Azudi 1:20 - ZE'ELEGO PAALEGA

²⁰ Gee yamam n sunɔŋerɛ duma wa, mɛ ya mɛhi yagelɛ tuulum sakerɛ la zuo. Pu'uheri Fa'a Sia la puan.

Farefare Ninkaré

²⁰ La yãma, m sɩr-nõŋrɩsɩ, sõŋra-ya taaba sẽnna nẽŋa yan bɔ Nawẽnnɛ sɩra la pʋam, pʋ'ʋsra-ya Nawẽnnɛ la a Sɩa pãŋa.

Azudi 1:20 ပူးပေါင်းရင်းမြစ်များ

Tõoma 15:9

En duuhe ba suya la bahɛ doohe ban nam la puan la, pa'alɛ yeti, yima yima ka boi tumam la bamam tiŋasuka.

Tõoma 26:18

ti fum pikɛ ba nini ti ba ta'am ŋmɛregɛ lika la puan lebe niihum la puan na, ba yehe Sagena la bobere la puan wa'am Yinɛ ze'a na, la ba to'e ba be'em sugeri, gee me lagum pa'ahɛ sɛba n pee ba mɛhi doohe ban tari sakerɛ bo' mam se'em la.’

Tõoma 6:7

Ti Yinɛ yelehum la kɔ'ɔm yiregera, ti zahereba la kãlɛ malum pa'ahera Yerusalɛm puan, ti malema duma la zo'e zo'e to'e sakerɛ la.

Tõoma 9:31

Gee ŋwana ma'a saŋa la, ti Lageŋɔ la n boi Yudiya, Galilii, la Samariya tihi puan la za'a nyaa tari la suma'ahum, gee ze'ele suŋa. Ti ba kina la Daana la zoolum Fa'a Sia la sumbugehum puan, ti ba zɔ'ɔra ba kãlɛ puan.

Aromduma 15:2

Tu ayima ayima dela tu tigera tu suurɔ nini, tu putɛ'sunɛ en de tu mɛ tu mabia la zuo.

Aromduma 8:15

Ŋwana zuo la Ya ka to'e la Sia sɛka en bahɛ ti ya dɛna da'aba, le lu dabeem puan, gee ya to'e la Sia sɛka en bahɛ ti ya dɛna sɛba ti ba to'e ya bihera. Bala n bahɛ ti tu ni kaahɛ yeti “Aba” “Tu Sɔ suŋɔ.”

1 Korẽntɩ 1:8

A me wan sɛ ya ze'ele suŋa suŋa ta paaɛ ba'ahegɔ, ti ya kan tara gbelegere, tu Daana Yezu Kiresta dabeherɛ la puan.

1 Korẽntɩ 10:23

“Ya yeti, fum ta'am tari sore ti fum ita sɛla woo” gee ya me mina ti dagi sɛla wuu en tari nyuurɔ, “Ya yeti, fum ta'am tara sore ti fum ita sɛla woo,” gee ya me mina ti dagi sɛla woo n mɛti.

1 Korẽntɩ 14:15

Beni ti n nyaa wan iŋɛ? N wan pu'uha la sia la puan, gee me pu'uha la n puti'irɛ la, gee yuuna pɛka yuuma la n sia la, gee yuum pɛka yuuma la n puti'irɛ la me.

1 Korẽntɩ 14:26

Beni en nyaa de ya iŋɛ n suurɔ wa? Ya han ni lagehɛ taaba na, ya ayima ayima tara yuunɛ, tara pa'alegɔ, tara lilegere, tara buuri yetɔgum yetɔgum bii tara yetɔge buuri buuri leregere. Iŋɛ ya sɛla woo suŋa ti la mɛ lageŋɔ la.

Galatɩ 4:6

Tumam en de a kɔma la zuo, ti Yinɛ tum a Dayua Sia la tu suya puan na, ti tu tana kaahɛ yeti, “Aba! N Sɔ!”

