Azã 6:27 - ZE'ELEGO PAALEGA

²⁷ Da tuni ya ɛɛra disɛka n wan ba'ahɛ, gee tuni ya ɛɛra disɛka n wan bɔna wuuha, bo' ya vom kamba'ahɛ, sebo ti mam Asaala Dayua wa wan bo' ya la. Se'ere en sɔi la, mam ma'a ti Yinɛ n de Sɔ la daalehum bɔna a puan.”

Farefare Ninkaré

²⁷ Da tõnna-ya dia n wʋn sã'am ĩyã, tõnna-ya di-sɛba n bɔ'ɔrɩ vɔm n ka ba'asrɩ ĩyã, Nẽrsaala Dayʋa n wʋn bɔ ya vɔm ẽŋa. Se'ere n soe la, la de la ẽŋa tɩ Nawẽnnɛ n de Sɔ la bɔ ẽ a nõorɛ.»

Azã 6:27 ပူးပေါင်းရင်းမြစ်များ

Amatie 17:5

En boi bini tɔgera la, ti sagbanɛ en nyagere n bala wa'am na pi' ba. Ti kua ze'ele sagbanɛ la puan tɔgɛ bahɛ na yeti, “Mam dayua n ŋwana, se'em ti mam nɔŋɛ paaɛ paaɛ. Mam nini n tigɛ la se'em n bala, kɛleha ya en.”

Amatie 25:46

Ti bana wa wan kiŋɛ namehegɔ seko n ka tari ba'ahegɔ puan, gee ti tuuntɔɔ duma la me kɛ̃ vom kamba'ahɛ puan.”

Amatie 3:17

Ti kua ze'ele saazuo tɔgɛ bahɛ na yeti, “Mam mɛŋa Dayua n ŋwana, se'em ti n nɔŋɛ, se'em ti n nini tigɛ la en.”

Amatie 6:19

“Da kã'ahera ya lɔgerɔ biŋera ya mɛhi timpaberɛ wa zuo, zi'an ti guŋa wan mɔgɛ, ti tiŋan-ziim di, bii nageyigehi kɔ' kɛ̃ zu.

Amatie 8:20

Yezu lebehe en yeti, “Piini tari yogero mɛ kɛ̃'ɛ̃ra, ti niihe tara tugerɔ me kɛ̃'ɛ̃ra, gee Asaala Dayua wa ka tari zi'an ti a wan dikɛ a zuo kugelɛ.”

Amarkɩ 1:11

Ti kua ze'ele saazuo tɔgɛ bahɛ na yeti, “Fum en de mam Dayua, se'em ti n nɔŋɛ, ti n nini tigɛ la en.”

Amarkɩ 9:7

Ti sagbanɛ zibege na pi' ba, ti kua ze'ele sagbanɛ la puan tɔgɛ bahɛ na yeti, “Mam mɛŋa Dayua n ŋwana, se'em ti mam nɔŋɛ, kelehe ya en!”

Aluki 3:22

Ti Fa'a Sia la sige a zuo na, la naanɛ en ani wuu dayene la. Ti kua ze'ele saazuo ha tɔgɛ bahɛ na yeti, “Fum en de mam Dayua ti n nɔŋɛ, mam nini tigɛ mɛ la fum.”

Aluki 9:35

Ti kua ze'ele sagbanɛ la puan tɔgɛ bahɛ na yeti, “Mam dayua n ŋwana, mam dayɔba'arɛ n ŋwana, kelehe ya en.”

Azã 10:28

Mam bo'ori si la vomkanba'ahɛ, ti si kan malum bahɛ yoo. Se'em me ka boi wan ta'am zɛ piihi wa mam nu'en faaɛ.

Azã 11:42

Mam mi' ti saŋa woo, fum kelehe mam mɛ, gee n yeti ŋwana wa la nɛrekuuŋɔ wa n ze' ka'lam wa zuo, ti ba ta'am nam ti fum n tum mam na.”

Azã 14:6

Ti Yezu yele en yeti, “Mam n de sore la, la yelemɛŋerɛ la, la nyɔvore la. Se'em kan ta'am paaɛ Sɔ la zi'an, han dagena a doohe la mam puan.

