Efɛɛzɩ 1:18 - ZE'ELEGO PAALEGA

¹⁸ Bala ti ya suure wan yu'ɛ, ti ya nyɛ niihum la, la ya baŋɛ beere puti'irɛ se'ere zuo ti a yi' ya na la, la tarega sɛka en boi suŋa tarega la puan bɔ'ɔra nɛresunduma la,

Farefare Ninkaré

¹⁸ Mam ken sɔsra Nawẽnnɛ tɩ a botɩ ya pʋtẽ'era like tɩ ya bãŋɛ ẽn wi ya tɩ ya tara pʋtẽ'erɛ gu'ura sɛla, dee bãŋɛ bõn-sõma sɛba tɩ a bĩŋe nõorɛ tɩ a bɔ a nẽrba la n ba ãna sõŋa, dee zo'oge se'em.

Efɛɛzɩ 1:18 ပူးပေါင်းရင်းမြစ်များ

Amatie 13:15

Se'ere en sɔi la, nɛrebana wa puti'ira ba' ki mɛ, ti ba tuba kpa' ka wuna, ti ba kɔ'ɔm mum ba nini, ti ba da bihɛ la ba nini la, gee kɛleha la ba tuba la, gee bɔkera la ba suya, la ba ŋmɛregɛ lebena, ti en tibɛ ba.’

Amarkɩ 10:17

Yezu bahɛ bilam mɛ, gee bɔna sore zuo yɛ'ɛha, ti buraa zɔ paaɛ en, kpa duma a nɛŋan, soke en yeti, “Pa'alesunkɔ, beni en de n iŋɛ la n ta'am nyɛ vom kamba'ahɛ wa?”

Aluki 24:45

Ti a nyaa yu'ɛ ba puti'irɛ ti ba bɔkɛ gɔnɔ la yɛla.

Tõoma 16:14

Ti pɔka bɔna ba puan kɛleha tɔ, ti ka yu'urɛ yi'ira Lidiya, dɛna pɔka dɛna Yin-zɔta, yehe Tayatira na, kɔɔha fumɔlɔ. Ti Daana la yu'ɛ ka suure ti ka kɛleha Pɔɔl en yeti sɛla la suŋa suŋa.

Tõoma 26:18

ti fum pikɛ ba nini ti ba ta'am ŋmɛregɛ lika la puan lebe niihum la puan na, ba yehe Sagena la bobere la puan wa'am Yinɛ ze'a na, la ba to'e ba be'em sugeri, gee me lagum pa'ahɛ sɛba n pee ba mɛhi doohe ban tari sakerɛ bo' mam se'em la.’

Aromduma 11:29

Se'ere en sɔi la, Yinɛ bo'olum, la a yi'a ka lukere.

Aromduma 2:4

Bii fum tugum ka nam la Yinɛ itesuŋɔ la n ka tari tɛka la, la a ŋmibega, la a sugeri la? Fum ka baŋɛ ti Yinɛ itesuŋɔ la dela la bahɛ ti fum tee?

2 Korẽntɩ 4:4

Ba yele la dela, tiŋa wa zuo yinɛ la n pi' sɛba n ka nam Yezu la puti'ira, ti a gu ba ti ba da nyɛta faarɛ yelehum niihum la n de Kiresta suŋa la. Kiresta se'em n de Yinɛ mɛŋa naanɛ la.

2 Korẽntɩ 4:6

Se'ere en sɔi la, la dela Yinse'ere n daa yeti, “Bahɛ ti niihum ze'ele lika puan niiɛ na la,” Yinɛ dinɛ mɛa n niiɛ tumam suya puan, ti a bo' tu a mi'ilum niihum la, n de Yinɛ suŋa niira Yezu Kiresta nɛŋa puan la.

Galatɩ 5:5

Gee Fa'a Sia la, la sakerɛ puan, tumam mu'ɛ la nini gura beere tuntɔɔnɛ.

