Azã 4:42 - ZE'ELEGO PAALEGA

⁴² Gee nyaa yele pɔka la yeti, “La le dagena fum n yele tu se'em la zuo ti tu nam wa, gee tu mɛhi tuba n wum, ti tu baŋɛ ti eŋa n sirum de timpaberɛ wa zuo za'a faara la.”

Farefare Ninkaré

⁴² La ba daan yele pɔka la yetɩ: «La ka le dɛna fõn yele la ĩyã tɩ tõma bɔ ẽ sɩra. Tõma mẽŋa wõm a yetɔga mɛ, la tõma mi tɩ ẽna sɩrɩ de la dũnia Fãagra la.»

Azã 4:42 ပူးပေါင်းရင်းမြစ်များ

Amatie 1:21

A wan dɔgɛ la budibela ti fum sigɛ ka yu'urɛ Yezu. Se'ere en sɔi la, eŋa n yeti a faaɛ a nɛreba ba be'em puan bahɛ.”

Aluki 2:32

Se'em en de niihum wan niiɛ ti sɛba n dagi Yuuduma nyɛta la. Se'em en wan tari pɛka wa'am fum nɛreba Iziraleduma zuo na la.”

Azã 1:29

Yiimbeere ti Yɔn nyɛ ti Yezu kini tɔɔra en na, ti a muulɛ yeti, “Bihɛ ya,Yinɛ Pebila la n ŋwana, se'em n to'e timpaberɛ wa zuo be'em la!

Azã 11:17

Yezu n ta paaɛ Yudiya tiŋa la, a wum ti ba pi' Lazarus la dabeha anaahi zina.

Azã 17:8

Se'ere n sɔi la, yelehum la ti fum dikɛ bo' mam la, mam dikɛ bo' ba mɛ, ti ba me to'e bu, gee mina yelemɛŋerɛ la, ti mam sirum ze'ele fum zi'an na. Ba me nam ya ti, fum n tum mam na.

Azã 4:29

“Wa'am ya na bihɛ ya, Buraa kayima n yele mam yele sɛ'a woo ti mam tum! Eii!, Ka wan dɛna Kiresta n bala, bii ka kan dɛna?”

Azã 4:41

Ti nɛreba zo'e zo'e nam en, doohe a yelehum la puan.

Tõoma 13:23

Buraa kana wa yaahi puan ti Yinɛ doohe tari faara la n de Yezu wa'am Izirale puan na wuu en yuum biŋe a nuurɛ se'em la.

Tõoma 4:12

Faarɛ ka boi se'em puan, se'ere n sɔi la, yu'se'ere ka boi sagbanɛ wa tiŋa bo' nɛresaaleba ti ba wan yi' de nyɛ faarɛ.”

Tõoma 5:31

Yinɛ zɛkɛ en mɛ ta zi'ire a zuɔ nu'o ti a dɛna Nɛŋa Daana, la Faara, ti a bo' Izirale suteere la yelebe'ero sugeri.

2 Korẽntɩ 5:19

Dina dela, Kiresta puan ti Yinɛ dɔla dikera tiŋa wa za'a naara a mɛa, ka dikera ba be'em taala pagela ba zuo, tum dikɛ naarɛ sɔɔleŋa wa iŋɛ tumam nu'uhen.

1 Timoti 4:10

Tara tara la zina, tu nameheri mɛ gee zigera, beni zuo, tu dikɛ tu beere puti'irɛ delum la Yinɛ vua wa en de asaala woo Faara wa, yele yele wuu sɛba en nam la.

1 Zã 2:2

Eŋa en de akaabɛ to'e kaabegɔ bo' tumam tuure la, dagi tumam ma'a tuure la, gee tiŋa wa zuo za'a tuure.

1 Zã 4:14

Tu me nyɛ de mɛ, gee muula ti, Yinɛ en de Sɔ la tum la a Dayua ti a dɛna Faara bo' tiŋa wa zuo.

1 Zã 5:20

Tu me mi' ti, Yinɛ Dayua la wa'am na bo' tu la bɔkerɛ, ti tu mina eŋa se'em en de yelemɛŋerɛ la, tu me boi la eŋa se'em en de yelemɛŋerɛ la puan, Yelemɛŋerɛ dina wa dela Yinɛ Dayua Yezu Kiresta. Eŋa en de Yinɛ de mɛŋa mɛŋa, la Yinɛ vomsumɔ kamba'ahɛ.