Azudi 1:1 - ZE'ELEGO PAALEGA

¹ Mam Yude en de Yezu Kiresta da'aberɛ la, dɛna Yemesi suuɔ la en gulehɛ bɔ'ɔra yamam sɛba ti Yinɛ yi' la, yamam sɛba ti Yinɛ en de Sɔ la nɔŋɛ, gee dikɛ ya sugɛ biŋe bo' Yezu Kiresta la.

Farefare Ninkaré

¹ Mam Azudi n de Azezi-krisi tõntõnna, la Azakɩ yɩbga la n gʋlsɛ gõŋɔ wã bɔ'ɔra yãma sɛba tɩ tɩ Sɔ Nawẽnnɛ wi tɩ ya dɛna a nẽrba, nõŋɛ ya, tɩ Azezi-krisi gu'ura ya la.

Azudi 1:1 ပူးပေါင်းရင်းမြစ်များ

Amatie 10:3

Filipi la Batolomi, Tɔmasi la Matu kuba tɔ'ɔha la, Yemesi en de Alifeyusi dayua la, la Tadeyusi,

Amatie 13:55

Dagi ena en de kpa'ara la dayua la? Dagi a ma yu'urɛ n yi'iri Mɛɛri la? Dagi a suurɔ en de Yemesi, Yosefe, Simɔn la Yudasi?

Amarkɩ 3:18

Nyaa dikɛ Anduru, Filipi, Batolomi, Matu, Tɔmasi, Alifeyusi dayua Yemesi, Tadeyusi, Simɔn se'em en lagum pa'ahɛ sɛba nini en mu'ɛ ti Izirale bɔna fai la,

Amarkɩ 6:3

Dagi kpa'ara la en bala, dagi Mɛɛri bia en bala, a yibehi dagi Yemesi, Yosi, Yudasi, la Simɔn. Dagi a tapa en bala boi la tu ka'lam wa?” Ti ba suure nyiie la en.

Aluki 6:16

la Yudasi en de Yemesi dayua, la Yudasi Isikariyɔte se'em en ŋma'ara la.

Azã 12:26

Se'em n wan dɛna mam yameŋa dela, a dɔla mam. Mam n boi zi'an la, n yameŋa la me wan bɔna la bilam. Se'em woo n de mam yameŋa tuna bɔ'ɔra mam la, Sɔ la wan zɛkɛ en.

Azã 14:22

Ti Yudasi ayima, (dagi se'em n de Isikariyɔte la) yele Yezu yeti, “Daana, wani ti fum wan ta niiɛ fum mɛŋa pa'ala tumam, gee dagi timpaberɛ wa?”

Azã 15:16

Yamam ka looe mam, gee mam n looe ya, gee tum ya ti ya kiŋɛ ta wam wala. Ya wam wala sɛ'a n kan pu'ɛ. Bala ti Sɔ la wan bo' ya sɛla woo ti ya soke en mam yu'urɛ puan.

Azã 17:15

Mam ka pu'uheri ti fum fooe ba yehe timpaberɛ wa zuo, gee mam pu'uheri ti fum gu' ba suŋa suŋa be'em daana wa zi'an.

Azã 17:17

Pee ba ze'ele la yelemɛŋerɛ. Fum yelehum la n de yelemɛŋerɛ la.

Azã 17:19

Bama zuo ti mam pee n mɛŋa, ti bamam me nyɛ peere yelemɛŋerɛ puan.

Azã 6:39

Ti dina wa n de se'em daana n tum mam na la sumboolum yelemɛŋerɛ. Ti n da bɔregɛ se'em, sɛba woo ti a dikɛ bo' mam la puan bahɛ, gee n ihige ba ba'ahegɔ daarɛ.

Tõoma 1:13

Ban ta paaɛ kɛ̃ tiŋa la puan la, ba zom la bɔ'seko n boi saazuo ha zi'an ti ba kɛ̃'ɛ̃ra la. Pita, Yɔn, Yemesi, Anduru, Filipi, Tɔmasi, Batolomi, Matu, Alifeyusi dayua Yemesi, Simeyɔn ti ba yi'ira Zɛlɔti la, Yemesi dayua Yudasi.

Tõoma 20:32

Gee nananawa, mam dikɛ ya ita la Yinɛ nu'uhen la a zu'uhegɔ yelehum la puan. Yelehum sebo n wan ta'am mɛ ya ze'ele, gee bo' ya tɔtɛ la sɛba n pee ba mɛhi la.

Tõoma 27:23

Se'ere n sɔi la, zaam yu'uŋɔ, Yinɛ se'ere ti mam dɔla gee na'aha wa suŋera en zaam wa'am na ze'ele mam sakpikɔ,

Aromduma 1:1

Mam Pɔɔl, Yezu Kiresta da'aberɛ, ti Yinɛ ayi' mam ti n dɛna tuntuna, yehe mam ze'ele bo' Yinɛ Faarɛ yelehum la ma'a,

Aromduma 1:6

Yamam mɛhi ti Yinɛ yi' ti ya dɛna Yezu Kiresta dinɛ wa pa'ahɛ bini mɛ.

Aromduma 16:18

Se'ere en sɔi la, nɛre bamam taaba ka tuni bɔ'ɔra tu Daana Kiresta, gee ba tuni bɔ'ɔra la ba mɛhi puya. Ba tari la tɔgɛ malemale la belegere, pã'aha susɛ'a en ka mi' la.

Aromduma 6:22

Gee nananawa ti ba nyaa faaɛ ya be'em puan bahɛ fai, gee ti ya dɛna Yinɛ da'aberɛ wa, sum sebo ti ya nyɛ dela sakerɛ. Ti de ba'ahegɔ dɛna la vom kamba'ahɛ.

