Efɛɛzɩ 6:20 - ZE'ELEGO PAALEGA

²⁰ sebo zuo ti mam sooe Kiresta na'arɛ ti ba ba' mam la bãhi. Pu'uheri ya Yinɛ bɔ'ɔra mam ti n ta'am muulɛ dɛ la sukpe'ene, wuu lan de n tɔgɛ se'em la.

Farefare Ninkaré

²⁰ La de la kõ-yẽlga ẽŋa tɩ Nawẽnnɛ tõm mam tɩ m mõolɛ, bɛla ĩyã tɩ mam bɔna yʋ'a deem. Pʋ'ʋsra-ya Nawẽnnɛ tɩ m wʋn tã'agɛ mõolɛ la bʋraanɛ wʋ lan masɛ se'em.

Efɛɛzɩ 6:20 ပူးပေါင်းရင်းမြစ်များ

Tõoma 21:33

Ti pɛntiireba nɛŋa daana wa paaɛ nyɔkɛ Pɔɔl gee bo' nuurɛ ti ba lu' en la zɔtɔ tuyi' Gee nyaa viiha eŋa n de se'em la en eŋa sɛla.

Tõoma 26:29

Ti Pɔɔl lerege en yeti, “Kalam bii bãla bãla, mam sɔheri Yinɛ ti pun dagena fum ma'a, gee sɛba woo n kelehe mam zina me wa'am na dɛna wuu mam n de se'em zina wa, mam bãhi wa ma'a yeen da ba' ba.”

Tõoma 28:20

Yele dina wa zuo, ti mam suhɛ sore ti n nyɛ ya, la n tɔgɛ la ya, lan de Izirale beere puti'irɛ wa zuo ti ba ba' mam la bãhi wa.”

Tõoma 28:31

gee muula Yinɛ sɔ'ɔlum la yele, gee pa'ala Yezu Kiresta yele la sukpe'ene, ti sɛla ka gu'ura en.

Tõoma 5:29

Gee Pita la tuntuneba la lebehe ba yeti, “Tumam wan nam la Yinɛ nyana saala kpe'eŋo.

2 Korẽntɩ 3:12

Tumam n diŋɛ tara beere putɛ'dina wa la, tu tuni mɛ la sukpe'ene.

2 Korẽntɩ 5:20

Bala, tumam dikɛ la Kiresta na'arɛ, se'ere n sɔi la, Yinɛ beleni ba dɔla la tumam puan. Bala tu yeti ya mɛ la ninmu'urɛ Kiresta zuo, ti ya lebe naaɛ la Yinɛ

Efɛɛzɩ 3:1

Ŋwana wa zuo ti mam Pɔɔl bɔna paka deen bo' Kiresta Yezu, yamam sɛba n dagi Yuuduma wa zuo.

Efɛɛzɩ 4:1

Dinɛ zuo, mam en boi paka deen Daana la tuuma zuo beleni ya mɛ, ti ya vɔna vom sebo en nari la yi'sɛka ti ba yi' ya kɛ̃' ka puan la.

Efɛɛzɩ 6:19

Pu'uheri ya bo'ori ya mam mɛ, ti n han ni yeti n tɔgɛ, Yinɛ bo' mam yelehum, ti n tɔgɛ la sukpe'ene ti nɛreba baŋɛ sugelum yele se'ere n boi faarɛ yelehum wa puan,

Filipi 1:20

La dela sɛla ti mam kɔ'ɔm ana kɛli, gee me tari puti'irɛ, ti vi kan di mam sadɔɔ seko woo puan, gee doohe mam en muuli la sukpe'ene wa zuo, Kiresta yu'urɛ wan nyɛ pɛka nananawa, wuu la ni pun ani se'em mam iŋa wa puan la, mam vom bii n kum la.

Filipi 1:7

La dela ma'a bo' mam ti n ti'iha ya za'a yele ŋwana, beni zuo, ya tari mam mɛ ya suya puan, la yamam za'a en lagum tɔrɛ Yinɛ zu'uhegɔ la mɛ la mam, n paka wa puan, la mam en ka sakerɛ faarɛ yelehum wa zuo, gee sɛɛra bɔ zɛ'ɛta se'em la.

Kolɔsɩ 4:3

Gee me pu'uha bɔ'ɔra tumam me, ti Yinɛ yu'ɛ kuleŋa bo' yelehum la, ti tu muulɛ Kiresta yele sɛ'a en sugɛ la, yele sɛ'a zuo ti mam bɔna paka deen wa,

Kolɔsɩ 4:4

ti n ta'am lilege de suŋa wuu mam suni ti n muulɛ de se'em la.

1 Tesaloniki 2:2

gee la tumam en pun nyɛ namehegɔ, la zufagehum sebo itegɔ seko Filipi timpaberɛ wuu yan mi' de se'em la, tumam kelum tara inkpegere mɛ muula Yinɛ faarɛ yelehum la, la sɛba en pun ka sakɛ bo' tu la en zo'e se'em la.

2 Timoti 1:16

Daana la wan zɔ Onesiforuse yire duma za'a nimbu'ɔ, beni zuo, a dela se'em en baheri ti mam puti'irɛ gã'a tiŋa, ti vi ka tara en la mam bãhi wa.

2 Timoti 2:9

Dina zuo ti mam nyɛ namehegɔ too, pun ta paaɛ ba ba' mam wuu tuunfi'iha daana la. Gee Yinɛ yelehum ka ba'ari.

Afilmõ 1:10

Mam sɔheri fum mɛ n bia Onesimuse zuo, mam dela a Sɔ n paka saŋa la.

Afilmõ 1:9

gee mam wan tugum suhɛ fum la nɔŋerɛ puan, se'ere en sɔi la mam Pɔɔl nyaa kuregɛ mɛ, gee me le bɔna paka deen Kiresta Yezu zuo.

1 Zã 3:16

Tu mi' nɔŋerɛ la dina wa puan ti, a dikɛ la a vom biŋe bo' tumam, ti tumam me dɛna la tu dikɛ tu vom biŋe bo' tu taaba.

Azudi 1:3

N sunɔŋerɛ duma wa, wuu mam en ma'ɛ n mɛŋa maahena ti n gulehɛ faarɛ se'ere ti tu tara wa yele bo' ya na la, mam bihɛ ti la nari mɛ ti n gulehɛ yele ya ti, nɛra woo zabɛ a sakerɛ se'ere ti Yinɛ dikɛ bo' tu buyina la zuo.