Azã 3:27 - ZE'ELEGO PAALEGA

²⁷ Ti Yɔn lerege ba yeti, “Se'em ka boi wan to'e sɛla, han dagena saazuo n dikɛ bo' a daana.

Farefare Ninkaré

²⁷ Tɩ Azã lerge ba yetɩ: «Nẽra ka tã wʋn to'oge sɛla tɩ la sãn dagna Nawẽnnɛ n bɔ ẽ.

Azã 3:27 ပူးပေါင်းရင်းမြစ်များ

Amatie 21:25

Yɔn ko'om sua la, bu ze'ele la saazuo na bii asaala zi'an?” Ti ba bu'ura la taaba yeti, “Tu han yeti, bu ze'ele la saazuo na, a wan soke tu yeti, ‘Ŋwani ti ya yi ka nam bo' en?’

Amatie 25:15

A bo' ayima la talenta banuu, bo' ayima talenta bayi', bo' ayima me talenta ayima . A bo' ba doohe la ba mi'ilum paŋa en zuni se'em. Gee kiŋɛ a sore la.

Amarkɩ 13:34

La yeti la ta ana mɛ wuu nɛra n ye' sore gee dikɛ a yire gu'ule a yamehi, bo' nɛra woo la a tuunɛ a tuunɛ gee yele zanɔgura ti a biha yire la suŋa suŋa.

Azã 10:41

Ti nɛreba zo'e zo'e wa'an a zi'an na gee yɛta taaba yeti, “Yɔn yuum ka tuni daalehum, gee sɛla woo ti yele doohe buraa wa puan za'a dela asira.” ’

Azã 6:65

Bala ti a yele ba yeti, “Ŋwana zuo ti mam yele ya yeti, se'em kan ta'am wa'am mam zi'an na, han dagena mam Sɔ n bo' sore.”

Aromduma 1:5

Se'em puan ti tumam to'e zu'uhegɔ, la tuntuneba yɔ'ɔ, ti tu bahɛ ti timpaberɛ wa nɛreba za'a me nam, gee tara sakerɛ a yu'urɛ la puan.

Aromduma 12:6

Tu tari la zu'uhegɔ bo'olum en boi yima yima, doohe la ban bo' tu, tu zu'uhegɔ se'em la. Purega puan, tu dela tu puta ti la zuna la tu sakerɛ la,

1 Korẽntɩ 1:1

Pɔɔl, se'em ti Yinɛ yi' ti, a dɛna Kiresta Yezu tuntuna, doohe Yinɛ mɛŋa suboolum la, la tu suuɔ Sositenese

1 Korẽntɩ 12:11

Nananawa, bo'olum buna wa za'a, Sia kayima wa n bahɛ ti ba tuna. Sia kayima mɛa n bo'ori nɛra woo a bo'olum a bo'olum wuu Sia la mɛŋa n boti se'em la.

1 Korẽntɩ 15:10

Gee Yinɛ zu'uhegɔ la zuo, mam dela mam en de se'em la, ti a zu'uhegɔ la ti a dikɛ bo' mam la me ka bahɛ yoo. Gee mam tugum tum mɛ paaɛ paaɛ gaŋɛ ba za'a. La dagi mam mɛŋa paŋa, gee Yinɛ zu'uhegɔ la n boi la mam la.

1 Korẽntɩ 3:5

Ani en de Apolos? Ti ani dɛna Pɔɔl? Ba za'a dela yamehi se'ehi ti ya doohe ba puan baŋɛ Yinɛ, wuu Daana la en bo' ba ayima ayima se'em la.

1 Korẽntɩ 4:7

Beni zuo, ani en nyɛ sɛla en boi la tɔka fum puan? Beni ti fum tara gee ka to'e de Yinɛ zi'an? Fum han to'e la Yinɛ zi'an, ŋwani ti fum ŋmɛ'ɛra nyu'ɔ wuu la dagi la bo'olum ti ba dikɛ bo' fum?

Galatɩ 1:1

Mam Pɔɔl en de tuntuna, dagena la asaala en tum mam bii asaala en bo' mam sore, gee la doohe la Yezu Kiresta puan, la Yinɛ en de Sɔ la, vo'e Yezu a kum puan na la,

Efɛɛzɩ 1:1

Mam Pɔɔl, en de Kiresta Yezu tuntuna,Yinɛ sumboolum zuo la. N gulehɛ gɔŋɔ wa bɔ'ɔra la nɛresunduma en boi Ɛfisu, dɛna sakerɛ duma Kiresta Yezu puan la.

1 Timoti 2:7

Dina zuo ti a looe mam ti n muula, gee dɛna tuntuna (mam tɔgeri la yelemɛŋerɛ, n ka pareni), mam dela sɛba en dagi Yuuduma la pa'ala, sakerɛ la yelemɛŋerɛ puan.

Yemesi 1:17

Beni zuo, abo'yabiyabi woo, la bo'olum sumɔ woo ze'eti la saazuo, Sɔ la en de niihum daana la zi'an sigera na. Se'em puan ti ŋmɛlema la lika ka bɔna doohe teere se'ere puan.