Azã 21:22 - ZE'ELEGO PAALEGA

²² Ti Yezu yele en yeti, “La han dɛna mam suboolum ti a vɔna gura ti n ta lebe na, la nyɛ fum la bɛ? Dɔla mam.”

Farefare Ninkaré

²² Tɩ Azezi lerge ẽ yetɩ: «Mam sãn bɔɔra tɩ a vɔa, halɩ tɩ mam wa leme wa'am, bẽm n pakɛ fõn? Fõn wen dɔla mam.»

Azã 21:22 ပူးပေါင်းရင်းမြစ်များ

Amatie 16:24

Ti Yezu yele a zahereba la yeti, “Se'em woo en boti a dɔla mam, a daana zagehɛ a mɛŋa gee dikɛ a pumpuuredɔɔ zi dɔla mam.

Amatie 24:27

Se'ere en sɔi la, wuu saa n ni nyakɛ dapɔya bɔba ti la niiɛ paaɛ zanɔya bɔba se'em la, bala mɛa ti Asaala Dayua lɛbega na la wan ta ana.

Amatie 24:3

Daarɛ deyima ti Yezu ta zi'a Olive Zoore zuo, ti a zahereba la wa'am a zi'an ba ma'a na, yele en yeti, “Yele tu, saŋa kani ti dina wa wan iŋɛ, la daalehum buni n wan pa'alɛ fum lɛbega na, la ba'ahegɔ saŋa la?”

Amatie 24:44

Bala zuo, yamam me dela ya maahum, se'ere en sɔi la, Asaala Dayua la ye' la hansɛka ti ya ka ti'iha ti a ye' na.

Amatie 25:31

“Asaala Dayua han ta wa'am la a suŋa la, ti suŋereba la za'a dɔla en la, a nyaa wan zi'ire a suŋa na'am kuka la zuo.

Amatie 8:22

Gee Yezu yele en yeti, “Dɔla mam gee bahɛ ti kum duma pi' ba kum.”

Amarkɩ 9:1

Ti Yezu yele ba yeti, “N yeti ya la yelemɛŋerɛ paaɛ paaɛ, ti yan ze' ka'lam wa, ya sɛba kan ki' gura ti ya nini ta nyɛ ti Yinɛ sɔ'ɔlum wa wa'am na la paŋa.”

Azã 21:19

(A yeti ŋwana na, a pa'ali la kum sebo taaba ti Pita wan ta ki ti Yinɛ yu'urɛ nyɛ pɛka.) En yele ŋwana ba'ahɛ la, a yele Pita yeti, “Dɔla mam.”

Azã 21:21

Pita n nyɛ en la, a yele Yezu yeti, “Daana, gee ena me?”

1 Korẽntɩ 11:26

Se'ere en sɔi la, sansɛka woo ti ya ɔbera boroboro wa, gee nyuura wula wa puan, ya tiiheri la Daana la kum gura a lɛbega na.

1 Korẽntɩ 4:5

Bala, da gakɛ ya gee ti saŋa la nyaa paaɛ, gee ti Kiresta nyaa wa'am na, eŋa se'em daana en wan bahɛ ti sɛlawoo en sugɛ lika puan nananawa niiɛ peelumen, gee lilege suure puan yɛla la. Bilam ti nɛrawoo nyaa wan to'e a pɛka Yinɛ zi'an.

1 Tesaloniki 2:19

Beni en de tumam beere puti'irɛ, bii nyɛɛma, bii nyu'ɔ ŋmɛ'a muŋa tu Daana Yezu nɛŋan, a lɛbega daarɛ na la? La dagi la yamam?

Yemesi 5:7

N suurɔ wa, tari ya sugeri gee gura Daana la lɛbega na. Ti'ihɛ ya bihɛ Kaareba en ni tara sugeri se'em gura ba bumbuura suma la ti sigesaa la burega saa ta wa'am na ni.

Yemesi 5:8

Yamam me tara sugeri bala, gee da kɔ'ɛ ya puti'irɛ. Daana la kinɛ na paaɛ mɛ na en bala.

Lilegere 1:7

Bihɛ ya! Eŋa en bala bɔna sagbama puan kina na la. Niho woo wan nyɛ en pun ta ta' sɛba en daa lu' en la. Eŋa en kinɛ na la zuo, buuri woo en boi timpaberɛ wa zuo wan kele. Lan yeti la ana se'em en bala. Taari.

Lilegere 2:25

yeen gurɛ ya yan tari sɛla la kankaŋi, gura ti n ta lebe na.

Lilegere 22:20

Se'em daana en nyɛ yele ana wa la yeti, “Yelemɛŋerɛ, n kini la kalam kalam na.” Taari, wa'am na Daana Yezu.

Lilegere 22:7

“Bihɛ, n kini mɛ kalam kalam na! Sum wan bɔna la fum se'em daana en gurɛ nɔtɔgeheba yelehum la en boi gɔnkuna wa puan la suŋa suŋa.”

Lilegere 3:11

N ye' la nananawa na. Gurɛ ya yan tari sɛla la kankaŋi, ti se'em da ta faaɛ ya muŋa la.