Aromduma 8:30

Sɛba ti a maahum ba ze'ele la, bamam ti a yi', ti sɛba ti a yi' la, a bo' ba la buurɔ, ti sɛba ti a bo' ba buurɔ la, bamam ti a pirɛ ba la suŋa.

Aromduma 9:24

ta' la tumam sɛba ti a yi tu, dagi la Yuu buuri puan ma'a, gee sɛba en dagi Yuu buuri la me la?

1 Korẽntɩ 1:2

en gulehɛ bɔ'ɔra Yinɛ Lageŋɔ la en boi Korinti tiŋa, la sɛba ti ba soke ba, Yezu Kiresta puan, gee yi ba ti ba dɛna nɛresunduma, ta pa'ahɛ la sɛba woo en boi ze'sɛka woo yi'ira Yezu Kiresta yu'urɛ la, ti a dɛna bamam la tumam Daana la.

1 Korẽntɩ 6:11

Gee bala ti ya sɛba daa ana. Gee ba pee ya mɛ, ba sukɛ ya mɛ, ba bo' ya la buurɔ tu Daana Yezu Kiresta yu'urɛ la, la tu Yinɛ Sia la puan.

Efɛɛzɩ 5:26

A iŋɛ ŋwana ti lageŋɔ la dɛna la tuulum lageŋɔ doohe en duuhe ko'om en de a yelehum la,

1 Tesaloniki 2:12

ka'ana, gee kpɛmeha ya, gee me bɛlena ya ti ya vɔna vom sebo taaba n nari bɔ'ɔra Yinɛ, se'em en yi' ya ki'ihɛ a mɛŋa sɔ'ɔlum, la a suŋa puan la.

1 Tesaloniki 5:23

Suma'ahum Yinɛ la mɛŋa wan sukɛ ya za'a za'a. Ya sia za'a, la ya puti'irɛ za'a, la ya iŋa za'a, la ya inma'ahum za'a, maahum ya biŋe gura tu Daana Yezu Kiresta kinɛ na.

2 Timoti 1:9

se'em en faaɛ tɔ, gee yi' tu tuulum yi'a, dagi la tu tuuma zuo, gee eŋa mɛŋa en boti se'em, la a zu'uhegɔ zuo. Zu'uhegɔ kuna wa dikɛ bo' tu doohe la Kiresta Yezu puan, diimen diimen ha,

2 Timoti 4:18

Daana la wan faaɛ mam be'em zaberɛ woo puan bahɛ, gee tara mam kɛ̃ a saazuo sɔ'ɔlum la puan. Eŋa en sɔi na'ahegɔ wuuha wuuha. Taari.

Hiburuduma 3:1

Bala zuo n suurɔ, n tuulum nɛre tadaanduma Yinɛ saazuo yi'a wa puan wa, bihɛ ya suŋa suŋa Yezu en de tuntuna, gee dɛna malema kiima bo' tumam sakerɛ yelehum la wa la,

Yemesi 1:1

Yemesi en de yameŋa bo' Yinɛ la Daana Yezu Kiresta la, en gulehɛ gɔŋɔ wa bɔ'ɔra yizuto pia la tuyi' la en nɔgɛ bɔna zi'an woo la. Mam pu'uheri ya na.

1 Pita 1:2

Sɛba ti Yinɛ en de Sɔ la daa pun te'ele looe ba, maahum ba, gee duuhe ba la a Fa'a Sia la, ti ba nana Yezu Kiresta, gee ti a miihi ba la Yezu ziim la. Zu'uhegɔ la suma'ahum zo'e zo'e dɛna ya dinɛ.

1 Pita 1:5

Yamam sɛba ti Yinɛ paŋa gu'ura ya doohe ya sakerɛ puan la, ya faarɛ la wan niiɛ ba'ahegɔ saŋa la na.

1 Pita 2:9

Gee yamam dela buuri se'ere ti Yinɛ looe, ya dela malemaduma nabiihi, dɛna tuulum timpaberɛ, Yinɛ mɛŋa nɛreba, ti ya muulɛ tuunkãra sɛ'a en de se'em daana en yi' ya lika puan yehe niihum kãtɛ puan na la dinɛ.

1 Pita 5:10

Ti ya han namehɛ yuue fii wa, Yinɛ en de zu'uhegɔ za'a daana la, se'em en yi' ya ti ya wa'am na bɔna sunsɛka en ka tari ba'ahegɔ Kiresta puan la, a mɛŋa wan lebehe ze'ele ya, te'ele ya, kpemehe ya, gee sɛ ya ze'ele kankaŋi.

2 Pita 1:1

Mam Simɔn Pita, en de yameŋa, dɛna Yezu Kiresta tuntuna la, en gulehɛ bɔ'ɔra sɛba en doohe Yinɛ la Faara Yezu Kiresta tuntɔɔnɛ la puan to'e sakerɛ en de tuulum lɔkɔ wuu tumam dinɛ la.

Azudi 1:21

Dikɛ ya mɛhi iŋɛ Yinɛ nɔŋerɛ la puan, gee la ya biha tu Daana Yezu Kiresta nimbɔ'zɔrɛ la en dole yɛ'a vom kamba'ahɛ puan la.

Azudi 1:3

N sunɔŋerɛ duma wa, wuu mam en ma'ɛ n mɛŋa maahena ti n gulehɛ faarɛ se'ere ti tu tara wa yele bo' ya na la, mam bihɛ ti la nari mɛ ti n gulehɛ yele ya ti, nɛra woo zabɛ a sakerɛ se'ere ti Yinɛ dikɛ bo' tu buyina la zuo.