Kolɔsɩ 2:2 - ZE'ELEGO PAALEGA

² Mam boti ba suya nyɛ la kpemehego, naaɛ taaba nɔŋerɛ puan, gee nyɛ bɔkerɛ se'ere en gani za'a, tara tibehum, gee me tara mi'ilum doohe Yinɛ sugelum yele la en de Kiresta a mɛŋa la.

Farefare Ninkaré

² Mam mõrgrɩ tɩ ya sũure n keŋe tɩ ya lagɩm taaba tara nõŋlʋm, dee tara yɛm zozo'e, tɩ ya bãŋɛ sɩra sõŋa sõŋa Nawẽnnɛ yelle n sʋgɛ n de Krisi la.

Kolɔsɩ 2:2 ပူးပေါင်းရင်းမြစ်များ

Amatie 11:25

Sankana puan, ti Yezu tɔgɛ yeti, “Mam bo' n Sɔ saazuo la tiŋa za'a Daana, fara fara se'ere zuo, fum dikɛ yele ana sugɛ yɛm la mi'ilum duma mɛ, gee tugum lilege a bo' kɔmbilɛɛhi.

Amatie 11:27

Mam Sɔ dikɛ sɛla woo iŋɛ la mam nu'uhen. Nɛra ka mi' dayua la, han dagena Sɔ la. Nɛra me ka mi' Sɔ la, han dagena dayua la, la se'em ti dayua la bɔta ti a lilege Sɔ la pa'alɛ en.

Amatie 13:11

Ti a lerege ba yeti, “Han dɛna yamam, ba bo' yamam mɛ ti ya bɔkera saazuo sɔ'ɔlum la yele sɛ'a en sugɛ, gee ba ka bo' bamam bala.

Aluki 1:1

Lan de ti nɛreba zo'e zo'e maahum ti ba gulehɛ ti la doohe taaba, yele sɛ'a en wa'am asira na tumam tiŋasuka la,

Azã 10:30

Sɔ la, la mam dela buyina.”

Azã 10:38

Gee mam han tuna a, ti ya pun ka nam bo' mam, nam ya tuuma la, la ya ta'am mina, gee baŋɛ ti Sɔ la boi mɛ la mam, ti mam me bɔna la Sɔ la.”

Azã 16:15

Sɛla woo ti Sɔ la tara dela mam dinɛ. Bala zuo ti mam yeti, a wan dikɛ la sɛla n de mam dinɛ, muulɛ bo' ya la.

Azã 17:3

Ŋwana n de vomkanba'ahɛ la, ti saaleba baŋɛ fum, fum se'em n de yelemɛŋerɛ Yinɛ wa ma'a, gee me baŋɛ Yezu Kiresta, se'em ti fum tum na la.

Azã 5:17

Ti Yezu lerege ba yeti, “Mam Sɔ n tuni la, mam me tuni mɛ.”

Azã 5:23

ti bala ti nɛra woo wan na'aha dayua la wuu ban na'ahɛ Sɔ la se'em la. Fum se'em woo n ka na'ahɛ Dayua la, ka na'ahɛ sɔ se'em n tum en na la.

Azã 6:69

Tumam nam mɛ, gee mina ti fum en de FA'A Daana ze'ele Yinɛ.”

Tõoma 4:32

Nananawa, Lan de se'em la dela, sakereba la za'a tari la suyinɛ la putɛ'yinɛ la taaba, ti ba se'em ka sɔna a lɔgeseko bii en tari sɛla, gee ba se'em woo n tari sɛla dela ba za'a bunɔ.

Aromduma 15:13

Nananawa,Yinɛ se'ere en sɔi beere puti'irɛ la, pirɛ ya la nyɛɛma woo la suma'ahum yan nam la zuo, ya pirɛ la beere puti'irɛ ti bu yabera doohe Fa'a Sia la paŋa puan.

