Azã 5:23 - ZE'ELEGO PAALEGA

²³ ti bala ti nɛra woo wan na'aha dayua la wuu ban na'ahɛ Sɔ la se'em la. Fum se'em woo n ka na'ahɛ Dayua la, ka na'ahɛ sɔ se'em n tum en na la.

Farefare Ninkaré

²³ tɩ nẽrba wuu wʋn nã'asra Dayʋa la, wʋ ba nã'asrɩ a Sɔ la se'em na. La sɛka n ka nã'asrɩ Dayʋa la, a ka nã'asrɩ Sɔ la n tõm ẽ na.

Azã 5:23 ပူးပေါင်းရင်းမြစ်များ

Amatie 10:37

Se'em woo en nɔŋɛ a sɔ bii a ma gana mam ka nari ma. Se'em woo me n nɔŋɛ a dayua bii poyua gana mam ka nari mam.

Amatie 11:27

Mam Sɔ dikɛ sɛla woo iŋɛ la mam nu'uhen. Nɛra ka mi' dayua la, han dagena Sɔ la. Nɛra me ka mi' Sɔ la, han dagena dayua la, la se'em ti dayua la bɔta ti a lilege Sɔ la pa'alɛ en.

Amatie 12:21

A yu'urɛ puan ti sɛba en dagi Yuuduma me wan tara beere puti'irɛ.”

Amatie 15:8

‘Nɛrebana wa na'ahɛ mam mɛ la ba nɔya, gee ba suya zaaɛ mɛ la mam,

Amatie 28:19

Bala, kiŋɛ ya timpaberɛ wa zuo za'a, la ya maahum zahereba bo' mam. Sɔ ya ba ko'om doohe, Sɔ la, la Dayua la, la Fa'a Sia yu'urɛ puan,

Aluki 10:16

“Se'em woo en kelehe ya, kelehe la mam. Se'em woo me en zagehɛ ya, zagehɛ la mam. Ti se'em woo me en zagehɛ mam, zagehɛ la se'em en tum mam na la.”

Azã 14:1

“Da bahɛ ya ti ya suya daana, nam ya Yinɛ, gee nam mam me.

Azã 16:14

A wan bo' mam pɛka, se'ere n sɔi la, a wan dikɛ la sɛla n de mam dinɛ, muulɛ bo' ya.

Azã 17:10

Mam bunɔ za'a dela fum bunɔ. ti fum bunɔ dɛna mam bunɔ. Bama puan ti mam nyɛ pɛka.

Aromduma 1:7

Mam Pɔɔl n gulehɛ bɔ'ɔra la yamam sɛba woo ti Yinɛ nɔŋɛ ya, ti ya bɔna Arome tiŋa puan, ti Yinɛ yi' ya ti ya dɛna nɛresunduma la. Zu'uhegɔ dɛna ya dinɛ, ti suma'ahum en ze'eti Yinɛ en de tu Sɔ, la Daana Yezu Kiresta zi'an la dɛna ya dinɛ.

Aromduma 15:12

Azaaya yele pa'ahɛ yeti, “Yesi puan, nyɛgerɛ kini na, Se'em en wan ihege na bihera sɛba en dagi Yuda buuri la. Eŋa puan ti sɛba en dagi Yuda buuri la wan tara beere puti'irɛ.”

Aromduma 6:22

Gee nananawa ti ba nyaa faaɛ ya be'em puan bahɛ fai, gee ti ya dɛna Yinɛ da'aberɛ wa, sum sebo ti ya nyɛ dela sakerɛ. Ti de ba'ahegɔ dɛna la vom kamba'ahɛ.

Aromduma 8:9

Gee yamam wa la ka boi inganɛ puan. Ya boi la Fa'a Sia la puan, Yinɛ Sia la han sirum bɔna la ya. Gee se'em woo en ka tari Kiresta Sia la a puan, dagi Kiresta dinɛ.

1 Korẽntɩ 1:3

Zu'uhegɔ dɛna ya dinɛ, la suma'ahum en ze'ele Yinɛ en de tu Sɔ la, la tu Daana Yezu Kiresta zi'an na, bɔna la ya.

