Galatɩ 1:21 - ZE'ELEGO PAALEGA

²¹ Pooren ti n kiŋɛ Siriya la Kilikiya sɔ'ɔlum puan,

Farefare Ninkaré

²¹ Bɛla poorʋm mam ze'ele Zerizalɛm sẽŋɛ la Siiri, la Silisi so'olʋm.

Galatɩ 1:21 ပူးပေါင်းရင်းမြစ်များ

Amatie 4:24

Ŋwana ti a yu'urɛ to'e Siriya tiŋa za'a, ti ba tara bã'duma woo, sɛba n tari teem yima yima, induma, kulekpa'bɛ'ɛhi en tari sɛba, sɛba en luti kilenki'ire, la kɔɔrenɔ wa'am a zi'an na, ti a tibɛ ba za'a.

Tõoma 13:1

Antiyoke sakereba lageŋɔ la puan, nɔtɔgeheba la pa'aleba n boi bini. Banabase, Simeyɔn se'em ti ba yi'ira Naiga la, dikɛ Lusiyuse n yehe Saarin, Manayin n de Naba Hɛrɔd kiima ayima la, nyaa dikɛ Sɔɔl.

Tõoma 15:23

ba gulehɛ gɔŋɔ wa yeti, “Tu suurɔ wa, Yezu tuntuneba la, la Kiinduma la n gulehɛ bɔ'ɔra yamam sakereba sɛba n dagi Yuda buuri ya tuuhum puan na, bɔna Antiyoke, Siriya la Kilikiya tihi puan la, tu pu'uheri ya na.

Tõoma 15:41

Ti Pɔɔl doohe Siriya la Kilikiya tihi puan za'a puan, sɛɛra Lageŋɔ duma la woo zɛ'ɛta.

Tõoma 18:18

Pɔɔl en kɛ̃ bilam yuue fii la, a keehe sakereba la za'a mɛ, gee zom uureŋɔ kiŋɛ Siriya tiŋa, ti Pirisila la Akuila doohe en. Ti a wa'am na paaɛ Sinkireya, bahɛ ti ba kɛ̃ a zuo bilam se'ere n sɔi la a biŋe la nuurɛ.

Tõoma 21:3

Ti tu ta nyɛta Sapuruse, ti tu bahɛ tiŋa la tu gɔbega bɔba gee kiŋɛ ta paaɛ Siriya kiŋɛ ta sige Taai, se'ere n sɔi la uureŋɔ la zɛ la lɔgerɔ bɔta ti ba yehe lɔgerɔ la bilam.

Tõoma 21:39

Ti Pɔɔl lerege en yeti, “Mam dela Yuda buuri, yehe Tasuse n boi Kilikiya sɔ'ɔlum puan la. Mam dela tiŋa n en tari yu'kãtɛ tiŋambia. N beleni fum mɛ bo' mam sore ti n tɔgɛ bo' nɛreba wa.”

Tõoma 22:3

“Mam dela Yuda buuri, ti ba dɔgɛ mam Tasuse tiŋa n boi Kilikiya sɔ'ɔlum puan la, gee mam zo'e la tinkana puan, ti mam zi'ire Gamaliyɛl nama tiŋa, ti a pa'alɛ mam gee, zamehi mam nima nima ti yaabeduma pa'alegɔ la, ti mam mu'ɛ la nini boi Yinɛ woo yamam za'a n ana se'em zina wa.

Tõoma 23:34

Zuo daana wa n kãalɛ gɔŋɔ la ba'ahɛ la, a soke Pɔɔl en yehe lugese'ere na, ti en baŋɛ ti Pɔɔl yehe la Kilikiya na la,

Tõoma 6:9

Ŋwana ti sɛba n boi zamehegɔ yire la puan ti ba yi'ira a boi fai pa'alegɔ yire la puan la (Ban daa nan yi'iri pa'alegɔ ze'kana la bala ma'a ha la), Sereniduma, Alɛgezanda duma, la sɛba n me yehe Kilikiya, la Esiya na la, daa vaaɛ ihege la nɔkpe'ene la Siteven

Tõoma 9:30

Ti sakereba la n ta baŋɛ la, ba tari en kiŋɛ la Kasariya, ta bahɛ ti a tole Tasuse.