Kolɔsɩ 3:14 - ZE'ELEGO PAALEGA

¹⁴ Se'ere en gani za'a dela, bagɛ ya mɛhi la nɔŋerɛ, sɛla en bobere ya lagena taaba, ti ya tara nɔyinɛ sunɛ la taaba en bala.

Farefare Ninkaré

¹⁴ Lan gãnnɩ wuu, tara-ya nõŋlʋm, tɩ ẽŋa n wʋn botɩ ya lagɩm taaba tara nõ-yẽnnɛ sõŋa sõŋa.

Kolɔsɩ 3:14 ပူးပေါင်းရင်းမြစ်များ

Azã 13:34

N bo'ori ya la ze'elego paalega ti, ya nɔŋɛ taaba. Wuu mam nɔŋɛ ya se'em la, me nɔŋɛ taaba bala.

Azã 15:12

“Mam Pa'alegɔ n ŋwana. Ti ya nɔŋɛ taaba, wuu mam n nɔŋɛ ya se'em la.

Azã 17:23

Mam bɔna la ba, ti fum bɔna la mam, ti bamam me naaɛ taaba bi'ɛ kahegɛ dɛna buyina, ti timpaberɛ wa zuo nɛreba baŋɛ ti fum tum mam na, gee me nɔŋɛ ba wuu fum nɔŋɛ mam se'em la.

Aromduma 13:8

Da tara se'em sanɛ, han dagena ya nɔŋɛ taaba ma'a. Se'ere en sɔi la, se'em en nɔŋɛ a tadaana, tum ze'elego la en boti se'em woo ba'ahɛ mɛ.

Efɛɛzɩ 1:4

wuu en looe tu se'em Kiresta puan gee nyaa baŋɛ naam timpaberɛ wa la, ti tu dɛna tuulum nɛreba, ka tara tuure a nɛŋan, a nɔŋerɛ la puan la.

Efɛɛzɩ 4:3

Kpeŋe ya mɛhi la ya tara Sia la puan nɔyinɛ la suma'ahum sebo en de bu dikɛ ya naaɛ taaba.

Efɛɛzɩ 5:2

gee vɔni ya la nɔŋerɛ wuu Kiresta n nɔŋɛ tɔ se'em, dikɛ a mɛŋa bo' tu se'em, lebege nyuuŋo suŋɔ kaabegɔ bo'olum ti ba kaabɛ bo' Yinɛ la.

Kolɔsɩ 2:2

Mam boti ba suya nyɛ la kpemehego, naaɛ taaba nɔŋerɛ puan, gee nyɛ bɔkerɛ se'ere en gani za'a, tara tibehum, gee me tara mi'ilum doohe Yinɛ sugelum yele la en de Kiresta a mɛŋa la.

1 Tesaloniki 4:9

Nananawa, han dɛna suurɔ nɔŋerɛ yele, ya ka eere se'em gulehɛ bo' ya na. Se'ere en sɔi la, Yinɛ en pun pa'alɛ yamam ti ya nɔŋɛ taaba mɛ.

1 Timoti 1:5

Gee pa'alegɔ kuna wa tuunɛ dela, la bahɛ ti ba tara nɔŋerɛ se'ere en ze'ele susunɛ puan na, putɛ'sunɛ, la yelemɛŋerɛ sakerɛ.

Hiburuduma 6:1

Bala zuo, bahɛ ya ti tu kiŋɛ nɛŋa bi'ihɛ suŋa suŋa, tu bahɛ pi'ileŋo pa'alegɔ ti ba pun pa'alɛ tu yia Kiresta puan pooren, da le bahɛ ya ti tu le tagehɛ ɛberɛ iibegɔ, la en de tu tee kum tuuma, tu tara sakerɛ Yinɛ puan,

1 Pita 4:8

Sɛla en gani bala, tari ya nɔŋerɛ saŋa woo bɔ'ɔra taaba, se'ere en sɔi la, nɔŋerɛ pi'ire la be'em zo'e zo'e.

2 Pita 1:7

ti vom sumɔ la puan, taaba giile pa'ahɛ bini, ti taaba giile la puan, taaba nɔŋerɛ bɔna bini.

1 Zã 3:10

Yinɛ kɔma, la Sagena la kɔma en niiɛ ba mɛhi se'em en ŋwana. Se'em woo en ka tuni sɛla en de tuuntɔɔ ka ze'ele Yinɛ zi'an na, bii fum se'em woo en ka nɔŋɛ fum suurɔ.

1 Zã 3:23

A nɔze'elego la n ŋwana, ti tu nam a Dayua Yezu Kiresta yu'urɛ la, gee nɔŋɛ taaba, wuu eŋa en bo' tu nuurɛ se'em la.

1 Zã 4:21

Nɔze'elego la ti tu to'e a zi'an la dela dina wa. Ti se'em en nɔŋɛ Yinɛ, dela a nɔŋɛ a suuɔ me.