Efɛɛzɩ 4:12

ti a kpemehe nɛresunduma la ti ba tuna ba tuuma, la ba mɛ lageŋɔ la n de Kiresta iŋa la,

Efɛɛzɩ 4:16

Eŋa puan ti iŋa la za'a nyɔkɛ taaba suŋa suŋa dɛna inyiŋa doohe la giile woo n tuni de tuunɛ suŋa se'em bahɛ ti inganɛ la zɔ'ɔra doohe la dinɛ n mɛti de mɛŋa nɔŋerɛ puan la.

Efɛɛzɩ 4:29

Da bahɛ ya ti yetɔgepu'uha zɛ'ɛta ya nɔya puan yɛhera na. Gee yetɔge sebo en tari vuurɛ gee mɛta ma'a, sansɛka n de ya tɔgɛ. Bala ti yelehum la wan tara zu'uhegɔ bɔ'ɔra sɛba n wum la.

Efɛɛzɩ 6:18

Bala pu'uheri ya Sia la puan saŋa woo, ya pu'uhegɔ la ya suhega woo puan. Ti ba'ahegɔ puan, da ga' ya gihera gee sɔheri ya saŋa woo bɔ'ɔra nɛresunduma la za'a.

Kolɔsɩ 2:7

ba' ya nyɛga, gee mɛ ya mɛhi yagelɛ a zuo, gee sɛ' ya ze'ele kankaŋi sakerɛ la puan, wuu ban pa'alɛ ya se'em la, pirɛ yabera la fara bu'a.

1 Tesaloniki 5:11

Ŋwana zuo, kpemehe ya taaba gee mɛta taaba wuu yan pun ita se'em la.

1 Timoti 1:4

ba da Sagena saŋa la yele yooro la yaabeduma tuuhum wogerɔ seto en yeen tara nɔkpɛ'ɛma kina na, ka bahera ti nɛra bɔkera Yinɛ suboolum la en dole sakerɛ puan la.

2 Timoti 1:5

La tiiheri mam mɛ fum yelemɛŋerɛ sakerɛ la yele, sakerɛ se'ere en yuum boi fum mayaaba Lois puan yia, tagelɛ fum ma Yunise, ti nananawa, mam mina ti de boi fum me puan.

Taitusi 1:1

Mam Pɔɔl en de Yinɛ da'aberɛ, gee dɛna Yezu Kiresta tuntuna, sɛba ti Yinɛ looe la sakerɛ la zuo, la yelemɛŋerɛ mi'ilum sebo en dole Yinɛ zoolum la,

Yemesi 2:22

Ya nyɛ ti sakerɛ la yuum vɔi mɛ la a tuuma la, ti a tuuma la bahɛ ti sakerɛ la bi'ɛ.

2 Pita 1:1

Mam Simɔn Pita, en de yameŋa, dɛna Yezu Kiresta tuntuna la, en gulehɛ bɔ'ɔra sɛba en doohe Yinɛ la Faara Yezu Kiresta tuntɔɔnɛ la puan to'e sakerɛ en de tuulum lɔkɔ wuu tumam dinɛ la.

1 Zã 5:4

se'ere n sɔi la, se'em woo ti Yinɛ dɔgɛ nyaŋeri tiŋa wa mɛ. Nyaŋerɛ se'ere en nyaŋɛ tiŋa wa zuo n ŋwana, tu sakerɛ.

Azudi 1:3

N sunɔŋerɛ duma wa, wuu mam en ma'ɛ n mɛŋa maahena ti n gulehɛ faarɛ se'ere ti tu tara wa yele bo' ya na la, mam bihɛ ti la nari mɛ ti n gulehɛ yele ya ti, nɛra woo zabɛ a sakerɛ se'ere ti Yinɛ dikɛ bo' tu buyina la zuo.

Lilegere 13:10

La han dɛna la ba nyɔgɛ ya, ba nyɔgere ya yɛ'a mɛ, ya han ku mɛ la su'a, su'a en kuuri ya. Ŋwana dela sɛba en de nɛresunduma la, ya ŋmibera, gee sɛ zɛ'a ya sakerɛ la puan.