Azã 20:17 - ZE'ELEGO PAALEGA

¹⁷ Ti Yezu yele en yeti, “Da nan gi' mam, se'ere n sɔi la n nan ka zom sɔ la zi'an. Gee kiŋɛ ta yele n suurɔ la yeti, ‘N yeti n kiŋɛ la n sɔ la n de ya sɔ la, la mam Yinɛ la n de ya Yinɛ la zi'an.’ ”

Farefare Ninkaré

¹⁷ Tɩ Azezi yele ẽ yetɩ: «Da kalʋm ma, mam nãn ka zom m Sɔ la zẽ'am. Sẽŋɛ m sɔbiisi la zẽ'am ka yele ba yetɩ: ‹Mam zonnɩ na mam Sɔ Nawẽnnɛ n de yãma Sɔ, la yãma Nawẽnnɛ na zẽ'am.› »

Azã 20:17 ပူးပေါင်းရင်းမြစ်များ

Amatie 12:50

Se'ere en sɔi la, se'em woo en tuni mam sɔ n boi saazuo ha sumboolum, nɛre eŋa en de mam suuɔ, mam taya, la mam ma.”

Amatie 25:40

Ti Naba la wan lerege ba yeti, ‘N yeti ya la yelemɛŋerɛ wa, ti yan daa iŋɛ se'em bo' se'em n pɔ'ɛ mam suurɔ wa puan la, ya daa iŋɛ bo' la mam.’

Amatie 28:7

Kiŋɛ ya kalam ta yele a zahereba la yeti, Yezu vo'e a kum la puan. ‘Yelemɛŋerɛ, a boi ya nɛŋa yɛ'a Galilii ha. Bilam ti ya wan ta nyɛ en.’ Mam sɔɔleŋa en ŋwana bo' ya.”

Amarkɩ 12:26

La han le dɛna la kum vo'ore la yele ya ka kãalɛ sɛla en boi Moose nɔze'elego gɔŋɔ la puan, doohe tuntuo la n yuum taaɛ bugum la. Yinɛ yuum yele Moose yeti, ‘Mam en de Aberaham Yinɛ, Aziki Yinɛ, la Yakɔbe Yinɛ.’

Amarkɩ 16:19

Bala Daana Yezu n tɔgɛ bo' ba ba'ahɛ la, a zom la saazuo, ta zi'ire Yinɛ zuɔ nu'o.

Aluki 10:4

Da tari ya ligeri tapɔtɔ, bii sore kinɛ tapɔtɔ, bii tagera. Da teke ya sore zuo pu'uhɛ nɛra ya kinɛ wa puan.

Azã 13:1

Nananawa, gee ti azɔɛtole de'eŋo la wan paaɛ la, ti Yezu pun baŋɛ ti a saŋa la paaɛ ya ti a bahɛ timpaberɛ wa, gee lebe a Sɔ zi'an. Bala ma'a ti Yezu nɔŋerɛ pun kɛ̃ sɛba en de a dinɛ la n boi timpaberɛ wa zuo la mɛ paaɛ paaɛ. A nɔŋɛ ba mɛ ta paaɛ ba'ahegɔ.

Azã 13:3

Ti Yezu n pun mina ti a Sɔ dikɛ sɛla woo iŋɛ la eŋa Yezu nu'uhen, gee me mina ti eŋa ze'ele la Yinɛ zi'an na, gee me lɛbera la Yinɛ zi'an la,

Azã 14:2

Mam Sɔ yire la ha, deto zo'e mɛ. La han dagi ni bala, mam wan yele ni ya ti n ye' ti n ta maalɛ la bɔŋa zi'an biŋe ya’?

Azã 14:28

Ya wum mam pun yele ya yeti, ‘N yeti n kiŋɛ mɛ, gee le lebe ya zi'an na.’ Ya han nɔŋɛ mam, ya wan nyɛɛna, la mam n ye' Sɔ la zi'an la. Se'ere en sɔi la, Sɔ la gani mam mɛ.

Azã 14:6

Ti Yezu yele en yeti, “Mam n de sore la, la yelemɛŋerɛ la, la nyɔvore la. Se'em kan ta'am paaɛ Sɔ la zi'an, han dagena a doohe la mam puan.

