Efɛɛzɩ 4:13 - ZE'ELEGO PAALEGA

¹³ gura ti tu za'a ta wa'am na naaɛ taaba la sakerɛ deyina, zo'e Yinɛ Dayua la mi'ilum puan, zo'e dɛna bunkureba ti Kiresta naanɛ la to'e tu za'a.

Farefare Ninkaré

¹³ halɩ tɩ tɩ wʋn wa lagɩm taaba bɔ sɩra dɛna ayɩla, bãŋɛ Nawẽnnɛ Dayʋa la, lebge nẽrba n bɩ ba'asɛ paagɛ wʋ Krisi n masɛ sɛla woo pʋam se'em na.

Efɛɛzɩ 4:13 ပူးပေါင်းရင်းမြစ်များ

Amatie 11:27

Mam Sɔ dikɛ sɛla woo iŋɛ la mam nu'uhen. Nɛra ka mi' dayua la, han dagena Sɔ la. Nɛra me ka mi' Sɔ la, han dagena dayua la, la se'em ti dayua la bɔta ti a lilege Sɔ la pa'alɛ en.

Azã 1:16

Eŋa en seke paaɛ paaɛ la, nɛra woo wan nyɛ zu'uhegɔ, malum nyɛ zu'uhegɔ.

Azã 16:3

Ba wan iŋɛ ŋwana doohe la ban ka mi' Sɔ la, bii mam la zuo.

Azã 17:21

Ba za'a me dɛna buyina, wuu fum Sɔ wa n boi la mam se'em la, ti mam me bɔna la fum se'em la, bamam me bɔna la tu bala mɛa, ti timpaberɛ wa zuo nɛreba nam ti fum n tum mam na.

Azã 17:3

Ŋwana n de vomkanba'ahɛ la, ti saaleba baŋɛ fum, fum se'em n de yelemɛŋerɛ Yinɛ wa ma'a, gee me baŋɛ Yezu Kiresta, se'em ti fum tum na la.

Azã 6:69

Tumam nam mɛ, gee mina ti fum en de FA'A Daana ze'ele Yinɛ.”

Tõoma 4:32

Nananawa, Lan de se'em la dela, sakereba la za'a tari la suyinɛ la putɛ'yinɛ la taaba, ti ba se'em ka sɔna a lɔgeseko bii en tari sɛla, gee ba se'em woo n tari sɛla dela ba za'a bunɔ.

1 Korẽntɩ 1:10

Nananawa, n yeti ya mɛ la ninmu'urɛ n suurɔ, tu Daana Yezu Kiresta yu'urɛ la puan, ti ya za'a sakera bɔ'ɔra taaba ti bɔgehegɔ da bɔna ya puan, gee ya tugum naaɛ taaba dɛna buyina, la putɛ'yinɛ

1 Korẽntɩ 14:20

N suurɔ, da deni ya kɔma ya ti'ihegɔ puan, gee tugum deni ya kɔmbilɛɛhi be'em tuuma puan, gee ti'ihegɔ puan deni ya bunkureba.

1 Korẽntɩ 2:6

Gee la bala za'a, sɛba en bi'ɛ sakerɛ puan la, ti tari yɛm tɔgera mɛ, gee dagi zina beere yɛm wa puan, bii pahi se'ehi en sɔi zina beere wa biha, gã'a gura sageŋɔ paaɛ si wa.

2 Korẽntɩ 4:6

Se'ere en sɔi la, la dela Yinse'ere n daa yeti, “Bahɛ ti niihum ze'ele lika puan niiɛ na la,” Yinɛ dinɛ mɛa n niiɛ tumam suya puan, ti a bo' tu a mi'ilum niihum la, n de Yinɛ suŋa niira Yezu Kiresta nɛŋa puan la.

Galatɩ 4:19

N kɔmbibehi wa, yamam sɛba zuo ti n le bɔna wuŋerɛ puan wuu n viregere mɛ la, gura ti Kiresta naanɛ ta to'e ya wa.

