Efɛɛzɩ 5:5 - ZE'ELEGO PAALEGA

⁵ Mini ya dina suŋa suŋa, ti se'em n tuni yaluntuuma, bii galeŋɔ daana, bii se'em n bɛ' (de vuurɛ dela bagekaambera), kan tara tɔtɛ kɛ̃' Kiresta la Yinɛ sɔ'ɔlum la puan.

Farefare Ninkaré

⁵ Bãŋɛ-ya sõŋa, tɩ nẽra n ɩtɩ yalsɩ, bɩɩ tõon-dẽgrɔ dãana, bɩɩ nẽr-sɛka n nõŋɛ bõnɔ zozo'e kãn yẽ sɛla sɛla Krisi, la Nawẽnnɛ so'olʋm na pʋam. La sɛka n nõŋɛ bõnɔ zozo'e ãn wʋ nẽra n kãabrɩ baga dee basɛ Nawẽnnɛ pʋ'ʋsgɔ la.

Efɛɛzɩ 5:5 ပူးပေါင်းရင်းမြစ်များ

Tõoma 20:32

Gee nananawa, mam dikɛ ya ita la Yinɛ nu'uhen la a zu'uhegɔ yelehum la puan. Yelehum sebo n wan ta'am mɛ ya ze'ele, gee bo' ya tɔtɛ la sɛba n pee ba mɛhi la.

Tõoma 8:21

Fum ka tari zi'an bii tɔtɛ yele ana wa puan se'ere n sɔi la fum suure dagi tuuntɔɔ Yinɛ nɛŋan.

Galatɩ 5:19

Ingɔŋɔ tuuma la ka sugɛ. Ba dela, yaalegɔ, dɛgerɔ, inganɛ kɔrɛ,

Galatɩ 5:21

nintɛrega, buka, punya'anɛ, la yelesɛ'a n ani ŋwana. N yeti ya mɛ la ninmu'urɛ wuu mam pun yele ni ya la ninmu'urɛ yia se'em la, ti sɛba en iti yele ana taaba kan lagum kɛ̃ Yinɛ sɔ'ɔlum la.

Efɛɛzɩ 5:3

Gee yaluntuuma la dɛgerɔ tuuma woo, bii nyika tuuma da pun puta ya puan, wuu la nari se'em nɛresunduma tiŋasuka la.

Kolɔsɩ 1:13

Yinɛ faaɛ tu mɛ yehe lika paŋa puan bahɛ, gee tee dikɛ tu ki'ihɛ a Dayɔba'arɛ sɔ'ɔlum la puan,

Kolɔsɩ 3:5

Bala zuo, ku ya sɛla woo en boi ya puan dɛna tiŋa dinɛ zuo bunɔ wuu, yaluntuuma, dɛgerɔ tuuma, kunkoma'ahum, be'em kɔrehi, la nyika (en de baga kaabegɔ la).

1 Timoti 6:10

Se'ere en sɔi la, ligeri nɔŋerɛ en de be'em woo nyɛgerɛ, ti ban mu'ɛ nini ti ba tara la zuo, basɛba zagehɛ sakerɛ la mɛ, lu' ba mɛhi la wuŋerɛ zo'e zo'e.

1 Timoti 6:17

Han dɛna zina beere buntateba wa, ka'am ba ti ba da pa'ala ba mɛhi, bii ba dikɛ ba puti'irɛ delum sɛla en kan bɔna wuuha, gee ba tugum dɛla Yinɛ, se'em en bo'ori tu sɛla woo zo'e zo'e ti tu dita la pupeelum.

Hiburuduma 13:4

Bahɛ ya ti pɔgedire la sire-ele tara na'ahegɔ ya za'a zi'an, ti pɔgedire la sire-ele suŋɔ la da galum, se'ere en sɔi la, Yinɛ wan gakɛ yaluntuuma duma, la kabohi duma mɛ.

Lilegere 21:8

Gee han dɛna dabɛɛbehi la, la sɛba en ka sakɛ la, sɛba ti ba galum ba la, la nɛrekuureba la, yaluntuuma duma la, sɔ̃niniduma, bage kaabereba, la pumparenduma la za'a, ba bɔŋa zi'an ta bɔna la bugum mɔgerɛ la ti tahi taaɛ bugum dita la puan. Yi'i kum la en bala.”

Lilegere 22:15

Yiŋa la ha, baahi, sɔ̃niniduma, yaluntuuma duma, nɛrekuureba, la bage kaabereba, la sɛba woo en nɔŋɛ gee tuna pumpɔreŋɔ tuuma en boi bilam.