Azã 15:24

Mam han ka ze'ele ni ba nɛŋan tum daalehum sebo taaba ti nɛra kan ta'am tum wa, ba ka tari ni tuure. Gee nananawa, ba pun nyɛ mɛ, gee ti ba sina gee yaaɛ mam la n Sɔ la.

Azã 17:2

Fum n bo' mam kpe'eŋo ti n sɔna asaala woo, la n dikɛ vomkanba'ahɛ bo' sɛba woo ti fum dikɛ bo' mam la.

Azã 3:15

Ti se'em woo en nam en, wan tara vom kamba'ahɛ.

Azã 3:33

Gee se'em woo n nam bo' a yelehum la nam la yele dina wa, ti Yinɛ dela yelemɛŋerɛ.

Azã 6:40

Dina wa n de mam Sɔ la suboolum yelemɛŋerɛ, ti sɛba woo n nyɛ Dayua la gee nam bo' ka la, wan tara vomkanba'ahɛ, ti n ta vo'e ba ba'ahegɔ daarɛ la.”

Azã 6:47

N yeti ya la yelemɛŋerɛ yelemɛŋerɛ wa, ti se'em woo n nam tari la vomkanba'ahɛ.

Azã 6:51

Mam n de vom boroboro la, ze'ele saazuo sige na la. Se'em woo en obe boroboro dina wa wan vɔna wuuha. Boroboro se'ere ti mam yeti n dikɛ bo' timpaberɛ wa ti ba tara vom la dela mam inganɛ wa.”

Azã 6:53

Ti Yezu yele ba yeti, “Yelemɛŋerɛ yelemɛŋerɛ ti n yɛta wa, ti han dagena ya obe la mam asaala dayua wa inganɛ, gee nyu mam ziim, ya kan tara vom ya puan.”

Azã 6:54

Se'em en obe mam inganɛ, gee nyu mam ziim la n wan tari vomkanba'ahɛ, ti n ihige en ba'ahegɔ daarɛ.

Azã 6:58

Boroboro dina n ze'ele saazuo sige na, de ka ani wuu ya yaabeduma n yuum di boroboro gee kelum ki la. Gee fum se'em en boroboro dina wan vɔna wuuha.”

Azã 6:62

Gee ya nyaa han ta nyɛ ti asaala dayua wa lebe zɔna zi'an ti a daa pun bɔna la ya wan yeti bu?

Azã 6:68

Ti Simɔn Pita lerege en yeti, “Daana, to yeti tu kiŋɛ ta paaɛ la ani? Fum n tari vomkanba'ahɛ yelehum la.

Azã 8:18

Mam tɔgɛ la n mɛŋa yele, ti Sɔ se'em n tum mam na la, me tɔgɛ n yele.”

Tõoma 10:38

Yinɛ n bi'ihɛ Yezu en yehe Nazareti na la, la Fa'a Sia, la paŋa se'em, la en yuum eere tuna sum se'em, gee tibera sɛba woo ti Sagena la mugeha ba, se'ere n sɔi Yinɛ en boi la en zuo.

Tõoma 2:22

“Yamam sɛba n de Izirale buuri wa, kelehe ya mam n tari se'ere ti n yele wa. Yezu n de Nazareti buraa la, dela buraa n tari tuunɛ ti Yinɛ pun maahum en, gee tum daalehum a puan doohe paŋa, nyalema la daalehum ya tiŋasuka, ti la niiɛ pa'alɛ ya ti Yinɛ n sirum looe en wuu ya mɛhi n mi' se'em la,

Aromduma 4:11

Aberaham daa to'e ŋmaa daalehum la mɛ ti la dɛna sɛla n pa'alɛ a tuntɔɔnɛ la ti a to'e la sakerɛ la, ti a nan ka ŋma. Iti kuna wa dela, la iŋɛ ti a dɛna yaaba bo' sɛba woo en nam gee ka ŋma la, n yeti la sɛba ti Yinɛ bihɛ nyɛ ba ti ba dɛna tuuntɔɔ duma la.

Aromduma 6:23

Se'ere en sɔi la, be'em yɔɔrɛ dela kum, gee Yinɛ zaŋa bo'olum la ti a bo' la, dela vom kan ba'ahɛ, Kiresta Yezu tu Daana la puan.