Aromduma 16:25

Nananawa wa, pɛka dɛna Yinɛ se'em en wan ta'am kpemehe ya la yelehum la ti n bo' ya la, la mam n muulɛ Yezu Kiresta bo' ya se'em, yele se'ere en sugɛ gã'a diimen diimen ha se'em,

Aromduma 2:4

Bii fum tugum ka nam la Yinɛ itesuŋɔ la n ka tari tɛka la, la a ŋmibega, la a sugeri la? Fum ka baŋɛ ti Yinɛ itesuŋɔ la dela la bahɛ ti fum tee?

1 Korẽntɩ 14:31

Se'ere en sɔi la, ya woo ta'am puta ayima ayima, ti ya woo zamehɛ ti la kpemehe ya.

1 Korẽntɩ 2:12

Nananawa, han dɛna tumam, tumam ka to'e la tiŋa wa zuo sia la, gee Sɛsɛka en ze'ele Yinɛ zi'an na, ti tu ta'am bɔkera bo'olum sebo ti Yinɛ ka'ɛ bahɛ tu zuo la.

Galatɩ 3:28

Dinɛ zuo, Yuuduma buuri bii Giriki buuri ka le bɔna, da'aberɛ bii fai daana ka le bɔna, buraa bii pɔka ka le bɔna. Se'ere en sɔi la, ya za'a dela buyina Kiresta Yezu puan.

Efɛɛzɩ 1:7

Eŋa puan ti Yinɛ yɔ to'e tu a ziim la puan, gee di sugeri bo' tu tuure, doohe a zu'uhegɔ la en seke paaɛ paaɛ la,

Efɛɛzɩ 3:16

Mam pu'uhegɔ dela, a wan ze'ele a tarega suŋa la puan, bo' ya sore ti ya tara paŋa ya puan, doohe Sia la puan,

Efɛɛzɩ 3:3

la sugelum yele la ti a daa bahɛ ti mam baŋɛ dɛ doohe lilegere puan, mam gulehɛ yelesɛ'a fii wa zuo ha la.

Efɛɛzɩ 6:22

Dina wa zuo ti n tuna en na, ti a bahɛ ti ya baŋɛ tumam n ani se'em, gee kpemehe ya suya.

Filipi 2:1

Han dɛna ti kpemehego seko boi Kiresta puan, ti subugehum en ze'eti nɔŋerɛ puan na bɔna, han dɛna ti Fa'a Sia la puan lageŋɔ boi, han dɛna ti nimbɔ'zɔrɛ la taaba boi, ti taaba giile tarega bɔna,

Filipi 3:8

Sɛla en gani bala dela, mam bihɛ sɛla woo ti ba dela zaŋa beni zuo, tibehum sebo en gani za'a en boi mam n baŋɛ Yezu Kiresta en de mam Daana la. Eŋa zuo, ti mam bɔregɛ sɛla woo bahɛ, gee biha ba ti ba dɛna sɔgerɔ, ti n ta'am tara Kiresta,

Kolɔsɩ 1:26

sɛla en sugɛ asaaleba zi'an yuuman yuuman, la buuri sahi puan ha, gee nyaa lilege bo' a tuulum nɛreba la.

Kolɔsɩ 1:27

Bama ti Yinɛ looe ti a doohe ba puan bahɛ ti ba baŋɛ Yinɛ suŋa en zo'e se'em yele se'ere en sugɛ wa puan bo' sɛba en dagi Yuuduma la, yele wa dela Kiresta n boi ya puan, en de ya beere puti'irɛ la suŋa.

Kolɔsɩ 1:9

Dina wa zuo, daan se'ere daarɛ ti tu wum dɛna wa la, tu ka go'e tu pu'uha bɔ'ɔra ya, gee suhera ti ya pirɛ la Yinɛ suboolum mi'ilum, la Sia puan yɛm woo, la bɔkerɛ woo,

Kolɔsɩ 2:19

gee ka gi' Kiresta en de zuo la ti iŋa la za'a nyɛta diihum, gee naaɛ taaba doohe la a giila la innaanɛ la, zɔ'ɔra Yinɛ puan la.

