Azã 9:16 - ZE'ELEGO PAALEGA

¹⁶ Ti Farasii duma la basɛba yeti, “Burasɛka n iŋɛ ŋwana wa ka ze'ele Yinɛ zi'an na, se'ere en sɔi la, a ka na'aheri vo'ohego dabeherɛ la.” Gee basɛba me yeti. “Ŋwani ti nɛra n de be'em daana wan ta'am tuna daalehum buna taaba?” Ti ba welehi taaba.

Farefare Ninkaré

¹⁶ Tɩ Farisi dõma basɛba yetɩ: «Nẽr-ẽna wã ka ze'ele Nawẽnnɛ zẽ'am wa'am, se'ere n soe la, a ka sakrɩ vo'osgo daarɛ sisgo.» Tɩ basɛba yetɩ: «Nẽra n de tõon-be'ero dãana wʋn ẽŋɛ la wãne tõm tõon-yãlma wãna?» Tɩ welgre kẽ Farisi dõma la tẽŋasʋka.

Azã 9:16 ပူးပေါင်းရင်းမြစ်များ

Amatie 12:10

Bihɛ, ti buraa bɔna bini ti ka nu'o ki. Ti ba soke Yezu yeti, “La de ma'a, ti ba tibera vo'ohego dabeherɛ yo'?” Ba soke ŋwana la ba ta'am zɛregɛ en.

Amatie 12:2

Farasiiduma la en nyɛ ŋwana la, ba yele en yeti, “Bihɛ, fum zahereba la iti la sɛla en dagi ba iŋɛ vo'ohego dabeherɛ puan.”

Aluki 13:14

Gee zamehegɔ yire nɛŋadaana la, suure nyiie mɛ la Yezu, la eŋa n tibɛ pɔka la vo'ohego daarɛ la, nyaa nyɔna yɛta nɛrekuuŋɔ la yeti, “Dabeha ayoobe en de tuuma dabeha, wa'am ya dabeha aŋa puan na to'e tibegɔ, gee dagi vo'ohego dabeherɛ la puan.”

Azã 10:19

Ti Yuuduma la le welehi taaba yetɔgebuna wa zuo.

Azã 14:11

Nam bo' mam ti mam boi mɛ la n Sɔ la, ti n Sɔ la bɔna la mam. Gee fum han pun ka nam, tuuma la mɛŋa zuo, fum dela fum nam bo' mam.

Azã 15:24

Mam han ka ze'ele ni ba nɛŋan tum daalehum sebo taaba ti nɛra kan ta'am tum wa, ba ka tari ni tuure. Gee nananawa, ba pun nyɛ mɛ, gee ti ba sina gee yaaɛ mam la n Sɔ la.

Azã 2:11

Yezu en tum dina wa. A yia daalehum n ŋwana, Kana n boi Galilii sɔ'ɔlum puan la, niiɛ a suŋa, ti a zahereba la nam en.

Azã 3:2

Ti a wa'am Yezu zi'an yu'uŋɔ kuyima na, soke en yeti, “Rabi, tu mi' ti fum dela pa'ala en ze'ele Yinɛ mɛŋa zi'an na. Se'ere n sɔi la, nɛra ka boi wan ta'am tum daalehum sɛ'a ti fum tuna wa han dagena Yinɛ n boi la a daana.”

Azã 5:10

Bala ti Yuuduma la yele buraa wa n nyɛ ka tibegɔ wa yeti, “Zina dela vo'ohego dabeherɛ, la dagi ma'a ti fum ziira suŋɔ.”

Azã 5:36

Gee mam tari la yelehum n gani Yɔn. Tuunsɛ'a ti n Sɔ dikɛ bo' mam ti n tum ba'ahɛ la, tuun aŋa ti n tuna wa. Ŋwana wa pa'alɛ mɛ ti, Sɔ la n tum mam na.

Azã 6:52

Ŋwana ti Yuuduma la pɔhɛ ŋmɛ'ɛra nɔkpe'ene tuulɛ la ba mɛhi yeti, “Ŋwani ti buraa kana wa wan dikɛ ka inganɛ bo' tumam ti tu obe?”

Azã 7:12

Ti gugeleŋɔ bɔna nɛrekuuŋɔ la puan Yezu yele. Ti sɛba yɛta ti, “A dela nɛresuŋɔ,” ti sɛba me yɛta ti, “Aayi, a pã'ahɛ la nɛrekuuŋɔ la.”

Azã 7:23

Ba han ŋma buraa vo'ohego dabeherɛ ti la da galum Moose pa'alegɔ la, wani ti yamam iŋɛ suure la mam ti n tibɛ nɛra iŋa za'a vo'ohego daarɛ la?

Azã 7:43

Ti welegere sige nɛrekuuŋɔ la tiŋasuka, Yezu zuo.

Azã 9:24

Ti ba le yi' buraa wa n tabelɛ dɛna fua wa buyi' puan na yele en yeti, “Pɛgɛ Yinɛ! Tumam mi' ti burasɛka n tibɛ fum wa dela be'em daana.”

Tõoma 14:4

Gee tiŋa la nɛreba zo'e zo'e welehi mɛ buyi, ti basɛba pa' Yuuduma la n ka sakɛ yelehum la poore, ti basɛba me pa' Yezu tuntuneba la poore.