam be'em, doohe gulehegɔ la,

2 Korẽntɩ 4:4

Ba yele la dela, tiŋa wa zuo yinɛ la n pi' sɛba n ka nam Yezu la puti'ira, ti a gu ba ti ba da nyɛta faarɛ yelehum niihum la n de Kiresta suŋa la. Kiresta se'em n de Yinɛ mɛŋa naanɛ la.

Galatɩ 2:20

La le dagena mam mɛŋa en vɔi, gee la dela Kiresta en vɔi mam puan. Ti vom sebo ti n vɔna inganɛ puan nananawa, n vɔi mɛ la sakerɛ Yinɛ Dayua la, se'em en nɔŋɛ mam gee dikɛ a mɛŋa kaabɛ bo' mam la puan.

Galatɩ 6:14

Mam da makɛ ŋmɛ' n nyu'ɔ yele se'ere puan, han dagena tu Daana Yezu Kiresta pumpuuredɔɔ la zuo ma'a, yele se'ere zuo ti ba kpa' timpaberɛ wa labelɛ mam, gee kpa' mam labelɛ timpaberɛ wa la.

Efɛɛzɩ 1:11

Kiresta puan, tu tari tɔtɛ mɛ, ban pun maahum tɔ bo' eŋa se'em daana en ba'aheri sɛla woo a mɛŋa kã'aŋɔ la a sumboolum puan la.

Efɛɛzɩ 2:2

ti ya yuum bɔna bu puan, dɔla timpaberɛ wa zuo yɛla la, dɔla se'em daana paŋa n boi kusebego wa puan la. Sɛsɛka n boi nananawa tuna la sɛba n ka nane Yinɛ nuurɛ la.

Efɛɛzɩ 5:16

Ya tuna tuunsuma saŋa woo puan, se'ere sɔi la, dabeha la dela dabeha tooro.

Efɛɛzɩ 5:2

gee vɔni ya la nɔŋerɛ wuu Kiresta n nɔŋɛ tɔ se'em, dikɛ a mɛŋa bo' tu se'em, lebege nyuuŋo suŋɔ kaabegɔ bo'olum ti ba kaabɛ bo' Yinɛ la.

Efɛɛzɩ 6:12

Se'ere en sɔi la, tu ka zaberɛ mɛ la dima en tari ziim la kuba, gee tu zaberɛ mɛ la bumbɛ'ɛhi en sɔi zi'ihi biha, tu zaberɛ mɛ la pahi, la kpe'eŋo en boi sabeeo puan, buuri sankana wa en boi lika puan wa. Tu zaberɛ mɛ la sia puan pambɛ'ɛhi en boi zi'ihi se'ehi saazuo ha.

Filipi 4:20

Pɛka dɛna tu Yinɛ, la tu Sɔ la dinɛ wuuha wuuha. Taari.

1 Tesaloniki 1:3

Tu tɛɛra tu Yinɛ en de tu Sɔ la nɛŋan ya sakerɛ tuuma, la ya nɔŋerɛ tuuma, la yan ze' se'em kankaŋi ya beere puti'irɛ la puan se'em tu Daana Yezu Kiresta puan la.

1 Tesaloniki 3:11

Nananawa, tu Yinɛ, la Sɔ la mɛŋa, la tu Daana Yezu pa'alɛ tu sore, ti tu wa'am ya zi'an na.

1 Tesaloniki 3:13

A wan kpemehe ya suya la Yinɛ tuulum vom puan, ti ya ka tara tuure tu Yinɛ, la tu Sɔ la nɛŋan, tu Daana Yezu, la a nɛresunduma la kinɛ puan na.

2 Tesaloniki 2:16

Nananawa, tu Daana Yezu Kiresta mɛŋa, la Yinɛ en de tu Sɔ se'em en nɔŋɛ tɔ gee doohe a zu'uhegɔ puan, bo' tu sumbugehum la beere putɛ'sunɛ en ka tari ba'ahegɔ la,

1 Timoti 2:6

se'em en dikɛ a mɛŋa kaabɛ to'ore kaabegɔ bo' nɛra woo, ti la dɛna aze'nyɛ saŋa ti a pun maahum.