1 Korẽntɩ 10:31

Bala, ya diti mɛ, ya nyuuri mɛ, bii sɛla woo ti ya ita, iti ya sɛla woo ti Yinɛ yu'urɛ nyɛta pɛka.

1 Korẽntɩ 16:22

Bahɛ ya ti ka'be'o dɔla se'em woo n ka nɔŋɛ Daana la. Maranata! (De vuurɛ dela, “Tu Daana, wa'am na.”)

1 Korẽntɩ 6:19

Bii ya ka mi' ti ya iŋa la dela pu'uhegɔ yire bo' Fa'a Sia la en boi la ya la, se'em ti ya daa to'e Yinɛ zi'an la. Bala, ya ka le sɔna ya mɛhi?

2 Korẽntɩ 1:9

Yelemɛŋerɛ, la daa ani tɔ woo ba gakɛ tu mɛ ti ba ku la, gee ŋwana wa en iŋɛ la, daa bahɛ ti tu ka dɛla tu mɛhi, gee Yinse'ere n vo'ore kum la.

2 Korẽntɩ 13:14

Tu Daana Yezu Kiresta zu'uhegɔ, Yinɛ nɔŋelum, Fa'a Sia suunuurɛ bɔna la ya za'a.

2 Korẽntɩ 5:14

Kiresta nɔŋerɛ la en bo'ori tɔ paŋa, se'ere zuo, tu za'a sakɛ ya ti nɛra ayima n ki bo' nɛrawoo, bala la, nɛrawoo ki mɛ.

2 Korẽntɩ 5:19

Dina dela, Kiresta puan ti Yinɛ dɔla dikera tiŋa wa za'a naara a mɛa, ka dikera ba be'em taala pagela ba zuo, tum dikɛ naarɛ sɔɔleŋa wa iŋɛ tumam nu'uhen.

Efɛɛzɩ 6:24

Yinɛ zu'uhegɔ bɔna la yamam sɛba woo n tara nɔŋese'ere n ka tari ba'ahegɔ la bɔ'ɔra tu Daana Yezu Kiresta la.

2 Timoti 1:12

dina wa zuo ti mam nameha wuu mam en namehɛ se'em wa. Gee vi ka tari mam, se'ere en sɔi la, mam mi' se'em ti mam delum en la mɛ, N me mi' suŋa suŋa ti a wan ta'am gura mam ta paaɛ de daarɛ, la sɛla ti a dikɛ iŋɛ mam puan la.

Hiburuduma 1:6

Le yɛ'ɛha, Yinɛ en yeti a ta bahɛ ti a dayɔkiima wa wa'am tiŋa wa zuo na la, a tɔgɛ bala yeti, “ Bahɛ ti Yinɛ suŋereba la za'a na'aha dayua wa.”

2 Pita 1:1

Mam Simɔn Pita, en de yameŋa, dɛna Yezu Kiresta tuntuna la, en gulehɛ bɔ'ɔra sɛba en doohe Yinɛ la Faara Yezu Kiresta tuntɔɔnɛ la puan to'e sakerɛ en de tuulum lɔkɔ wuu tumam dinɛ la.

2 Pita 3:18

Gee tugum zo'ore ya zu'uhegɔ, la ya mi'ilum tu Daana la tu faara Yezu Kiresta puan. Eŋa ti pɛka za'a dɛna a dinɛ, nananawa ta paara dabeherɛ se'ere en ka tari ba'ahegɔ la. (Taari.)

1 Zã 2:23

Se'em woo en zagehɛ Dayua la, kan tara Sɔ la. Se'em woo en sakɛ bo' Dayua la tari Sɔ la me mɛ.

2 Zã 1:9

Se'em woo en ka dole Kiresta pa'alegɔ la gee zɔɛ ku, ka tari Yinɛ a puan. Se'em woo en dole pa'alegɔ la, gee bɔna ku puan, tari Sɔ la mɛ, la Dayua la mɛ a puan.