Azã 20:31 - ZE'ELEGO PAALEGA

³¹ Gee ba gulehɛ yele ana wa, ti la bahɛ ti fum wa'am na nam ti, Yezu n de Kiresta la, Yinɛ Dayua la. Ti naŋa la puan, ya wan tara vom a yu'urɛ la puan.

Farefare Ninkaré

³¹ La bõn-bãna wã gʋlsɛ tɩ ya bɔ la sɩra tɩ Azezi n de Krisi, Nawẽnnɛ Dayʋa la, tɩ ya sãn bɔ ẽ sɩra, ya wʋn yẽ yõvore a yʋ'ʋrɛ ĩyã.

Azã 20:31 ပူးပေါင်းရင်းမြစ်များ

Amatie 16:16

Ti Simɔn Pita lerege yeti, “Fum n de Kiresta la, Yinɛ vua la Dayua.”

Amatie 27:54

Pɛntiira la la sɛba n boi la en ti ba zɛ'a gura Yezu la en nyɛ sɛla woo en iŋɛ la, dabeem kãtɛ en kɛ̃ ba, ti ba yeti, “Yelemɛŋerɛ, buraa wa dela Yinɛ Dayua.”

Amatie 4:3

Ti pumpã'afum daana la wa'am a zi'an na yele en yeti, “Fum han dɛna la Yinɛ bia, bo' kuga wa nuurɛ ti ba lebege boroboro.”

Amarkɩ 16:16

Se'em woo n sakɛ bo' yelehum la gee sɔ ko'om n wan nyɛ faarɛ, gee se'em woo me n ka sakɛ wan nyɛ sageŋɔ.

Aluki 1:35

Ti Suŋera la yele en yeti, “Fa'a Sia la wan sige fum zuo, ti Gani Za'a Daana paŋa pi' fum. Bala zuo, bia la ti fum yeti fum dɔgɛ la wan dɛna la Fa'a. Ba wan yi'ira ka la Yinɛ Dayua.

Aluki 1:4

ti la bahɛ ti fum mina yelemɛŋerɛ se'ere en boi yele sɛ'a woo ti ba pa'alɛ fum la puan.

Aluki 24:47

ti a yu'urɛ puan ti ba wan muula teere en bo'ori , la be'em sugeri dia, pɔhera Yerusalɛm, la tihi za'a puan.

Azã 1:49

Ti Nataniyɛl lerege en yeti, “Rabi fum sirum dela Yinɛ dayua la. Fum en de Izirale naba la.”

Azã 10:10

Nageyiga ye' na yoo gee a ye' na ti a zu mɛ, gee ku, gee sagum. Gee han dɛna mam, mam wa'am na ti ba nyɛ la vom, vom sebo en seke yabera .

Azã 19:35

Se'em daana n daa ze' bini gee nyɛ ti yele ana wa iŋɛ la n bala n yeti hɔ, ti fum nam. En yeti se'ere la dela asira. A mi' ti a yeti la yelemɛŋerɛ.

Azã 20:28

Ti Tɔmasi lerege en yeti, “Mam Daana la mam Yinɛ.”

Azã 3:18

Sɛba en nam en kan nyɛ sageŋɔ, gee sɛba en ka nam en la, pun diŋɛ bɔna la sageŋɔ puan, se'ere en sɔi la, ba ka nam Yinɛ dayua kayima wa yu'urɛ la.

Azã 3:36

Se'em woo n nam dayua la tari la vom kamba'ahɛ. Se'em me n zagehɛ dayua la ka tari vom, gee Yinɛ sunsunyiim n boi a daana zuo.

Azã 5:24

N yeti ya la yelemɛŋerɛ yelemɛŋerɛ wa. Se'em woo n wum mam yelehum wa, gee nam se'em daana n tum mam na la, tari la vomkanba'ahɛ. Ena daana ka boi gakerɛ puan. A daana tee mɛ kum puan wa'am vom puan na.

Azã 6:40

Dina wa n de mam Sɔ la suboolum yelemɛŋerɛ, ti sɛba woo n nyɛ Dayua la gee nam bo' ka la, wan tara vomkanba'ahɛ, ti n ta vo'e ba ba'ahegɔ daarɛ la.”

Tõoma 10:43

Nɔtɔgeheba la woo yuum yele la eŋa yele ti, se'em woo n nam en, a be'em wan saalum Yezu yu'urɛ la zuo.”

Tõoma 3:16

La doohe la sakerɛ a yu'urɛ puan ti buraa wa ti ya nyɛta gee mina ka wa dɛna ka mɛŋa wa. Sakerɛ a yu'urɛ puan la en tibɛ en za'a za'a ya woo ninin wa.

Tõoma 8:36

Ti ban boi sore zuo yɛ'a la, ti Bulɛ wa ta yeti, “Bihɛ, ko'om n ŋwana ha. Beni n wan gu' mam ti n kan to'e ko'om sua?”

Tõoma 8:37

[Ti Filipi yele en yeti, fum han nam la fum suure za'a, fum wan sɔ. Ti a lerege yeti mam nam ya ti Yezu Kiresta dela Yinɛ Dayua.]

Tõoma 9:20

Bilam bilam ti Sɔɔl pɔhɛ muula Yezu yele zamehegɔ yire la puan yeti, “Yezu sirum dela Yinɛ Dayua.”

1 Pita 1:9

Se'ere en sɔi la, ya to'ore la ya sakerɛ yɔɔrɛ en de ya sɛɛhi faarɛ la.

1 Zã 4:15

Yinɛ boi mɛ la se'em woo en purɛ ti Yezu dela Yinɛ Dayua, gee ti a daana me bɔna Yinɛ puan kankaŋi.

1 Zã 5:1

Se'em woo en nam ti Yezu en de Kiresta la, Yinɛ en dɔgɛ a daana, se'em woo en nɔŋɛ dɔgera la, me nɔŋɛ se'em ti a dɔgɛ la mɛ.

1 Zã 5:20

Tu me mi' ti, Yinɛ Dayua la wa'am na bo' tu la bɔkerɛ, ti tu mina eŋa se'em en de yelemɛŋerɛ la, tu me boi la eŋa se'em en de yelemɛŋerɛ la puan, Yelemɛŋerɛ dina wa dela Yinɛ Dayua Yezu Kiresta. Eŋa en de Yinɛ de mɛŋa mɛŋa, la Yinɛ vomsumɔ kamba'ahɛ.

2 Zã 1:9

Se'em woo en ka dole Kiresta pa'alegɔ la gee zɔɛ ku, ka tari Yinɛ a puan. Se'em woo en dole pa'alegɔ la, gee bɔna ku puan, tari Sɔ la mɛ, la Dayua la mɛ a puan.

Lilegere 2:18

“Suŋera se'em en boi Taitira lageŋɔ la puan la ti n guleha bɔ'ɔra. Yetɔgebuna dela Yinɛ Dayua la, se'em nini en ani wuu bugum peelum la, la se'em nama en nyagere wuu nyɔgum la dinɛ.