Azã 6:40 - ZE'ELEGO PAALEGA

⁴⁰ Dina wa n de mam Sɔ la suboolum yelemɛŋerɛ, ti sɛba woo n nyɛ Dayua la gee nam bo' ka la, wan tara vomkanba'ahɛ, ti n ta vo'e ba ba'ahegɔ daarɛ la.”

Farefare Ninkaré

⁴⁰ Mam Sɔ la n tõm mam na n boorɩ se'em de la sɛka woo n yẽ a Dayʋa la, dee bɔ ẽ sɩra wʋn yẽ vɔm n ka ba'asrɩ. Mam wʋn vo'oge ẽ dũnia ba'asgɔ daarɛ.»

Azã 6:40 ပူးပေါင်းရင်းမြစ်များ

Amatie 10:15

N yeti ya la yelemɛŋerɛ ti, gakerɛ daarɛ la, la wan ta ana ma'ma' bo' Sodom la Gomora tihi gana tinkaŋa taaba.

Amatie 25:46

Ti bana wa wan kiŋɛ namehegɔ seko n ka tari ba'ahegɔ puan, gee ti tuuntɔɔ duma la me kɛ̃ vom kamba'ahɛ puan.”

Amarkɩ 16:16

Se'em woo n sakɛ bo' yelehum la gee sɔ ko'om n wan nyɛ faarɛ, gee se'em woo me n ka sakɛ wan nyɛ sageŋɔ.

Aluki 2:30

Se'ere en sɔi la, mam nini nyaa nyɛ fum faarɛ la,

Azã 1:14

Ti se'em ti ba yi'ira Yelehum wa, ta lebege asaala, bɔna la tɔ, ti tu nyɛ a suŋa, sunsɛka en pa'ali ti a dela Sɔ dayɔba'arɛ, pirɛ la zu'uhegɔ, la yelemɛŋerɛ.

Azã 10:28

Mam bo'ori si la vomkanba'ahɛ, ti si kan malum bahɛ yoo. Se'em me ka boi wan ta'am zɛ piihi wa mam nu'en faaɛ.

Azã 11:24

Ti Maata lebehe Yezu yeti, “Mam mi' ti a wan ta vo'e la ihigere daarɛ la n de ba'ahegɔ daarɛ la.”

Azã 11:25

Ti Yezu yele en yeti, “Mam n de ihigere la, la vom la. Se'em n nam mam, la han pun ki, gee ba wan vo'e,

Azã 12:45

Se'em woo me n nyɛ mam, a nyɛ se'em daana n tum mam na la mɛ.

Azã 12:50

Mam me mi' suŋa ti eŋa n boti n yele se'ere dela vomkanba'ahɛ yele. Bala zuo, mam n tɔgeri sɛla la dela Sɔ la n kɔ'ɔm bɔta ti n tɔgɛ se'em n bala.”

Azã 14:17

Eŋa en de Fa'a Sia la n de yelemɛŋerɛ la, se'em ti Timpaberɛ wa zuo kan to'e en, Se'ere n sɔi la, timpaberɛ wa zuo nɛreba ka nyɛti en, bii ba mina en. Gee yamam mi' en se'ere n sɔi la, a boi mɛ la ya, gee wan kelum bɔna la ya.

Azã 14:19

La han iŋɛ fiiwa, timpaberɛ wa zuo nɛreba kan le nyɛ mam, gee yamam wan nyɛ mam. Mam vɔi la, yamam me wan vɔna.

Azã 17:2

Fum n bo' mam kpe'eŋo ti n sɔna asaala woo, la n dikɛ vomkanba'ahɛ bo' sɛba woo ti fum dikɛ bo' mam la.

Azã 3:36

Se'em woo n nam dayua la tari la vom kamba'ahɛ. Se'em me n zagehɛ dayua la ka tari vom, gee Yinɛ sunsunyiim n boi a daana zuo.

Azã 4:14

Gee sɛba woo n nyu ko'sebo ti mam wan bo' ba la, ko'nyuuro kan le malum tara bamam duma. Gee ko'sebo ti mam wan bo' ba la, wan lebege la bulega ba puan bula vom ko'om yɛ'ɛha vom en kamba'ahɛ puan.”

