Azudi 1:24 - ZE'ELEGO PAALEGA

²⁴ Nananawa, se'em Daana en wan ta'am tara ya ti ya kan lu la, gee me iŋɛ ya ti ya zɛ'a filam ti dɛkɔ ka lama ya ya Daana la suŋa la nɛŋan, la nyɛɛma.

Farefare Ninkaré

²⁴ Pẽgɛ-ya Nawẽnnɛ, ẽŋa n tarɩ pãŋa wʋn gu ya tɩ ya kãn basɛ a sore, dee wʋn tarɩ ya sẽŋɛ ka ze'ele a nẽŋam tɩ ya ka tara dõrga, tɩ ya yẽ a na'am pãŋa, la sũ-yẽlga zozo'e.

Azudi 1:24 ပူးပေါင်းရင်းမြစ်များ

Amatie 16:27

“Se'ere en sɔi la, Asaala dayua la yeti a wa'am me na la a suŋereba, a Sɔ suŋa la puan, bilam ti a wan yɔ nɛrawoo doohe en tum se'em.

Amatie 19:28

Ti Yezu yele ba yeti, “N yeti ya la Yelemɛŋerɛ wa ti, sɛla woo paalega saŋa la han ta paaɛ, ti Asaala Dayua la zi'ire a suŋa na'am kuka la zuo ba'ahɛ, yamam sɛba en doohe mam la me wan zi'a na'am kugehi pia la tuyi' me bihera Izirale buuri pia la ba yi' la.

Amatie 25:31

“Asaala Dayua han ta wa'am la a suŋa la, ti suŋereba la za'a dɔla en la, a nyaa wan zi'ire a suŋa na'am kuka la zuo.

Amatie 5:12

Sireni ya gee nyɛɛna, gee ya yɔɔrɛ karegɛ mɛ saazuo ha. Bala mɛa ti ba yuum mɛleha Yinɛ nɔtɔgeheba sɛba en diŋɛ yamam nɛŋa na la.

Aluki 9:26

Se'em en tari vi la mam, la n yelehum wa la, eŋa ti Asaala Dayua wa wan ta tara vi la en, n han ta lɛbera na la n suŋa la puan la, Sɔ suŋa puan la, la Fa'a suŋereba suŋa la.

Aromduma 14:4

Fum dela ani gakera ayima yamehi? Ba mɛŋa Daana la nɛŋan ti ba wan ba zɛ'a bii ba lu. Ba me wan zɛ'a, se'ere en sɔi la, Daana la wan bahɛ ti ba zɛ'a.

Aromduma 8:31

Bala zuo, beni ti tu wan yele, yele ana wa puan? Yinɛ han sɔna tɔ, ani en wan ta'am zabɛ tɔ?

2 Korẽntɩ 11:2

Mam tari la Yinɛ nyuure ya zuo paaɛ paaɛ se'ere n sɔi la, mam biŋe la nuurɛ ti n dikɛ ya elehe sira ayima. N dikɛ ya wuu pɔgesa'kaherɛ la bo' Kiresta.

2 Korẽntɩ 4:14

Se'ere en sɔi la, tumam mi' ti se'em n vo'e Daana Yezu la wan vo'e tumam me na naaɛ la Yezu, gee tari tumam la yamam paaɛ a nɛŋa.

2 Korẽntɩ 4:17

Se'ere en sɔi la, namehegɔ pika wa n kan yuue wa maaheni tu mɛ ti tu ta'am to'e vom kamba'ahɛ sunsɛka n tibegɛ ka tara makerɛ la,

Efɛɛzɩ 3:20

Nananawa, eŋa se'em paŋa en tuni tu puan wa, wan ta'am tum zo'e zo'e bo' tu gana tumam n soke en bii ti'iha sɛla yele la.

Efɛɛzɩ 5:27

wuu n boti a dikɛ lageŋɔ la, la ku suŋa la bo' a mɛŋa, ti sɛla da ti'ɛ, bii lirum, bii sɛla kalum kɔ la. Ɛ̃ɛ, ŋwana ti lageŋɔ la wan dɛna tuulum lɔkɔ ka tara dɛkɔ.

Kolɔsɩ 1:22

e a nyaa dikɛ ya naaɛ mɛ, doohe amɛŋa saala ingɔŋɔ kum la puan, ti a bahɛ ti tu dɛna tuulum nɛreba, ka tara dɛkɔ bii geere a nɛŋan,

Kolɔsɩ 1:28

La dela eŋa ti tu muula wa, ka'ana nɛra woo gee pa'ala nɛra woo yɛm puan, ti tu wan bi'ihɛ nɛra woo Kiresta puan.

Kolɔsɩ 3:4

Kiresta en de ya vom la han ta niiɛ na, yamam me wan lagum niiɛ la en, la na'ahegɔ.

2 Timoti 4:18

Daana la wan faaɛ mam be'em zaberɛ woo puan bahɛ, gee tara mam kɛ̃ a saazuo sɔ'ɔlum la puan. Eŋa en sɔi na'ahegɔ wuuha wuuha. Taari.

Yemesi 2:10

Se'ere en sɔi la, fum se'em woo en dole ze'elego la za'a, gee tuue zi'an kayima, tuue ze'elego la za'a mɛ.

1 Pita 4:13

Gee nyɛɛni ya, la yan lagum tuta Kiresta namehegɔ la, bala ti ya me wan ta vɔɔla la nyɛɛma, a han ta niiɛ na la a suŋa la.

2 Pita 1:10

Ŋwana zuo, n suurɔ, kɔ'ɔm mu'ɛ ya nini ti ya pa'alɛ, ti Yinɛ en yi' ya gee looe ya. Se'ere en sɔi la, ya han ita yele ana, ya kan malum sɛregɛ.

Azudi 1:21

Dikɛ ya mɛhi iŋɛ Yinɛ nɔŋerɛ la puan, gee la ya biha tu Daana Yezu Kiresta nimbɔ'zɔrɛ la en dole yɛ'a vom kamba'ahɛ puan la.

Lilegere 14:5

ti pumpɔreŋɔ ka tabelɛ ze'ele ba nɔyan na, ba ka tari gbelegere zi'an.