Filipi 4:19 - ZE'ELEGO PAALEGA

¹⁹ Bala zuo, Mam Yinɛ wa wan tigeha ya sɛla woo ti ya bɔta, doohe la a tarega sum sebo n boi Yezu Kiresta puan la.

Farefare Ninkaré

¹⁹ Mam dãana Nawẽnnɛ n tarɩ bõn-sõma wuu tɩ la zo'oge gãŋɛ la, wʋn bɔ ya sɛla woo n wʋn sõŋɛ ya Azezi-krisi ĩyã.

Filipi 4:19 ပူးပေါင်းရင်းမြစ်များ

Amatie 6:32

Sɛba en ka dole Yinɛ la en mu'ɛ nini la yele ana. Gee yelemɛŋerɛ, yamam Sɔ la en boi saazuo ha la pun mina ti ya nari yele ana za'a.

Azã 20:17

Ti Yezu yele en yeti, “Da nan gi' mam, se'ere n sɔi la n nan ka zom sɔ la zi'an. Gee kiŋɛ ta yele n suurɔ la yeti, ‘N yeti n kiŋɛ la n sɔ la n de ya sɔ la, la mam Yinɛ la n de ya Yinɛ la zi'an.’ ”

Azã 20:27

Gee nyaa yele Tɔmasi yeti, “Dikɛ fum nu'dibila doohe n nu'o wa puan bihɛ, gee tiɛ fum nu'o doohe n lugerɛ wa. Da bu'ura, gee nam.”

Aromduma 1:8

Yia, mam bo'ori Yinɛ fara Yezu puan ya za'a zuo, beni zuo, ya sakerɛ la yele to'e tiŋa wa zuo za'a mɛ.

Aromduma 11:33

Bihɛ,Yinɛ tarega, la a yɛm la a mi'ilum pirɛ paaɛ mɛ ka tara tɛka. A gakerɛ gaŋɛ bɔkerɛ mɛ, ti a sɔya la ba' dɛna nyalema gaŋɛ bɔkerɛ!

Aromduma 2:4

Bii fum tugum ka nam la Yinɛ itesuŋɔ la n ka tari tɛka la, la a ŋmibega, la a sugeri la? Fum ka baŋɛ ti Yinɛ itesuŋɔ la dela la bahɛ ti fum tee?

Aromduma 8:18

Mam mi' n suure puan suŋa suŋa ti namehegɔ seko ti tu nameha saŋa kana wa puan wa la, ti ku dagi sɛla en wan dikɛ makɛ la sunsɛka en maahum ti ka niiɛ bo' tu na wa.

Aromduma 9:23

Gee ŋwani, a han le iŋɛ bala ti a pa'alɛ a suŋa bo' sɛba en de a zɔ ba nimbu'ɔ la, sɛba ti a pun maahum biŋe a ti a pa'alɛ ba a suŋa kãtɛ la,

2 Korẽntɩ 12:21

Dabeem n tari mam ti, n han le wa'am na, mam Yinɛ wa wan bahɛ ti nimbu'ɔ nyɔkɛ mam, ti n kele nintama'aha bo' sɛba zo'e zo'e en daa tum be'em gee ka tee ba dɛgerɔ, ba yaalegɔ la ba nyanɛ tuuma la ti ba ni pun tuna la puan la.

2 Korẽntɩ 4:17

Se'ere en sɔi la, namehegɔ pika wa n kan yuue wa maaheni tu mɛ ti tu ta'am to'e vom kamba'ahɛ sunsɛka n tibegɛ ka tara makerɛ la,

Efɛɛzɩ 1:18

Bala ti ya suure wan yu'ɛ, ti ya nyɛ niihum la, la ya baŋɛ beere puti'irɛ se'ere zuo ti a yi' ya na la, la tarega sɛka en boi suŋa tarega la puan bɔ'ɔra nɛresunduma la,

Efɛɛzɩ 1:7

Eŋa puan ti Yinɛ yɔ to'e tu a ziim la puan, gee di sugeri bo' tu tuure, doohe a zu'uhegɔ la en seke paaɛ paaɛ la,

Efɛɛzɩ 2:7

Bala ti saŋa la han ta paaɛ, a wan pa'alɛ a zu'uhegɔ la n ka tari makerɛ la, la a sum sebo ti a tara bɔ'ɔra tɔ Kiresta Yezu puan la.

Efɛɛzɩ 3:16

Mam pu'uhegɔ dela, a wan ze'ele a tarega suŋa la puan, bo' ya sore ti ya tara paŋa ya puan, doohe Sia la puan,

Efɛɛzɩ 3:8

Gee la mam n pun pɔ'ɛ nɛresunduma la za'a puan la, Yinɛ dikɛ la zu'uhegɔ kuna bo' mam, ti n tari Kiresta tarega la n ka tari makerɛ la faarɛ yelesuma la na bo' sɛba n dagi Yuuduma la,

Filipi 4:7

Ti Yinɛ suma'ahum la n gani bɔkerɛ za'a la, gu'ura ya suya la ya ti'ihegɔ sɛ ti zɛ'a kankaŋi Yezu Kiresta puan.

Kolɔsɩ 1:27

Bama ti Yinɛ looe ti a doohe ba puan bahɛ ti ba baŋɛ Yinɛ suŋa en zo'e se'em yele se'ere en sugɛ wa puan bo' sɛba en dagi Yuuduma la, yele wa dela Kiresta n boi ya puan, en de ya beere puti'irɛ la suŋa.

Kolɔsɩ 3:16

Bahɛ ya ti Kiresta yelehum la bɔna ya puan seke. Pa'ali ya gee ka'ana taaba la yɛm, gee ti nyɛɛma en boi ya suya puan la, tari ya saaŋɔ la baaŋa, la Sia puan yuuma ya suya puan bɔ'ɔra Yinɛ.

1 Tesaloniki 2:12

ka'ana, gee kpɛmeha ya, gee me bɛlena ya ti ya vɔna vom sebo taaba n nari bɔ'ɔra Yinɛ, se'em en yi' ya ki'ihɛ a mɛŋa sɔ'ɔlum, la a suŋa puan la.

1 Timoti 6:17

Han dɛna zina beere buntateba wa, ka'am ba ti ba da pa'ala ba mɛhi, bii ba dikɛ ba puti'irɛ delum sɛla en kan bɔna wuuha, gee ba tugum dɛla Yinɛ, se'em en bo'ori tu sɛla woo zo'e zo'e ti tu dita la pupeelum.

Afilmõ 1:4

Mam han ta tiɛ fum yele n pu'uhegɔ puan, mam ni bɔ'ɔra la Yinɛ fara saŋa woo,

1 Pita 5:1

Nananawa, mam mɛŋa en de kiima, gee dɛna aze'nyɛ daana bo' Kiresta namehegɔ la, gee me dɛna se'em en wan ta nyɛ tɔtɛ suŋa la en wan ta niiɛ na la puan. Mam kpemehe kiinduma en boi ya puan la

1 Pita 5:10

Ti ya han namehɛ yuue fii wa, Yinɛ en de zu'uhegɔ za'a daana la, se'em en yi' ya ti ya wa'am na bɔna sunsɛka en ka tari ba'ahegɔ Kiresta puan la, a mɛŋa wan lebehe ze'ele ya, te'ele ya, kpemehe ya, gee sɛ ya ze'ele kankaŋi.