Taitusi 2:14

Eŋa en kaabɛ a mɛŋa bo' tu, ti a yɔ to'e tu tuure woo puan, gee pee tu bo' a mɛŋa, ti tu dɛna a mɛŋa nɛreba, sɛba en mu'ɛ nini tuna tuunsunɛ.

Hiburuduma 2:5

Lan de se'em la dela,Yinɛ ka dikɛ tinsɛka en ye' na, ti tu tɔgera ka yele wa, iŋɛ suŋereba la nu'uhen.

Hiburuduma 6:5

Bama sɛba en tabelɛ nyɛ sum sebo en boi Yinɛ yelehum puan la, gee me mina Yinɛ paŋa n wan ta ana se'em saŋa en kini na,

Hiburuduma 9:14

Ŋwani ti Kiresta ziim la kan tum gaŋɛ bala zo'e zo'e se'em en doohe Sia sɛka en ka tari ba'ahegɔ la puan, kaabɛ a mɛŋa fa'a kaabegɔ bo' Yinɛ la. Ziim buna wan sirum pee tu puti'ira yehe kum tuuma puan, tari tu lebe ti tu na'aha Yinɛ Vɔa wa!

Yemesi 4:4

Bunyaalehi wa! Ya ka mi' ti ya nyɔgɛ zɔtɔ la timpaberɛ wa, dela ya dɛna dinduma la Yinɛ? Ŋwana zuo, fum se'em woo en boti fum dɛna timpaberɛ wa zuo zɔ, lebege la Yinɛ dima.

1 Pita 2:24

Eŋa mɛŋa en zi' tu be'em a iŋa puan pumpuuredɔɔ la zuo. Be'em la en ki tumam puan la, tu nyaa wan vɔna tuuntɔɔ vom. A pɔgeleŋɔ la puan, ti ya nyɛ tibegɔ.

1 Pita 3:18

Kiresta me wa namehɛ mɛ buyina, tumam za'a be'em zuo. Tuntɔɔ daana en namehɛ bo' sɛba en dagi tuuntɔɔ duma, ti a tari ya na bo' Yinɛ. Ba ku en mɛ ingɔŋɔ wa puan, gee ba vo'e en mɛ Sia puan,

1 Zã 2:2

Eŋa en de akaabɛ to'e kaabegɔ bo' tumam tuure la, dagi tumam ma'a tuure la, gee tiŋa wa zuo za'a tuure.

1 Zã 3:16

Tu mi' nɔŋerɛ la dina wa puan ti, a dikɛ la a vom biŋe bo' tumam, ti tumam me dɛna la tu dikɛ tu vom biŋe bo' tu taaba.

Lilegere 1:5

la Yezu Kiresta en de yelemɛŋerɛ aze'nyɛ daana la, dɛna ki'induma bikiima la, dɛna timpaberɛ wa zuo naduma naba la. Eŋa se'em en nɔŋɛ tɔ, gee faaɛ tɔ tu be'em puan bahɛ, la a mɛŋa ziim la,

Lilegere 5:9

Ti ba za'a yuum yuumpaalɛ yeti, “Fum nari mɛ ti fum to'e gɔŋɔ la la fum lorege daalehum se'ere en sɔi la, ba yuum kɔregɛ fum mɛ, ti fum dikɛ fum ziim yɔ to'e nɛre sunduma, buuri woo, tugum woo, nɛreba woo la tihi woo puan bo' Yinɛ.

Lilegere 7:9

Ŋwana en tole la, mam nyɛ la nɛrekuuŋɔ ti nɛra kan ta'am kãalɛ ba, en ze'ele tihi woo, buuri woo, nɛreba woo, la tugum woo puan na, zɛ'a na'am kuka kãtɛ la, la Pebila la nɛŋan, yɛ salema lɔge pɛɛla, zãla kunkɔɔreŋɔ vɔtɔ ba nu'uhen.