Azã 5:22 - ZE'ELEGO PAALEGA

²² Sɔ la mɛŋa ka gakeri nɛra, gee a dikɛ gakerɛ paŋa la za'a bo' la Dayua la,

Farefare Ninkaré

²² La Sɔ la ka diti nẽra nẽra sarɩya, a basɛ sarɩyadia la wuu bɔ la a Dayʋa la,

Azã 5:22 ပူးပေါင်းရင်းမြစ်များ

Amatie 11:27

Mam Sɔ dikɛ sɛla woo iŋɛ la mam nu'uhen. Nɛra ka mi' dayua la, han dagena Sɔ la. Nɛra me ka mi' Sɔ la, han dagena dayua la, la se'em ti dayua la bɔta ti a lilege Sɔ la pa'alɛ en.

Amatie 16:27

“Se'ere en sɔi la, Asaala dayua la yeti a wa'am me na la a suŋereba, a Sɔ suŋa la puan, bilam ti a wan yɔ nɛrawoo doohe en tum se'em.

Amatie 28:18

Ti Yezu paaɛ ba na, yele ba yeti, “Paŋa za'a en boi saazuo ha, la timpaberɛ wa zuo dikɛ bo' la mam.

Azã 17:2

Fum n bo' mam kpe'eŋo ti n sɔna asaala woo, la n dikɛ vomkanba'ahɛ bo' sɛba woo ti fum dikɛ bo' mam la.

Azã 3:35

Sɔ la nɔŋɛ dayua la mɛ, gee dikɛ sɛla woo iŋɛ a nu'uhen.

Azã 5:27

gee me kelum bo' Dayua wa paŋa ti a gakɛ, se'ere n sɔi la, a dela Asaala Dayua.

Azã 9:39

Ti Yezu yeti, “Mam wa'am timpaberɛ wa zuo na ti n gakɛ mɛ, ti sɛba n fɔ la nyɛta, ti sɛba n nyɛti la tee fɔ.”

Tõoma 10:42

Ti a bo' tu nuurɛ ti tu tɔgɛ bo' nɛreba, gee muulɛ ti eŋa n de se'em ti Yinɛ looe en ti a dɛna vɔpa la ki'induma gakera.

Tõoma 17:31

Se'ere n sɔi la, a looe la dabeherɛ biŋe, ti daan dinɛ daarɛ ti a wan gakɛ nɛrawoo n boi timpaberɛ wa zuo tuuntɔɔ. A wan doohe la buraa kayima ti a mɛŋa looe la, doohe eŋa puan ti putɛ'kɔ'ɔrɛ bɔna, eŋa n ihege en kum puan la.”

Aromduma 2:16

daan se'ere daarɛ, wuu vom yelehum la en yele se'em yeti, Yinɛ wan doohe Kiresta Yezu puan gakɛ sɛla woo en sugɛ nɛre woo suuren la.

2 Korẽntɩ 5:10

Se'ere en sɔi la, tu za'a wan ze'ele Kiresta gakerɛ kuka la nɛŋan, ti nɛra woo to'e a yɔɔrɛ en tum sɛla a inganɛ wa puan. La dɛna sum bii be'em.

2 Timoti 4:1

Yinɛ, la Kiresta Yezu nɛŋan, se'em en wan gakɛ vɔpa la ki'induma la, la a lɛbega na, la a sɔ'ɔlum la zuo, n kageri fum mɛ la ninmu'urɛ.

1 Pita 4:5

Gee ba wan ta yele bo' eŋa se'em en maahum ti a gakɛ vɔpa la ki'induma la,se'ere zuo ti ba yaala ya la.