Azã 8:32 - ZE'ELEGO PAALEGA

³² Ya wan mina yelemɛŋerɛ la, ti yelemɛŋerɛ la bahɛ ti ya bɔna fai.”

Farefare Ninkaré

³² La ya wʋn bãŋɛ sɩra, la sɩra la wʋn to'oge ya basɛ.»

Azã 8:32 ပူးပေါင်းရင်းမြစ်များ

Amatie 11:29

Dikɛ ya mam yɔka la yɔgɛ ya mɛhi, gee zamehɛ mam zi'an, Se'ere en sɔi la, mam dela nɛre ma'ma', gee sigehe n mɛŋa n suure puan. Ya wan nyɛ vo'ohego bo' ya sɛɛhi.

Azã 1:14

Ti se'em ti ba yi'ira Yelehum wa, ta lebege asaala, bɔna la tɔ, ti tu nyɛ a suŋa, sunsɛka en pa'ali ti a dela Sɔ dayɔba'arɛ, pirɛ la zu'uhegɔ, la yelemɛŋerɛ.

Azã 1:17

La de asira ti Ze'elego la doohe la Moose puan na, gee zu'uhegɔ, la yelemɛŋerɛ ze'eti la Yezu Kiresta puan na.

Azã 14:6

Ti Yezu yele en yeti, “Mam n de sore la, la yelemɛŋerɛ la, la nyɔvore la. Se'em kan ta'am paaɛ Sɔ la zi'an, han dagena a doohe la mam puan.

Azã 16:13

Gee se'em en de Sia yelemɛŋerɛ la han ta wa'am na, a wan gu'ura ya ti ya mina yelemɛŋerɛ la za'a. Se'ere n sɔi la, a ka yeti a tɔgera la a mɛŋa yetɔgum, gee a wan tɔgɛ la sɛla woo ti a wum Yinɛ zi'an, ti a wan muulɛ bo' ya yele sɛ'a n wan wa'am na.

Azã 17:17

Pee ba ze'ele la yelemɛŋerɛ. Fum yelehum la n de yelemɛŋerɛ la.

Azã 6:45

La gulehɛ bɔna nɔtɔgeheba gɔŋɔ puan yeti, ‘Yinɛ mɛŋa wan pa'alɛ ba za'a.’ Se'em woo n wum Sɔ la kua, gee zamehɛ Sɔ la zi'an n ye' mam zi'an na.

Azã 7:17

Se'em woo n maahum ti a tum Yinɛ sumboolum, wan baŋɛ nyaa pa'alegɔ kuna wa ze'ele la Yinɛ zi'an na bii, mam tɔgeri la n mɛŋa puti'irɛ.

Azã 8:36

Bala zuo, dayua la han faaɛ fum bahɛ, fum yeti fum sirum bɔna la fai.

Aromduma 6:22

Gee nananawa ti ba nyaa faaɛ ya be'em puan bahɛ fai, gee ti ya dɛna Yinɛ da'aberɛ wa, sum sebo ti ya nyɛ dela sakerɛ. Ti de ba'ahegɔ dɛna la vom kamba'ahɛ.

Aromduma 8:15

Ŋwana zuo la Ya ka to'e la Sia sɛka en bahɛ ti ya dɛna da'aba, le lu dabeem puan, gee ya to'e la Sia sɛka en bahɛ ti ya dɛna sɛba ti ba to'e ya bihera. Bala n bahɛ ti tu ni kaahɛ yeti “Aba” “Tu Sɔ suŋɔ.”

Aromduma 8:2

Beni zuo, ze'elego seko en boi Fa'a Sia la en de vom Kiresta Yezu puan la, faaɛ ya bahɛ la fai, ze'elego seko en tari be'em la kum la nu'uhen.

1 Korẽntɩ 7:22

Se'ere en sɔi la, se'em ti ba yi' en ti a dɛna da'aberɛ Daana la puan, dela se'em en boi fai, dɛna Daana la dinɛ, wuu se'em en daa boi fai gee ti Yinɛ yi' fum ti fum dɛna da'aberɛ se'em bo' Kiresta la.

Galatɩ 5:1

Han dɛna fai, Kiresta en faaɛ tu bahɛ fai. Ze' ya kankaŋi bala zuo la, gee da le dikɛ ya mɛhi bo' da'aberɛ yɔgehega la.

Galatɩ 5:13

Ba yi' ya wa'am la fai puan na, n suurɔ, gee da dikɛ ya fai kana wa galena ya mɛhi. Gee tugum doohe ya nɔŋerɛ puan, tuna bɔ'ɔra taaba suŋa suŋa.

2 Timoti 3:7

ti ba pa'ala ba saŋa woo gee ba kan malum baŋɛ yelemɛŋerɛ la.

Yemesi 1:25

Gee sɛba en bihɛ nɔze'ele seko en ka tari gbelegere la, fai nɔze'elego la en ka tari gbelegere la, tara kɔ, dagena kɛleheba sɛba en tameni, gee sɛba en tari tuna, ba wan nyɛ sum ba itegɔ la puan.

Yemesi 2:12

Bala, tɔgera gee ita wuu sɛba ti ba wan gakɛ la fai bɔŋa ze'elego la.

1 Pita 2:16

Yamam en de Yinɛ yamehi la, vɔni ya fai, gee la bala za'a, da dikɛ ya fai bɔŋa la tuna be'em.

2 Zã 1:1

Kiima la en gulehɛ bɔ'ɔra pɔgesɛka ti Yinɛ looe la, la ka kɔma, ti mam nɔŋɛ ba yelemɛŋerɛ la puan. Dagi mam ma'a, la sɛba woo en me mi' yelemɛŋerɛ la.