Efɛɛzɩ 1:11

Kiresta puan, tu tari tɔtɛ mɛ, ban pun maahum tɔ bo' eŋa se'em daana en ba'aheri sɛla woo a mɛŋa kã'aŋɔ la a sumboolum puan la.

Efɛɛzɩ 1:7

Eŋa puan ti Yinɛ yɔ to'e tu a ziim la puan, gee di sugeri bo' tu tuure, doohe a zu'uhegɔ la en seke paaɛ paaɛ la,

Efɛɛzɩ 2:12

Tɛri ya ti sankaŋa puan la, ya yuum ka mi' Kiresta, dɛna zanku'uma Izirale timpaberɛ, dɛna saama bo' nɔpu'ulegɔ nɔbiŋere la, ka tara beere puti'irɛ, gee me ka mina Yinɛ timpaberɛ wa zuo.

Efɛɛzɩ 3:16

Mam pu'uhegɔ dela, a wan ze'ele a tarega suŋa la puan, bo' ya sore ti ya tara paŋa ya puan, doohe Sia la puan,

Efɛɛzɩ 3:8

Gee la mam n pun pɔ'ɛ nɛresunduma la za'a puan la, Yinɛ dikɛ la zu'uhegɔ kuna bo' mam, ti n tari Kiresta tarega la n ka tari makerɛ la faarɛ yelesuma la na bo' sɛba n dagi Yuuduma la,

Efɛɛzɩ 4:1

Dinɛ zuo, mam en boi paka deen Daana la tuuma zuo beleni ya mɛ, ti ya vɔna vom sebo en nari la yi'sɛka ti ba yi' ya kɛ̃' ka puan la.

Efɛɛzɩ 4:4

Se'ere en sɔi la, Iŋa kayina, la Fa'a Sia kayima ma'a en boi, wuu ban yi' ya beere putɛ'yinɛ wa puan se'em la.

Efɛɛzɩ 5:8

Se'ere en sɔi la, ya daa nan boi la lika puan, gee nananawa Daana la puan, ya dela la niihum. Bala Vɔni ya wuu kɔmsɛba n boi niihum puan la.

Filipi 3:14

N tiregeri mɛ ti n di mi'a, la n to'e yɔɔrɛ la en de saazuo yi'a wa yɔɔrɛ, ti Yinɛ yi' mam doohe Kiresta Yezu puan la.

Kolɔsɩ 1:12

la pɛka bɔ'ɔra Sɔ la fara. Sɔ se'em en iŋɛ ya ti ya lagum tara tɔtɛ la nɛre sunduma la en boi niihum puan la.

Kolɔsɩ 1:23

wuu ya han kelum gu'ura ya mɛhi suŋa, zɛ'a kankaŋi ya sakerɛ la puan, ka vuregera ya beere puti'irɛ se'ere ti faarɛ yelesuma la biŋe nuurɛ ti ya wum la, se'ere en muulɛ bo' bunvua en boi tiŋa wa zuo wa. Mam Pɔɔl dela se'em ti ba looe bo' faari yelesuma wa.

Kolɔsɩ 1:27

Bama ti Yinɛ looe ti a doohe ba puan bahɛ ti ba baŋɛ Yinɛ suŋa en zo'e se'em yele se'ere en sugɛ wa puan bo' sɛba en dagi Yuuduma la, yele wa dela Kiresta n boi ya puan, en de ya beere puti'irɛ la suŋa.

Kolɔsɩ 1:5

beere putɛ'se'ere en boi saazuo gura ya la zuo. Ya pun tabelɛ wum beere putɛ' dina wa yele mɛ, gee baŋɛ wum yelemɛŋerɛ yelehum en de faarɛ yelehum la,

Kolɔsɩ 2:2

Mam boti ba suya nyɛ la kpemehego, naaɛ taaba nɔŋerɛ puan, gee nyɛ bɔkerɛ se'ere en gani za'a, tara tibehum, gee me tara mi'ilum doohe Yinɛ sugelum yele la en de Kiresta a mɛŋa la.