1 Korẽntɩ 6:13

“Dia dela puurɛ dinɛ, ti puurɛ me dɛna dia dinɛ,” gee Yinɛ wan sagum ba za'a. Inganɛ la ka boi la yaluntuuma zuo, gee de boi bo' la Daana la, ti Daana la me bɔna bo' inganɛ la.

1 Korẽntɩ 9:2

Mam han pun ka dɛna Yezu tuntuna bo' basɛba, gee la se'em se'em me, n de mɛ bo' yamam, se'ere en sɔi la, yamam en de mam daalehum pa'ala ti n dela Daana la tuntuna.

2 Korẽntɩ 4:18

Tumam n ka biheri sɛla n nyɛti, gee tu biheri la sɛla n ka nyɛti zuo, sɛla n nyɛ zina ka yuure, gee sɛla n ka nyɛti ka tari ba'ahegɔ.

Galatɩ 5:6

Beni zuo, Kiresta puan, fum ŋma ya yoo, fum ka ŋma yoo, la ka tari sɛla tɔ'ɔra. Yele se'ere ma'a en tari sɛla tɔ'ɔra dela, sakerɛ en dole nɔŋerɛ puan.

Filipi 2:13

Se'ere en sɔi la, la dela Yinɛ en boi ya puan tuna la ninmu'urɛ, bɔ'ɔra ya paŋa ti ya tana sakera gee tuna bɔ'ɔra a yu'urɛ la.

Kolɔsɩ 1:29

Dina zuo ti mam zigera la pansɛka woo ti a dikɛ iŋɛ mam puan la paŋa la inkpeŋere la.

Kolɔsɩ 2:22

Malema ana za'a tari bɔ'ɔra la sɛla en ni tum ta kuregɛ sagum. Ba yeen dɛna la asaala ze'elego la pa'alegɔ.

Kolɔsɩ 3:2

Bahɛ ya ti ya puti'ira bɔna la yele sɛ'a en boi tinsuŋan ha la, dagi yele sɛ'a en boi timpaberɛ wa zuo,

1 Tesaloniki 1:3

Tu tɛɛra tu Yinɛ en de tu Sɔ la nɛŋan ya sakerɛ tuuma, la ya nɔŋerɛ tuuma, la yan ze' se'em kankaŋi ya beere puti'irɛ la puan se'em tu Daana Yezu Kiresta puan la.

2 Timoti 2:19

Gee Yinɛ ɛ̃berɛ la kɔ'ɔm zɛ'a la kankaŋi, tara daalehum buna wa: “Daana la mi' sɛba en de a dinɛ.” Bala la, bahɛ ti “Sɛba woo en yi'iri Daana la yu'urɛ la yehe ba mɛhi be'em puan.”

Hiburuduma 12:16

Bihɛ ya mɛhi suŋa suŋa ti ya se'em da ana wuu Esɔ, se'em en ka ta' a mɛŋa, ka zɔta Yinɛ la, se'em en yuum koohe a kinɔ dia buyina ma'a zuo la.

Hiburuduma 4:11

Bala, bahɛ ya ti tu tiregɛ ya suŋa suŋa la tu ta'am kɛ̃ vo'ohego wa puan, ti se'em da bɔna ya puan lu doohe ka nam wuu bamam en yuum ka nam se'em la.

Yemesi 1:11

Se'ere en sɔi la, wuntɛɛŋa zoni mɛ na la tuulega, ku'ura vatɔ la, ti bu puuro woo luta, ti bu suŋa la Sagena. Bala mɛa ti buntateba wan ta bahɛ yoo ban mu'ɛ nini ba bumbɔrɛ la puan se'em la.

1 Pita 1:24

Se'ere en sɔi la, “Asaala woo ani mɛ wuu muɔ la ti ba suŋa za'a ana wuu mɔpuuro la. Muɔ ku'uri mɛ, ti mɔpuuro zɔgera,

2 Pita 1:17

Se'ere en sɔi la, a to'e la na'ahegɔ la pɛka Yinɛ en de Sɔ la zi'an. Doohe la kɔsɛka en wa ze'ele Pɛntiireba za'a Daana la zi'an tɔgɛ bo' en na yeti, “Mam Dayua en ŋwana, mam Dayɔba'arɛ, se'em ti mam nini tigɛ.”