Azã 3:16 - ZE'ELEGO PAALEGA

¹⁶ “Yinɛ nɔŋɛ timpaberɛ wa mɛ paaɛ paaɛ zuo, ti a dikɛ a dayua kayima wa bo' na, ti se'em woo n nam en, kan bahɛ yoo, gee a wan tara vom kamba'ahɛ.

Farefare Ninkaré

¹⁶ Nawẽnnɛ nõŋɛ nẽrsaalba mɛ halɩ, tɩ a tõm a Bi-yẽŋa dũnia zuo, tɩ nẽr-sɛka woo n bɔ ẽ sɩra kãn sã'am, la a wʋn yẽ vɔm n ka ba'asrɩ.

Azã 3:16 ပူးပေါင်းရင်းမြစ်များ

Amatie 9:13

Gee kiŋɛ ya ta zamehɛ yele dina wa vuurɛ. ‘Mam nini tigɛ mɛ la nimbɔ'zɔrɛ dagi kaabegɔ.’ Mam ka wa'am na ti n yi' la tuuntɔɔ duma, gee be'em duma.”

Amarkɩ 12:6

Gee va'am daana wa kelum tara la nɛra yima en de a mɛŋa dayɔba'arɛ. Ba'ahegɔ za'a a tum la kaŋa gee yeti, ‘Ena en de mam dayua la, ba wan na'ahɛ en.’

Aluki 2:14

“Pɛka paaɛ Yinɛ, se'em en boi saazuin zuin ha wa, gee ti timpaberɛ wa me zuo, suma'ahum bɔna la saaleba ti a zu'uhɛ ba la!”

Azã 1:14

Ti se'em ti ba yi'ira Yelehum wa, ta lebege asaala, bɔna la tɔ, ti tu nyɛ a suŋa, sunsɛka en pa'ali ti a dela Sɔ dayɔba'arɛ, pirɛ la zu'uhegɔ, la yelemɛŋerɛ.

Azã 1:18

Nɛra nɛra ka tabelɛ nyɛ Yinɛ. Gee la dela Yinɛ biba'arɛ la, en de Yinɛ la bɔna a Sɔ la suure la en dikɛ en pa'alɛ.

Azã 1:29

Yiimbeere ti Yɔn nyɛ ti Yezu kini tɔɔra en na, ti a muulɛ yeti, “Bihɛ ya,Yinɛ Pebila la n ŋwana, se'em n to'e timpaberɛ wa zuo be'em la!

Azã 10:28

Mam bo'ori si la vomkanba'ahɛ, ti si kan malum bahɛ yoo. Se'em me ka boi wan ta'am zɛ piihi wa mam nu'en faaɛ.

Azã 3:15

Ti se'em woo en nam en, wan tara vom kamba'ahɛ.

Azã 3:18

Sɛba en nam en kan nyɛ sageŋɔ, gee sɛba en ka nam en la, pun diŋɛ bɔna la sageŋɔ puan, se'ere en sɔi la, ba ka nam Yinɛ dayua kayima wa yu'urɛ la.

Azã 3:36

Se'em woo n nam dayua la tari la vom kamba'ahɛ. Se'em me n zagehɛ dayua la ka tari vom, gee Yinɛ sunsunyiim n boi a daana zuo.

Azã 6:40

Dina wa n de mam Sɔ la suboolum yelemɛŋerɛ, ti sɛba woo n nyɛ Dayua la gee nam bo' ka la, wan tara vomkanba'ahɛ, ti n ta vo'e ba ba'ahegɔ daarɛ la.”

Aromduma 5:10

Se'ere en sɔi la, tumam nyaa daa han tugum dɛna Yinɛ dinduma, gee ti a dikɛ tu naaɛ la a mɛŋa, doohe a dayua kum la puan, sɛla en nyaa gani bala dela, en dikɛ tu naaɛ a mɛŋa la, tu wan nyɛ faarɛ a vom la puan.

Aromduma 5:8

Gee Yinɛ pa'alɛ tumam la a nɔŋerɛ, la tumam en daa kelum bɔna tu be'em puan la, ti Kiresta ki bo' tu.

Aromduma 8:32

Yinɛ se'ere en daa ka bahɛ a mɛŋa dayua, gee dikɛ ka tihɛ tumam za'a zuo la, a kan doohe a dayua mɛa puan bo' tu sɛla woo ti tu bɔta me yoi?

Efɛɛzɩ 2:4

Gee Yinɛ n pirɛ la nimbɔ'zɔrɛ la, la nɔŋerɛ kãtɛ se'ere ti a nɔŋɛ tu la,

2 Tesaloniki 2:16

Nananawa, tu Daana Yezu Kiresta mɛŋa, la Yinɛ en de tu Sɔ se'em en nɔŋɛ tɔ gee doohe a zu'uhegɔ puan, bo' tu sumbugehum la beere putɛ'sunɛ en ka tari ba'ahegɔ la,

Taitusi 3:4

Gee Yinɛ se'em en de tu Faara la itesuŋɔ la a nɔŋerɛ kãtɛ la en niiɛ paaɛ nɛra woo la,

Hiburuduma 2:9

gee tu nyɛ Yezu, se'em ti saŋa fii wa, Yinɛ iŋɛ en ti a bɔna suŋereba la tiŋa, gee nananawa nyaa vuge suŋa la na'ahegɔ muŋa doohe a namehegɔ kum la zuo, ti Yinɛ zu'uhegɔ la zuo,Yezu wan lem kum bo' nɛra woo.

1 Zã 3:1

Bihɛ ya nɔŋerɛ kãtɛ se'ere en boi de tɔka ti Sɔ la dikɛ bo' tu, ti ba yi'ira tumam Yinɛ kɔma. Ɛ̃ɛ tumam en sirum de sɛba n bala. Se'ere en sɔi ti tiŋa wa ka mina tu la dela, tiŋa wa yuum ka ka mi' en.

1 Zã 4:19

Tumam tari nɔŋerɛ, beni zuo, eŋa en nɔŋɛ tu yia.

Lilegere 1:5

la Yezu Kiresta en de yelemɛŋerɛ aze'nyɛ daana la, dɛna ki'induma bikiima la, dɛna timpaberɛ wa zuo naduma naba la. Eŋa se'em en nɔŋɛ tɔ, gee faaɛ tɔ tu be'em puan bahɛ, la a mɛŋa ziim la,