Azã 16:28

Mam ze'ele la Sɔ la zi'an sige timpaberɛ wa zuo na, gee le yeti n bahɛ timpaberɛ wa zuo, gee lebe n Sɔ la zi'an.”

Azã 17:11

Nananawa, mam kan le bɔna timpaberɛ wa zuo, gee bamam kelum bɔna la ka puan. Gee ti mam yɛ'ɛha fum zi'an na. N Sɔ Fa'a daana, gura ba fum yu'urɛ se'ere ti fum dikɛ bo' mam la puan, ti ba dɛna buyina wuu tumam n de buyina se'em la.

Azã 17:25

“N Sɔ tuntɔɔdaana, timpaberɛ wa zuo nɛreba ka mi' hɔ, gee mam mi' hɔ. Bana me mi' ti fum n tum mam na.

Azã 17:5

Bala nananawa n Sɔ, bahɛ ti n nyɛ pɛka fum nɛŋan. Pɛka sɛka ti n daa pun tara fum nɛŋan gee ti timpaberɛ wa baŋɛ naam la.

Azã 20:27

Gee nyaa yele Tɔmasi yeti, “Dikɛ fum nu'dibila doohe n nu'o wa puan bihɛ, gee tiɛ fum nu'o doohe n lugerɛ wa. Da bu'ura, gee nam.”

Azã 7:33

Ti Yezu nyaa yeti, “Mam wan bɔna la ya mɛ dabeha fiiwa, gee lebe se'em n tum mam na la zi'an.

Aromduma 8:29

Se'ere en sɔi la, sɛba ti a pun mina la, a pun maahum ba ze'ele mɛ, ti ba tara a dayua la naanɛ, ti a dayua la ta'am dɛna zuodaana suurɔ kekeko puan.

2 Korẽntɩ 6:18

N wan dɛna ya Sɔ, ti ya dɛna n kɔma. Daana la en de Gani Za'a Daana la en yele.”

Galatɩ 3:26

Se'ere en sɔi la, Yezu Kiresta puan, ya za'a dela Yinɛ kɔma doohe sakerɛ puan.

Hiburuduma 11:16

Gee nananawa lan de se'em la dela, ba suure kɛ̃ mɛ la tinsɛka en gani bala, tinsɛka en ze'eti saazuo na la. Bala zuo, Yinɛ ka tari vi la ba yi'ira en ba Yinɛ. Yelemɛŋerɛ, a sirum maahum la tiŋa biŋe ba.

Hiburuduma 8:10

Nɔpu'ulegɔ kuna ti mam wan pu'ulɛ la Iziraleduma wa, dabeha aŋa han ta tole, Daana la en yele, “N wan dikɛ n nɔze'elego la iŋɛ ba puti'ira puan, gee gulehɛ a iŋɛ ba suya puan, dɛna ba Yinɛ, ti ba dɛna mam nɛreba.

1 Pita 1:3

Sum dɛna Yinɛ en de tu Daana Yezu Kiresta Sɔ la dinɛ! A nimbɔ'zɔrɛ kãtɛ la zuo, a bo' tu la dɔgum paalemɔ ti tu tara beere putɛ'vua doohe Yezu Kiresta vo'ore a kum la puan.

1 Zã 3:2

N sunɔŋerɛ duma wa, tu dela Yinɛ kɔma nananawa. Tumam n wan ta ana se'em nan ka niiɛ. Tumam n mi' sɛla dela dina wa, Kiresta han ta niiɛ na, tu wan ana wuu en la, tu wan nyɛ en wuu en ani se'em la.

Lilegere 21:3

Ti mam wum ti kɔkɛ'ɛŋa ze'ele na'am kuka kãtɛ la zuo tɔgɛ bahɛ na yeti, “Bihɛ, Yinɛ yire en bala bɔna la saaleba wa. A wan bɔna la ba, dɛna ba Yinɛ, ti ba dɛna a nɛreba, Yinɛ mɛŋa en wan bɔna la ba.

Lilegere 21:7

Se'em en nyaŋɛ la, en wan to'e lɔge tuna, ti n dɛna a Yinɛ, ti a dɛna n bia.