Kolɔsɩ 3:15 - ZE'ELEGO PAALEGA

¹⁵ Gee me bahɛ ti Kiresta suma'ahum pirɛ ya suya, yele se'ere zuo ti ba yi' ya na pa'ahɛ inganɛ deyina lageŋɔ la puan en bala. Gee la ya me bo'ori Yinɛ fara.

Farefare Ninkaré

¹⁵ Basɛ-ya tɩ Krisi sũ-mã'asʋm la sɔna ya sũure, Nawẽnnɛ wi ya tɩ ya tara la sũ-mã'asʋm ẽŋa, lagɩm taaba dɛna ayɩla. Mina-ya yel-sõnnɛ pʋ'ʋsgɔ.

Kolɔsɩ 3:15 ပူးပေါင်းရင်းမြစ်များ

Azã 14:27

Suma'ahum ti mam dikɛ baha ya. Mam mɛŋa suma'ahum ti mam dikɛ bɔ'ɔra ya. Mam ka bo'ori n suma'ahum wa wuu timpaberɛ zuo nɛreba n bo'ori ba suma'ahum se'em la. Da bahɛ ya ti ya suya daana, gee me da bahɛ ya ti dabeem tara ya.

Azã 16:33

N yeti ya dina wa, ti ya tara suma'ahum mam puan. Han dɛna timpaberɛ wa zuo, ya wan nyɛ mɛlehegɔ. Gee da bahɛ ya ti dabeem tara ya, gee mam pun nyaŋɛ timpaberɛ wa mɛ.”

Aromduma 1:21

Se'ere en sɔi la, la ban pun mina Yinɛ wa la, ba ka na'aheri en wuu a dela Yinɛ, bii ba bɔ'ɔra en fara fara, gee ba tugum lebege la nɛrefɔgerɔ ba ti'ihegɔ puan. Ti ba putɛ'vɔya la en ti'ihɛ yele yaalehi la pirɛ la lika.

Aromduma 14:17

Se'ere en sɔi la, Yinɛ sɔ'ɔlum la puan dagi la dia la nyua, gee tuuntɔɔ vom, suma'ahum la nyɛɛma Fa'a Sia la puan.

Aromduma 15:13

Nananawa,Yinɛ se'ere en sɔi beere puti'irɛ la, pirɛ ya la nyɛɛma woo la suma'ahum yan nam la zuo, ya pirɛ la beere puti'irɛ ti bu yabera doohe Fa'a Sia la paŋa puan.

Aromduma 5:1

Bala zuo, tumam en to'e buurɔ doohe sakerɛ puan la, tu tari suma'ahum mɛ la Yinɛ, suma'ahum buna wa ze'ele la tu Daana Yezu Kiresta puan na.

1 Korẽntɩ 10:17

Boroboro la en de deyina la zuo, tumam en zo'e se'em la dela inganɛ deyina, se'ere n sɔi la, tu lagum obe la boroboro deyina la.

1 Korẽntɩ 7:15

Gee sɛba en ka dole Yezu la han bahɛ taaba, de dɛna bala, la han iŋɛ bala, buraa la bii pɔka la ka boi bobere puan. Suma'ahum zuo ti Yinɛ yi ya.

2 Korẽntɩ 4:15

Yelemɛŋerɛ, sɛla woo dela yamam zuo, ti zu'uhegɔ la, n pa'aherɛ se'em la paaɛ nɛreba zo'e zo'e, ti pɛka malum zo'e pa'ahɛ ti Yinɛ yu'urɛ nyɛ pɛka.

2 Korẽntɩ 9:11

Yamam za'a wan pãrɛ mɛ sɛla woo puan, la ya pupeelum bo'olum kãtɛ wa n wan bahɛ ti tumam ze'ele tu nama zuo bo' Yinɛ fara fara.

Efɛɛzɩ 4:16

Eŋa puan ti iŋa la za'a nyɔkɛ taaba suŋa suŋa dɛna inyiŋa doohe la giile woo n tuni de tuunɛ suŋa se'em bahɛ ti inganɛ la zɔ'ɔra doohe la dinɛ n mɛti de mɛŋa nɔŋerɛ puan la.

Efɛɛzɩ 4:4

Se'ere en sɔi la, Iŋa kayina, la Fa'a Sia kayima ma'a en boi, wuu ban yi' ya beere putɛ'yinɛ wa puan se'em la.

Efɛɛzɩ 5:1

Dina zuo, tɔgehi ya Yinɛ wuu kɔma ti a nini tigɛ la ya la,

Efɛɛzɩ 5:20

Bo'ori ya Yinɛ n de Sɔ la fara saŋa woo puan, la sɛla woo puan tu Daana Yezu Kiresta yu'urɛ la puan.

Kolɔsɩ 1:12

la pɛka bɔ'ɔra Sɔ la fara. Sɔ se'em en iŋɛ ya ti ya lagum tara tɔtɛ la nɛre sunduma la en boi niihum puan la.

Kolɔsɩ 2:7

ba' ya nyɛga, gee mɛ ya mɛhi yagelɛ a zuo, gee sɛ' ya ze'ele kankaŋi sakerɛ la puan, wuu ban pa'alɛ ya se'em la, pirɛ yabera la fara bu'a.

Kolɔsɩ 3:17

Gee ti sɛla woo ti ya ita, la dɛna tugum bii tuuma, iti ya sɛla woo Daana Yezu yu'urɛ la puan, bɔ'ɔra Yinɛ en de Sɔ la fara dɔla Yezu puan.

1 Tesaloniki 5:18

bo'ori ya Yinɛ fara yelese'ere woo puan. Se'ere en sɔi la, Yinɛ sumboolum n bala bo' ya Yezu Kiresta puan.

1 Timoti 2:1

Sɛla en de yia, mam yeti, ya tara suhega, pu'uhegɔ, nupu'ɔ la fara bu'a pu'uha bɔ'ɔra nɛra woo.

1 Timoti 6:12

Zabɛ sakerɛ zabesunɛ la, gurɛ vom kamba'ahɛ la, se'ere zuo ti ba yi' fum la, la se'ere ti fum purɛ yelemɛŋerɛ purega la nɛreba zo'e zo'e nɛŋan la.

Hiburuduma 13:15

Doohe eŋa puan, yi bahɛ ya ti daarɛ woo, tu bɔ'ɔra Yinɛ tu na'ahegɔ kaabegɔ en de tu nɔgbama wala ti tu puta a yu'urɛ la.

Lilegere 7:12

yuuna yeti, “Taari, Sum, la suŋa la yɛm la fara fara la na'ahegɔ la paŋa la kpe'eŋo dɛna tumam Yinɛ la dinɛ wuuha wuuha, Taari.”