Azã 5:18 - ZE'ELEGO PAALEGA

¹⁸ Ŋwana zuo, ti Yuuduma wa malum mu'ɛ la nini ɛɛra ba ko' en, beni zuo, a ka galum la vo'ohego daarɛ kiha la ma'a, gee a galum mɛ la eŋa en yi'iri Yinɛ ti a mɛŋa Sɔ, tara a mɛŋa makera la Yinɛ la.

Farefare Ninkaré

¹⁸ Tɩ Zifdõma nẽŋadõma daan malɩn ɛɛra tɩ ba kʋ ẽ, la dagɩ ẽn sã'am vo'osgo daarɛ sisgo la mã'a ĩyã, la de la ẽn ken wi'ira Nawẽnnɛ tɩ ẽŋa Sɔ, ɩta a mẽŋa wʋ Nawẽnnɛ na ĩyã.

Azã 5:18 ပူးပေါင်းရင်းမြစ်များ

Amatie 12:5

Bii ya ka kãalɛ nɔze'elego la puan, ti vo'ohego dabehere la, malema duma la en boi pu'uhegɔ yire la galum vo'ohego dabeherɛ la mɛ gee ti la ka galum?

Azã 1:19

Yɔn en yele se'ere en iŋɛ n ŋwana, Yuuduma la en tum malema duma la Levi duma ze'ele Yerusalɛm na ti ba soke en yeti, “Fum dela ani la?”

Azã 10:30

Sɔ la, la mam dela buyina.”

Azã 10:33

Ti Yuuduma la lerege en yeti, “La dagi la fum tuunsunɛ se'ere zuo, gee tuurɛ la. Beni zuo, fum wa n kɔ'ɔm dɛna asaala gee dikera fum mɛŋa lɛbegera Yinɛ la zuo.”

Azã 14:23

Ti Yezu lerege en yeti, “Sɛba en nɔŋɛ mam la, wan tara mam yelehum la, ti mam Sɔ wan nɔŋɛ ba, ti mam la n Sɔ la wan wa'am na iŋɛ tu bɔŋa zi'an ba puan.

Azã 14:9

Ti Yezu yele en yeti, “Mam n boi la ya saŋa kana wa woo wa Filipi, ti fum kelum ka mina mam? Se'em woo n nyɛ mam, nyɛ Sɔ la mɛ. Wani ti fum le yɛta mam yeti, ‘Pa'alɛ tɔ Sɔ la’?

Azã 19:7

Ti Yuuduma la lerege naba wa yeti, “Tumam tari la tu ze'elego, ti ze'elego la puan, a dela a ki, la eŋa n yeti eŋa dela Yinɛ dayua la.”

Azã 5:15

Ti buraa wa kiŋɛ nyaa ta yele Yuuduma la yeti, la dela Yezu n daa tibɛ mam la.

Azã 5:16

Ŋwana zuo ti Yuda duma la ihige dɔla Yezu dɔlega, eŋa en tuni tuun-ana wa taaba vo'ohego dabeherɛ puan la.

Azã 5:17

Ti Yezu lerege ba yeti, “Mam Sɔ n tuni la, mam me tuni mɛ.”

Azã 5:23

ti bala ti nɛra woo wan na'aha dayua la wuu ban na'ahɛ Sɔ la se'em la. Fum se'em woo n ka na'ahɛ Dayua la, ka na'ahɛ sɔ se'em n tum en na la.

Azã 7:1

Dina pooren, ti Yezu nyaa ɛɛra Galilii tiŋa puan. A ka boti a ɛɛra Yudiya tiŋa puan, se'ere n sɔi la Yuuduma la mu'ɛ la nini ɛɛra yɔ'ɔ ti ba ku en.

Azã 7:19

“Dagi Moose n bo' ya pa'alegɔ la? Gee la bala za'a, ya se'em ka dole pa'alegɔ la. Beni zuo ti ya ɛɛra ya ku mam?”

Azã 8:54

Ti Yezu lerege ba yeti, “Mam han na'ahera n mɛŋa, n mɛŋa na'ahegɔ kuŋɔ dela yoo. La dela mam Sɔ la n na'aheri mam, Eŋa n bala ti ya yeti, ‘Yinɛ ma'a n de tumam Yinɛ la,’

Azã 8:58

Ti Yezu yele ba yeti, “Yelemɛŋerɛ yelemɛŋerɛ ti n yɛta ya wa. Aberaham n wa bɔna la, ti mam pun bɔna mɛ.”

Filipi 2:6

Eŋa se'em, en daa pun dɛna Yinɛ mɛŋa naanɛ la, a daa ka bihɛ eŋa en zuni la Yinɛ la, ti la dɛna sɛla bo' en. Dɛna sɛla ti a gurɛ kankaŋi,

Lilegere 22:1

Ti suŋera wa pa'alɛ mam kulaa sɛka en tari vom ko'om la, ti ka nyagera, ana yilaam, ze'ele Yinɛ, la Pebila la na'am kuka kãtɛ la puan zɔta na,

Lilegere 22:3

Sɛla en de be'em lɔkɔ kan le puta bilam. Gee na'am kugekãtɛ en de Yinɛ la Pebila la dinɛ la wan bɔna bilam, ti a yamehi la na'aha en.