Kolɔsɩ 3:14

Se'ere en gani za'a dela, bagɛ ya mɛhi la nɔŋerɛ, sɛla en bobere ya lagena taaba, ti ya tara nɔyinɛ sunɛ la taaba en bala.

Kolɔsɩ 4:3

Gee me pu'uha bɔ'ɔra tumam me, ti Yinɛ yu'ɛ kuleŋa bo' yelehum la, ti tu muulɛ Kiresta yele sɛ'a en sugɛ la, yele sɛ'a zuo ti mam bɔna paka deen wa,

Kolɔsɩ 4:8

Mam tum en ya zi'an na la dina wa zuo, ti ya mina tumam ani se'em, gee me kpemehe ya suya.

1 Tesaloniki 1:5

beni zuo, tu faarɛ yelehum muulegɔ la ka wa'am ya zi'an na dɛna la yetɔgum ma'a, gee bu wa'am mɛ na la paŋa, la Fa'a Sia, la suteere paŋa. Wuu yamam en mi' tumam en pa'alɛ ya tumam en de nɛresɛba taaba bɔna la ya yamam zuo la.

1 Tesaloniki 3:2

gee tum Timoti tu suuɔ, la tu tuntuna tadaana Yinɛ puan, se'em en muuli Kiresta faarɛ yelehum la, ti a wa'am na bo' ya paŋa, gee kpemehe ya ya sakerɛ la zuo,

1 Tesaloniki 5:14

Tu yeti ya mɛ la ninmu'urɛ tu suurɔ, ti ya ka'ana sɛba en iti bura bura la, la ninmu'urɛ, gee kpɛmeha sɛba puti'ira en kɔ'ɛ la. Suŋeri ya tarenduma, tari ya sugeri bɔ'ɔra ba za'a.

1 Timoti 3:16

Bu'a ka boi, tumam pu'uhegɔ wa puan yele sɛ'a en gani asaala bɔkerɛ la, dela yele kãra, A daa niiɛ a mɛŋa la inganɛ puan, di buurɔ Sia la puan, suŋereba nyɛ en mɛ, ba muulɛ a yele mɛ sɛba en dagi Yuuduma la puan ti tiŋa wa zuo nam en, a zom la zuin zuin ha la na'ahegɔ.

Hiburuduma 10:22

bahɛ ya ti tu vurege du' la yelemɛŋerɛ suure, tari puti'irɛ n pirɛ la sakerɛ, ti tu suya miihi ti ba duuhe a be'em puti'irɛ, ti tu ihe pee la tuulum ko'om.

Hiburuduma 6:11

Tu boti ya ayima ayima woo me pa'alɛ la ninmu'urɛ dinɛ taaba, la ya ta'am nyɛ beere puti'irɛ za'a za'a, ta paaɛ de ba'ahegɔ.

2 Pita 1:10

Ŋwana zuo, n suurɔ, kɔ'ɔm mu'ɛ ya nini ti ya pa'alɛ, ti Yinɛ en yi' ya gee looe ya. Se'ere en sɔi la, ya han ita yele ana, ya kan malum sɛregɛ.

2 Pita 1:3

Yinɛ sia puan paŋa la bo' tu sɛla woo ti tu bɔta, ti tu ta'am vɔna gee tara Yinɛ zoolum doohe tumam mi' se'em daana en yi' tu a mɛŋa suŋa, la a itesuŋɔ puan la.

2 Pita 3:18

Gee tugum zo'ore ya zu'uhegɔ, la ya mi'ilum tu Daana la tu faara Yezu Kiresta puan. Eŋa ti pɛka za'a dɛna a dinɛ, nananawa ta paara dabeherɛ se'ere en ka tari ba'ahegɔ la. (Taari.)

1 Zã 3:19

Dina puan ti tu wan, mina ti tu ze'ele la yelemɛŋerɛ puan na, ti tu han wa'am a nɛŋan na, tu suya wa ma'ɛ lɔge lɔge.

1 Zã 5:7

Ba dela batã en de aze' nyɛ duma. Tinsuŋan, Sɔ la, Yelehum la, la Fa'a Sia la. Bana batã dela bunyinɛ.