Azã 3:15 - ZE'ELEGO PAALEGA

¹⁵ Ti se'em woo en nam en, wan tara vom kamba'ahɛ.

Farefare Ninkaré

¹⁵ Tɩ nẽr-sɛka woo n bɔ ẽ sɩra wʋn tara vɔm n ka ba'asrɩ.»

Azã 3:15 ပူးပေါင်းရင်းမြစ်များ

Amatie 18:10

“Bihɛ ya suŋa la ya da bihɛ bumbibehi wa ayima yoo. Mam yeti ya mɛ wa, ti saazuo ha, ba suŋereba saŋa woo kɔ'ɔm nyɛta mam Sɔ en boi saazuo nɛŋa mɛ saŋa woo.

Amatie 25:46

Ti bana wa wan kiŋɛ namehegɔ seko n ka tari ba'ahegɔ puan, gee ti tuuntɔɔ duma la me kɛ̃ vom kamba'ahɛ puan.”

Amarkɩ 16:16

Se'em woo n sakɛ bo' yelehum la gee sɔ ko'om n wan nyɛ faarɛ, gee se'em woo me n ka sakɛ wan nyɛ sageŋɔ.

Aluki 19:10

Se'ere en sɔi la, mam Asaala Dayua wa wa'am na ti n yehe ɛ mɛ, la n faaɛ sɛba en bɔregɛ la bahɛ.”

Azã 1:12

Gee sɛba woo en to'e en la, sɛba en sakɛ bo' a yu'urɛ la, bamam ti a bo' ba paŋa ti ba dɛna Yinɛ kɔma.

Azã 16:33

N yeti ya dina wa, ti ya tara suma'ahum mam puan. Han dɛna timpaberɛ wa zuo, ya wan nyɛ mɛlehegɔ. Gee da bahɛ ya ti dabeem tara ya, gee mam pun nyaŋɛ timpaberɛ wa mɛ.”

Azã 20:31

Gee ba gulehɛ yele ana wa, ti la bahɛ ti fum wa'am na nam ti, Yezu n de Kiresta la, Yinɛ Dayua la. Ti naŋa la puan, ya wan tara vom a yu'urɛ la puan.

Azã 3:16

“Yinɛ nɔŋɛ timpaberɛ wa mɛ paaɛ paaɛ zuo, ti a dikɛ a dayua kayima wa bo' na, ti se'em woo n nam en, kan bahɛ yoo, gee a wan tara vom kamba'ahɛ.

Azã 3:36

Se'em woo n nam dayua la tari la vom kamba'ahɛ. Se'em me n zagehɛ dayua la ka tari vom, gee Yinɛ sunsunyiim n boi a daana zuo.

Azã 5:24

N yeti ya la yelemɛŋerɛ yelemɛŋerɛ wa. Se'em woo n wum mam yelehum wa, gee nam se'em daana n tum mam na la, tari la vomkanba'ahɛ. Ena daana ka boi gakerɛ puan. A daana tee mɛ kum puan wa'am vom puan na.

Azã 6:27

Da tuni ya ɛɛra disɛka n wan ba'ahɛ, gee tuni ya ɛɛra disɛka n wan bɔna wuuha, bo' ya vom kamba'ahɛ, sebo ti mam Asaala Dayua wa wan bo' ya la. Se'ere en sɔi la, mam ma'a ti Yinɛ n de Sɔ la daalehum bɔna a puan.”

Azã 6:40

Dina wa n de mam Sɔ la suboolum yelemɛŋerɛ, ti sɛba woo n nyɛ Dayua la gee nam bo' ka la, wan tara vomkanba'ahɛ, ti n ta vo'e ba ba'ahegɔ daarɛ la.”

Azã 6:47

N yeti ya la yelemɛŋerɛ yelemɛŋerɛ wa, ti se'em woo n nam tari la vomkanba'ahɛ.

Tõoma 13:41

‘Bihɛ ya, Yamam sɛba duma n ka dikɛ Yinɛ yelehum yi' sɛla wa, Bahɛ ti la iŋɛ ya pakerɛ ti ya bahɛ yoo, se'ere n sɔi la, mam tuni mɛ ya vom dabeha wa puan. N tuni la tuunsɛ'a ti ya kan malum sakɛ, nɛra han pun yele ya.’ ”

Tõoma 8:36

Ti ban boi sore zuo yɛ'a la, ti Bulɛ wa ta yeti, “Bihɛ, ko'om n ŋwana ha. Beni n wan gu' mam ti n kan to'e ko'om sua?”

Aromduma 5:21

bala, be'em n pa'ali a paŋa kum puan se'em la, bala mɛa ti zu'uhegɔ wan pa'alɛ a paŋa doohe buurɔ, yu'ura sore bɔ'ɔra vom kamba'ahɛ sebo en boi Yezu Kiresta tu Daana puan la.

1 Korẽntɩ 1:18

Se'ere en sɔi la, Pumpuuredɔɔ yelehum la dela gɔɔnyɛla bo' sɛba en baheri yoo la. Gee han dɛna tumam sɛba en nyɛ faarɛ wa, bu dela Yinɛ paŋa.

2 Korẽntɩ 4:3

Tumam yelehum wa han pun pi' mɛ, bu pi' la sɛba en baheri yoo la zi'an.

Galatɩ 2:16

Gee la bala za'a, tu mi' ti nɛra de ma'a la Yinɛ dagi la en tuni ze'elego la, gee en tari sakerɛ Yezu Kiresta puan. Ti tumam wa'am na nam Yezu Kiresta, ti tu dɛna ma'a la Yinɛ tu sakerɛ Kiresta puan, gee dagi tumam en tuni ze'elego tuuma se'em. Beni zuo, nɛra ka boi n wan ta'am dɛna ma'a la Yinɛ eŋa en tuni ze'elego tuuma la.

Galatɩ 2:20

La le dagena mam mɛŋa en vɔi, gee la dela Kiresta en vɔi mam puan. Ti vom sebo ti n vɔna inganɛ puan nananawa, n vɔi mɛ la sakerɛ Yinɛ Dayua la, se'em en nɔŋɛ mam gee dikɛ a mɛŋa kaabɛ bo' mam la puan.

Hiburuduma 10:39

Gee tumam ka pa'ahɛ sɛba en lebere pooren, ni ta bɔregɛ la, gee sɛba en tari sakerɛ, bala zuo nyɛ faarɛ la puan.

Hiburuduma 7:25

Dina zuo la a nyaŋeri mɛ faara, nananawa la saŋa woo sɛba en dole a puan paara Yinɛ la baha, eŋa en vɔi wuuha la zuo, a ŋmɛ'ɛra nupu'ɔ ba zuo la.

1 Zã 2:25

Sɛla ti Yinɛ mɛŋa biŋe nuurɛ la tɔ n ŋwana, Yinɛ vom sumɔ n kamba'ahɛ.

1 Zã 5:1

Se'em woo en nam ti Yezu en de Kiresta la, Yinɛ en dɔgɛ a daana, se'em woo en nɔŋɛ dɔgera la, me nɔŋɛ se'em ti a dɔgɛ la mɛ.

1 Zã 5:20

Tu me mi' ti, Yinɛ Dayua la wa'am na bo' tu la bɔkerɛ, ti tu mina eŋa se'em en de yelemɛŋerɛ la, tu me boi la eŋa se'em en de yelemɛŋerɛ la puan, Yelemɛŋerɛ dina wa dela Yinɛ Dayua Yezu Kiresta. Eŋa en de Yinɛ de mɛŋa mɛŋa, la Yinɛ vomsumɔ kamba'ahɛ.