Azã 7:39 - ZE'ELEGO PAALEGA

³⁹ Yezu n yeti ŋwana la dela, Fa'a Sia la ti sɛba n nam en la wan to'e la. Saŋa kana wa puan la, ti Fa'a Sia la nan ka wa'am na se'ere n sɔi la, Yezu nan ka to'e a suŋa.

Farefare Ninkaré

³⁹ Azezi n yele bɛla la, la de la Nawẽnnɛ Sɩa tɩ sɛba n bɔ'ɔrɩ ẽ sɩra la wʋn wa to'oge. Se'ere n soe la, Nawẽnnɛ daan nãn ka bɔ a Sɩa la, Azezi n daan nãn ka yẽ a na'am pãŋa la ĩyã.

Azã 7:39 ပူးပေါင်းရင်းမြစ်များ

Amatie 16:14

Ti ba yeti, “Sɛba yeti fum dela Yɔn Ko'sɔɔra la, ti sɛba me yeti fum dela Eliya, ti basɛba mɛ kelum yeti fum dela Yɛremiya bii nɔtɔgeheba la ayima.”

Amatie 21:11

Ti nɛrekuuŋɔ la en dole en la yeti, “Ena n de Yezu, dɛna nɔtɔgeha yehe Nazareti n boi Galilii puan la.”

Aluki 24:49

Nyaa bihɛ ya, n yeti n tum la mam Sɔ la n biŋe nuurɛ ti a iŋɛ se'em la. Bala, boni ya tinkana wa puan gura ti ba ta pirɛ ya la saazuo paŋa.”

Aluki 3:16

Ti Yɔn lerege ba za'a yeti, “Mam sɔɔri ya mɛ la ko'om wa, gee se'em en kpe'em gana mam kini na, mam ka nari n pun lorege a tagera mi'a. Eŋa wan sɔ ya mɛ la Fa'a Sia, la bugum.

Aluki 7:16

Ti dabeem kɛ̃ nɛra woo, ti ba dikɛ pɛka bo' Yinɛ yeti, “Yinɛ nɔtɔgeha kãtɛ n boi la tɔ.” Gee le yeti, “Yinɛ n kaaɛ a nɛreba wa bihɛ!”

Azã 1:21

Ti ba soke en yeti, “Gee fum nyaa dela ani? Fum dela Elia?” Ti a lerege ba yeti, “Aayi mam dagi.” “Gee fum dela nɔtɔgeha?” Ti a yeti, “Aayi.”

Azã 1:25

Bala ti ba le soke Yɔn yeti, “Gee beni ti fum sɔɔra nɛreba wa ko'om gee dagena Kiresta la, bii Elia, bii nɔtɔgeha?”

Azã 1:33

Mam mɛŋa la ka mi' en, gee se'em en tum mam na ti n bo' nɛreba ko'omsua la en yele mam yeti, ‘Se'em ti fum nyɛ ti Fa'a Sia la sige na yagelɛ a zuo la, eŋa en de se'em n sɔɔri nɛreba la Fa'a Sia la.’

Azã 12:16

Yezu zahereba la ka bɔkɛ yele ana wa yia yia ha la, gee Yezu n da ta to'e a suŋa ba'ahɛ la, ti ba nyaa tiɛ ti yele ana wa woo gulehɛ bɔna gɔŋɔ la puan mɛ doohe Yezu puan, ti ba dikɛ a za'a iŋɛ en.

Azã 12:23

Ti Yezu lerege ba yeti, “Saŋa la paaɛ ya ti asaala dayua la nyɛ pɛka.

Azã 14:13

N wan iŋɛ sɛla woo ti ya soke bɔta mam yu'urɛ puan, ti Sɔ la nyɛ pɛka dayua la puan.

Azã 14:26

Gee Tɛ'ɛla la kini na, Fa'a Sia la. Se'em ti Sɔ la wan tum en na mam yu'urɛ puan la. Eŋa wan pa'alɛ ya sɛla woo, gee tiiha ya sɛla woo ti mam yele ya la.

Azã 16:14

A wan bo' mam pɛka, se'ere n sɔi la, a wan dikɛ la sɛla n de mam dinɛ, muulɛ bo' ya.

Azã 16:7

Gee la bala za'a, mam yeti ya la yelemɛŋerɛ wa, ti yamam sum zuo, la ani suŋa ti mam kiŋɛ. Se'ere n sɔi la, mam han ka kiŋɛ Tɛ'ɛla la kan wa'an ya zi'an na. Gee mam han kiŋɛ, n wan tum en ya zi'an na.