Azã 5:24

N yeti ya la yelemɛŋerɛ yelemɛŋerɛ wa. Se'em woo n wum mam yelehum wa, gee nam se'em daana n tum mam na la, tari la vomkanba'ahɛ. Ena daana ka boi gakerɛ puan. A daana tee mɛ kum puan wa'am vom puan na.

Azã 6:27

Da tuni ya ɛɛra disɛka n wan ba'ahɛ, gee tuni ya ɛɛra disɛka n wan bɔna wuuha, bo' ya vom kamba'ahɛ, sebo ti mam Asaala Dayua wa wan bo' ya la. Se'ere en sɔi la, mam ma'a ti Yinɛ n de Sɔ la daalehum bɔna a puan.”

Azã 6:39

Ti dina wa n de se'em daana n tum mam na la sumboolum yelemɛŋerɛ. Ti n da bɔregɛ se'em, sɛba woo ti a dikɛ bo' mam la puan bahɛ, gee n ihige ba ba'ahegɔ daarɛ.

Azã 6:44

Nɛra kan ta'am wa'am mam zi'an na, han dagena Sɔ la n tum mam na la mɛŋa n ve'e en na. Ti n me wan vo'e nɛre eŋa daana ba'ahegɔ daarɛ la.

Azã 6:54

Se'em en obe mam inganɛ, gee nyu mam ziim la n wan tari vomkanba'ahɛ, ti n ihige en ba'ahegɔ daarɛ.

Azã 8:56

Ya yaaba Aberaham yuum nyɛɛni mɛ ti a nyɛ mam kinɛ dabeherɛ la. En yuum nyɛ mam kinɛ la, a puurɛ yuum pee mɛ.”

Aromduma 5:21

bala, be'em n pa'ali a paŋa kum puan se'em la, bala mɛa ti zu'uhegɔ wan pa'alɛ a paŋa doohe buurɔ, yu'ura sore bɔ'ɔra vom kamba'ahɛ sebo en boi Yezu Kiresta tu Daana puan la.

Aromduma 6:23

Se'ere en sɔi la, be'em yɔɔrɛ dela kum, gee Yinɛ zaŋa bo'olum la ti a bo' la, dela vom kan ba'ahɛ, Kiresta Yezu tu Daana la puan.

2 Korẽntɩ 4:6

Se'ere en sɔi la, la dela Yinse'ere n daa yeti, “Bahɛ ti niihum ze'ele lika puan niiɛ na la,” Yinɛ dinɛ mɛa n niiɛ tumam suya puan, ti a bo' tu a mi'ilum niihum la, n de Yinɛ suŋa niira Yezu Kiresta nɛŋa puan la.

Hiburuduma 11:1

Nananawa, sakerɛ dela suure en ku gura beere puti'irɛ, suure en kɔ'ɛ gura sɛla ti nini ka nyɛ.

Hiburuduma 11:27

Sakerɛ zuo ti a bahɛ Igipiti, ka zɔta dabeem la naba la sunsunyiim la. A yuum kɔ'ɔm ŋmibera mɛ kina wuu a nyɛ la se'em daana ti ba ka nyɛta la.

1 Pita 1:8

La yan pun ka nyɛ en la, ya nɔŋɛ en mɛ. La yan pun ka nyɛ en nananawa la, ya nam en mɛ, gee nyɛɛna mɛ la nyɛɛma kãtɛ sɛ'a en ka tari tɛka pirɛ suŋa.

1 Zã 2:25

Sɛla ti Yinɛ mɛŋa biŋe nuurɛ la tɔ n ŋwana, Yinɛ vom sumɔ n kamba'ahɛ.

Azudi 1:21

Dikɛ ya mɛhi iŋɛ Yinɛ nɔŋerɛ la puan, gee la ya biha tu Daana Yezu Kiresta nimbɔ'zɔrɛ la en dole yɛ'a vom kamba'ahɛ puan la.