Kolɔsɩ 3:15

Gee me bahɛ ti Kiresta suma'ahum pirɛ ya suya, yele se'ere zuo ti ba yi' ya na pa'ahɛ inganɛ deyina lageŋɔ la puan en bala. Gee la ya me bo'ori Yinɛ fara.

1 Tesaloniki 2:12

ka'ana, gee kpɛmeha ya, gee me bɛlena ya ti ya vɔna vom sebo taaba n nari bɔ'ɔra Yinɛ, se'em en yi' ya ki'ihɛ a mɛŋa sɔ'ɔlum, la a suŋa puan la.

1 Tesaloniki 5:8

Gee tumam en de beyiine kɔma la, bahɛ ya ti tu tara tu mɛhi suŋa, gee yɛ sakerɛ la nɔŋerɛ ti la dɛna tu nyu'ɔ tɛ'ɛlega, Gee han dɛna tu zuo wanɛ, tu vuge faarɛ en de tu beere puti'irɛ la.

2 Tesaloniki 1:11

Lan paaɛ ŋwana beene la, tu pu'uheri saŋa woo mɛ bɔ'ɔra ya, suhera ti Yinɛ wan bahɛ ti ya nara la a yi'a la ti a yi' la. A wan doohe a paŋa la puan bahɛ ti ya putɛ'suma la ya sakerɛ tum,

2 Tesaloniki 2:16

Nananawa, tu Daana Yezu Kiresta mɛŋa, la Yinɛ en de tu Sɔ se'em en nɔŋɛ tɔ gee doohe a zu'uhegɔ puan, bo' tu sumbugehum la beere putɛ'sunɛ en ka tari ba'ahegɔ la,

1 Timoti 6:12

Zabɛ sakerɛ zabesunɛ la, gurɛ vom kamba'ahɛ la, se'ere zuo ti ba yi' fum la, la se'ere ti fum purɛ yelemɛŋerɛ purega la nɛreba zo'e zo'e nɛŋan la.

Taitusi 2:13

tumam n guri beere putɛ'sunɛ wa, la Yinɛ kãtɛ wa, la tu Faara Yezu Kiresta niirɛ na la na'ahegɔ la.

Taitusi 3:7

ti, en bo' tu buurɔ a zu'uhegɔ la zuo la, tu beere wan sɔna vom kan ba'ahɛ la ti tu tara bu puti'irɛ la.

Hiburuduma 10:32

Gee tiihɛ dabeha aŋa ha la, yan daa nyɛ niihum la, ya daa ŋmiberi mɛ la zika kãtɛ namehegɔ puan,

Hiburuduma 6:4

Se'ere en sɔi la, la kpe'em mɛ ti ba le maahum nɛrebana wa ti ba le tee. Bama sɛba en tabelɛ nyɛ niihum, tabelɛ lem saazuo bo'olum la, tabelɛ tɔrɛ Fa'a Sia la.

1 Pita 1:3

Sum dɛna Yinɛ en de tu Daana Yezu Kiresta Sɔ la dinɛ! A nimbɔ'zɔrɛ kãtɛ la zuo, a bo' tu la dɔgum paalemɔ ti tu tara beere putɛ'vua doohe Yezu Kiresta vo'ore a kum la puan.

1 Pita 3:9

Da dikɛ be'em yɔ be'em, bii kɛhega yɔ kɛhega. Gee lan de se'em dela, lɛbehera sum. Ŋwana zuo ti Yinɛ yi' ya, ti ya wa'am na to'e sum la.

1 Pita 5:10

Ti ya han namehɛ yuue fii wa, Yinɛ en de zu'uhegɔ za'a daana la, se'em en yi' ya ti ya wa'am na bɔna sunsɛka en ka tari ba'ahegɔ Kiresta puan la, a mɛŋa wan lebehe ze'ele ya, te'ele ya, kpemehe ya, gee sɛ ya ze'ele kankaŋi.