Azã 17:1

Yezu n tɔgɛ yele ana ba'ahɛ la, a gorege tɔ la saazuo, gee yeti, “N Sɔ, saŋa la paaɛ ya. Pɛgɛ fum Dayua wa, ti Dayua la me pɛgɛ hɔ.

Azã 17:5

Bala nananawa n Sɔ, bahɛ ti n nyɛ pɛka fum nɛŋan. Pɛka sɛka ti n daa pun tara fum nɛŋan gee ti timpaberɛ wa baŋɛ naam la.

Azã 20:22

En yele ba ŋwana ba'ahɛ la, a pebele la sabeeo tuule ba, gee yele ba yeti, “To'e ya Fa'a Sia la.

Azã 6:14

Nɛreba la n nyɛ daalehum kana wa ti Yezu tum la, ti ba pi'ilum yɛta yeti, “Ena n sirum de nɔtɔgeha se'em n wan wa'am timpaberɛ wa zuo na la.”

Azã 7:12

Ti gugeleŋɔ bɔna nɛrekuuŋɔ la puan Yezu yele. Ti sɛba yɛta ti, “A dela nɛresuŋɔ,” ti sɛba me yɛta ti, “Aayi, a pã'ahɛ la nɛrekuuŋɔ la.”

Azã 8:54

Ti Yezu lerege ba yeti, “Mam han na'ahera n mɛŋa, n mɛŋa na'ahegɔ kuŋɔ dela yoo. La dela mam Sɔ la n na'aheri mam, Eŋa n bala ti ya yeti, ‘Yinɛ ma'a n de tumam Yinɛ la,’

Tõoma 19:2

Ti a yele ba yeti, “Yan lebege sakereba la, ya to'e Fa'a Sia la?” Ti ba lerege yeti, “Aayi, tumam pun ka wum ti Fa'a Sia boi.”

Tõoma 2:17

‘Yinɛ yeti, Ba'ahegɔ dabeha la puan, N wan ka'ɛ Sia la bahɛ saaleba woo zuo, ti ya dayɔɔhi la poyɔɔhi wan purɛ mam yelehum la, ti ya bumbile-paalehi nyɛta lilegere, ti ya buranya'ahi zaahena zaaheŋɔ.

Tõoma 2:33

En nyaa paaɛ zi'ire Yinɛ na'am paŋa kuka la zuo la, a to'e Fa'a Sia la ti Yinɛ n de Sɔ biŋe nuurɛ ti a wan bahɛ ti a wa'am na la, bala ti a ka'ɛ ŋwana wa bahɛ tumam zuo, ti ya za'a nini nyɛ ti ya tuba wum

Tõoma 2:38

Ti Pita yele ba yeti, Tee ya suya, ya za'a ayima ayima to'e ko'om sua Yezu Kiresta yu'urɛ la puan, ti Yinɛ di sugeri bo' ya be'em la, gee ti ya to'e Fa'a Sia la bo'olum la.

Tõoma 2:4

Ti Fa'a Sia la pirɛ ba za'a, ti ba pɔhɛ tɔgera yetɔgesaahi yima yima, wuu Fa'a Sia n bo' ba paŋa se'em la.

Tõoma 3:13

La dela Aberaham Yinɛ la, Aziki Yinɛ la, la Yakɔbe Yinɛ la. Tu sɔyaabeduma Yinɛ la en na'ahɛ a dayua Yezu, se'em ti ya daa yehe en tihɛ, ze'ele Palete nɛŋan zagehɛ en, la Palete n daa pun iŋɛ a puti'irɛ ti a bahɛ en la za'a.

Tõoma 4:31

Ban pu'uhɛ la, zi'an la ti ba lagehɛ bɔna la miim mɛ, Ti Fa'a Sia la pirɛ ba za'a ti ba tɔgɛ Yinɛ yelehum la la sukpe'ene.

Aromduma 8:9

Gee yamam wa la ka boi inganɛ puan. Ya boi la Fa'a Sia la puan, Yinɛ Sia la han sirum bɔna la ya. Gee se'em woo en ka tari Kiresta Sia la a puan, dagi Kiresta dinɛ.

2 Korẽntɩ 3:8

Niihum kãtɛ boni taaba n wan dɔla Sia tuuma yɛla wa!

Efɛɛzɩ 4:30

Me da dɛgɛ ya Yinɛ Fa'a Sia la suure, sɛ sɛka ti Yinɛ di'e ya, daalɛ ya a mɛŋa daalehum gura faarɛ daarɛ la.