Efɛɛzɩ 1:17

N pu'uheri mɛ ti tu Daana Yezu Kiresta Yinɛ la, se'em en de zu'uhegɔ za'a Sɔ la, wan bo' ya a yɛm, la lilegere Sia, yan wa'am na ti ya baŋɛ en wa.

Efɛɛzɩ 1:23

Lageŋɔ la dela Kiresta iŋa, kɔ'ɔm pirɛ mɛ la eŋa se'em daana en boi sɛla woo puan la.

Efɛɛzɩ 2:15

A saalum ze'elego la, la ku pa'alegɔ, la ku malema za'a bahɛ mɛ, ti a malum naam asaala paalega bo' a mɛŋa ti a tee ze'ele bo' bayi' la, ti suma'ahum bɔna.

Efɛɛzɩ 4:12

ti a kpemehe nɛresunduma la ti ba tuna ba tuuma, la ba mɛ lageŋɔ la n de Kiresta iŋa la,

Efɛɛzɩ 4:3

Kpeŋe ya mɛhi la ya tara Sia la puan nɔyinɛ la suma'ahum sebo en de bu dikɛ ya naaɛ taaba.

Efɛɛzɩ 4:5

Daana ka ayima, sakerɛ deyina, la ko'om sua buyina.

Filipi 3:10

Mam boti n baŋɛ Kiresta mɛ, la a vo'ore paŋa la, la n lagum namehɛ a namehegɔ la, doohe la n ana wuu en, a kum la puan,

Filipi 3:8

Sɛla en gani bala dela, mam bihɛ sɛla woo ti ba dela zaŋa beni zuo, tibehum sebo en gani za'a en boi mam n baŋɛ Yezu Kiresta en de mam Daana la. Eŋa zuo, ti mam bɔregɛ sɛla woo bahɛ, gee biha ba ti ba dɛna sɔgerɔ, ti n ta'am tara Kiresta,

Kolɔsɩ 1:28

La dela eŋa ti tu muula wa, ka'ana nɛra woo gee pa'ala nɛra woo yɛm puan, ti tu wan bi'ihɛ nɛra woo Kiresta puan.

Kolɔsɩ 2:2

Mam boti ba suya nyɛ la kpemehego, naaɛ taaba nɔŋerɛ puan, gee nyɛ bɔkerɛ se'ere en gani za'a, tara tibehum, gee me tara mi'ilum doohe Yinɛ sugelum yele la en de Kiresta a mɛŋa la.

Hiburuduma 5:14

Gee dikpe'ene dela sɛba en bi'ɛ kahegɛ bunɔ, sɛba en nyɛ kpemehego tuuma puan, tana wɛleha be'em la sum la.

2 Pita 1:4

Bala ti a doohe yele ana wa puan, bo' tu a tuulum nɔbiŋe kãra la, ti bamam puan, ya wan ta'am piiɛ ŋmɛlema sɛ'a en boi timpaberɛ wa zuo, kunkoma'ahum zuo la, gee tugum lagum tara a sia puan naanɛ la.

2 Pita 3:18

Gee tugum zo'ore ya zu'uhegɔ, la ya mi'ilum tu Daana la tu faara Yezu Kiresta puan. Eŋa ti pɛka za'a dɛna a dinɛ, nananawa ta paara dabeherɛ se'ere en ka tari ba'ahegɔ la. (Taari.)

1 Zã 5:20

Tu me mi' ti, Yinɛ Dayua la wa'am na bo' tu la bɔkerɛ, ti tu mina eŋa se'em en de yelemɛŋerɛ la, tu me boi la eŋa se'em en de yelemɛŋerɛ la puan, Yelemɛŋerɛ dina wa dela Yinɛ Dayua Yezu Kiresta. Eŋa en de Yinɛ de mɛŋa mɛŋa, la Yinɛ vomsumɔ kamba'ahɛ.